రిలీజ్ డేట్ వేసినా మాకు నమ్మకాల్లేవ్ అంటున్నారు..!

ఎన్టీఆర్ ప్రశాంత్ నీల్ కాంబోలో వస్తున్న భారీ సినిమాపై కొన్నాళ్లుగా చర్చలు జరుగుతున్నా ఓపెనింగ్ మాత్రం సడెన్ గా శుక్రవారం చేశారు. మైత్రి మూవీ మేకర్స్ నిర్మిస్తున్న ఈ సినిమా పూజా కార్యక్రమాలు జరిగాయి. ఐతే ఈ సినిమా ముహుర్తం రోజే రిలీజ్ డేట్ కూడా వేశారు. స్టార్ సినిమాలు అనౌన్స్ మెంట్ రోజే రిలీజ్ డేట్ లాక్ చేస్తున్నారు. ముందు రిలీజ్ డేట్ వేస్తే ఆ సీజన్ కు ఖర్చీఫ్ వేసినట్టు అవుతుంది. ఎన్టీఆర్ నీల్ సినిమా ను 2029 జనవరి 9న రిలీజ్ లాక్ చేశారు.

సంక్రాంతికి టార్గెట్ గా ఎన్టీఆర్ నీల్ సినిమా రిలీజ్ కాబోతుంది. ఐతే ఎన్టీఆర్ ప్రస్తుతం దేవర 1, వార్ 2 సినిమాలు చేస్తున్నాడు. ఈ రెండు పూర్తి చేసి ప్రశాంత్ నీల్ సినిమాను అనుకున్న టైం కు పూర్తి చేస్తాడా అని ఫ్యాన్స్ కన్ ఫ్యూజ్ అవుతున్నారు. దేవర 1 సెప్టెంబర్ 27కి రిలీజ్ అవుతుంది. వార్ 2 కూడా దాదాపు చివరి దశకు చేరుకుంది. ఐతే ప్రశాంత్ నీల్ సినిమా ఏడాదిలో షూటింగ్ పూర్తి చేసే ఛాన్స్ ఉంటుందా అంటే చెప్పడం కష్టం.

ఏదో సినిమా పూజ టైం లో రిలీజ్ డేట్ లాక్ చేస్తే ఆ టైం కు పూర్తైతే ఆ డేట్ లేదంటే చివరి దాకా సస్పెన్స్ లో పెట్టి సినిమా రిలీజ్ పోస్ట్ పోన్ అనడం కామనే కాబట్టి అలా ఎన్ టీ ఆర్ ప్రశాంత్ నీల్ సినిమా కూడా వాయిదా వేసే ఛాన్స్ కచ్చితంగా ఉంటుంది. ఐతే ఎన్ టీ ఆర్ తో సినిమా అనౌన్స్ చేసిన ప్రశాంత్ నీల్ పై రెబల్ స్టార్ ఫ్యాన్స్ గరం గరంగా ఉన్నారు. ప్రభాస్ తో సలార్ 1 చేసిన ప్రశాంత్ నీల్ సలార్ 2 ని ఎప్పుడు పూర్తి చేస్తాడా అని ఎదురుచూస్తున్నారు. ఆయనేమో తారక్ తో సినిమా షురూ చేశాడు. సో చూస్తుంటే ఎన్ టీ ఆర్ నీల్ సినిమా రిలీజ్ తర్వాతే సలార్ 2 ఉండే ఛాన్స్ ఉంటుందని అనిపిస్తుంది.

అంటే ఈ లెక్కన సలార్ 2 2027 లేదా ఆ నెక్స్ట్ ఇయర్ దాకా పట్టినా పట్టొచ్చు. ఎన్టీఆర్ తో నీల్ చేసే ఈ సినిమా కూడా రెండు భాగాలే అంటూ చెప్పుకుంటున్నారు. అదే నిజమైతే ప్రశాంత్ నీల్ 2, 3 సినిమాలకే ఐదేళ్ల దాకా టైం తీసుకుంటాడని తెలుస్తుంది.