ఓం భీమ్ బుష్.. మ్యాజిక్ తో వచ్చేస్తున్నారు

విభిన్నమైన సినిమాలతో తనకంటూ ఒక ప్రత్యేకమైన గుర్తింపును అందుకున్న శ్రీ విష్ణు ఈసారి మరొక డిఫరెంట్ సినిమాతో ప్రేక్షకులను ఆకట్టుకునేందుకు సిద్ధమవుతున్నాడు అతనితోపాటు ప్రముఖ కమెడియన్ ప్రియదర్శి రాకుండా రామకృష్ణ కూడా ఆ సినిమాలో నటించబోతున్నారు. శ్రీ హర్ష కొనుగంటి దర్శకత్వంలో రూపొందుతున్న ఓం భీమ్ బుష్.. అనే ఈ సినిమా టైటిల్ ఫస్ట్ లుక్ ను కొద్దిసేపటి క్రితమే విడుదల చేశారు.

యువి క్రియేషన్స్, వి సెల్యులాయిడ్స్ వారు ఈ సినిమాను నిర్మిస్తున్నారు. హుషారు లాంటి మంచి సినిమాతో దర్శకుడిగా మంచి గుర్తింపు అందుకున్న శ్రీ హర్ష కొనుగంటి దర్శకత్వంలో రాబోయే ఈ సినిమాలో బ్యాంగ్ బ్రదర్స్‌గా శ్రీవిష్ణు, ప్రియదర్శి మరియు రాహుల్ రామకృష్ణ కనిపించబోతున్నారు.

ప్రీ-లుక్ గ్లింప్స్‌తో అందరి దృష్టిని ఆకర్షించిన మేకర్స్, ఫస్ట్‌లుక్ పోస్టర్‌తో ముందుకు వచ్చారు. ముగ్గురు కూడా వ్యోమగాములుగా అంతరిక్ష నౌకలో నుంచి భూమిలోకి ప్రవేశిస్తున్నట్లు చూపించారు. ఫస్ట్ లుక్ పోస్టర్‌లో శ్రీవిష్ణు, ప్రియదర్శి, రాహుల్ రామకృష్ణ ముగ్గురూ గ్రామీణ ప్రాంతంలో చేతిలో కొన్ని కరపత్రాలతో స్టైలిష్‌గా నడుచుకుంటూ వెళ్తున్నారు. ఫస్ట్ లుక్ క్రేజీగా ఉంది. సినిమాపై మంచి హైప్ క్రియేట్ చేస్తోంది.

శ్రీ విష్ణు ఇది వరకే కొన్ని కామెడీ సినిమాలు తో మంచి సక్సెస్ అందుకున్నాడు ఇక ఇప్పుడు అతనితో పాటు ప్రముఖ కమెడియన్స్ ప్రియదర్శి రాహుల్ రామకృష్ణ కూడా సినిమాలో కనిపించబోతున్నారు కాబట్టి తప్పకుండా ఈ సినిమాలో ఎంటర్టైన్మెంట్ గట్టిగానే ఉండబోతున్నట్లుగా అనిపిస్తుంది. ఇక టైటిల్ కూడా ఇదే అందరికీ కరెక్ట్ అయ్యేలా ఉంది చాలావరకు ఓం భీమ్ బుష్ అనే పదాలు చిన్నప్పటి నుంచి వింటున్నవే కాబట్టే సినిమా జనాలకు చాలా తొందరగా కనెక్ట్ అయ్యే అవకాశం ఉంటుంది.

ఇక ఈ సినిమాలో ప్రీతి ముకుందన్, అయేషా ఖాన్ కథానాయికలుగా నటిస్తున్నారు. శ్రీకాంత్ అయ్యంగార్, ఆదిత్య మీనన్, రాచ రవి కీలక పాత్రల్లో కనిపించనున్నారు. సాంకేతిక బృందం విషయానికి వస్తే, రాజ్ తోట సినిమాటోగ్రఫీని నిర్వహిస్తుండగా, సన్నీ MR సంగీతం అందించనున్నారు. ఓం భీమ్ బుష్ షూటింగ్ ఇప్పటికే పూర్తి కాగా, మార్చి 22న సినిమాను విడుదల చేస్తున్నట్లు పోస్టర్ ద్వారా మేకర్స్ ప్రకటించారు.