ఓం భీమ్ బుష్ సెన్సార్ రిపోర్ట్.. రన్ టైమ్ ఎంతంటే..

టాలీవుడ్ యంగ్ హీరో శ్రీ విష్ణు, కమెడియన్లు ప్రియదర్శి, రాహుల్ రామకృష్ణ లీడ్ రోల్స్ లో నటిస్తున్న చిత్రం ఓం భీమ్ బుష్. బ్రోచేవారెవరురా మూవీతో టాలీవుడ్ సినీ ప్రియులను అలరించిన వీరు ముగ్గురు.. మరోసారి సందడి చేసేందుకు రెడీ అవుతున్నారు. హుషారు ఫామ్ డైెరెక్టర్ హర్ష కొనుగంటి దర్శకత్వం వహించిన ఈ సినిమా.. మరో మూడు రోజుల్లో ప్రేక్షకుల ముందుకు రానుంది.

ఇప్పటికే ఈ సినిమా నుంచి రిలీజ్ అయిన పోస్టర్స్, టీజర్, ట్రైలర్ కు ఆడియన్స్ నుంచి ఓ రేంజ్ లో రెస్పాన్స్ వచ్చింది. దీంతో మేకర్స్ మూవీ హిట్ అవుద్దని మంచి నమ్మకంతో ఉన్నారు. అదే జోష్ లో నాన్ స్టాప్ ప్రమోషన్స్ చేస్తున్నారు. సోషల్ మీడియాలో రకరకాల ప్రమోషనల్ వీడియోస్ పోస్ట్ చేస్తున్నారు. తమ మూవీ వైపు అందరి దృష్టి తిప్పుకుంటున్నారు. కచ్చితంగా సినిమా చూడాలన్నట్టు సందడి చేస్తున్నారు. మంచి హైప్ క్రియేట్ చేస్తున్నారు.

ఈ మూవీ రిలీజ్ కు ముందు రోజు.. ఓవర్సీస్ తో పాటు పలు ప్రాంతాల్లో ప్రీమియర్ షోలు వేయనున్నారు మేకర్స్. తాజాగా ఈ మూవీ సెన్సార్ కార్యక్రమాలు పూర్తి చేసుకుంది. సెన్సార్ బోర్డు ద్వారా ఈ సినిమా యూ/ఏ సర్టిఫికెట్ అందుకుంది. రన్ టైం కూడా లాక్ చేసుకుంది. యూవీ క్రియేషన్స్, వి సెల్యులాయిడ్ సమర్పణలో ప్రపంచ వ్యాప్తంగా విడుదల కాబోతుంది.

శ్రీవిష్ణు, ప్రియదర్శి, రాహుల్ రామకృష్ణ కాంబో మరోసారి రిపీట్ అవ్వడంతో ఈ మూవీపై ఆడియన్స్ లో మంచి ఆసక్తి నెలకొంది. దీంతో పాటు ఓ కొత్త పాయింట్‍ తో ఈ చిత్రాన్ని తెరకెక్కిస్తున్నట్లు దర్శకుడు హర్ష కొనుగంటి ఇదివరకే చెప్పారు. దీంతో మూవీ కోసం అంతా ఎదురు చూస్తున్నారు. ఒక ఫుల్ లెంగ్త్ కామెడీ అండ్ థ్రిల్లింగ్ జోనర్ లో ఉండబోతుందీ చిత్రం. నిధి కోసం వెతుకులాటలో కుటుంబ ప్రేక్షకులను, యువతను మెప్పించేలా ఈ సినిమా ఉండబోతునట్లు తెలుస్తోంది.

ఈ సినిమా క్లైమాక్స్.. భారీ ఎమోషన్‌ తో ఊహించని ట్విస్ట్‌ లతో ఉంటుందట. శ్రీవిష్ణు కామిక్ టైమింగ్, ప్రియదర్శి, రాహుల్ రామకృష్ణ పాత్రలు స్పెషల్ అట్రాక్షన్ గా నిలవనున్నాయట. సెన్సార్ రివ్యూ రిపోర్ట్స్ పూర్తి పాజిటివ్‌ గా ఉండడంతో మేకర్స్ ఫుల్ ఖుషీగా ఉన్నారు. బాలీవుడ్ బ్యూటీ అయేషా ఖాన్ తో పాటు ప్రీతి ముకుందన్ హీరోయిన్స్ గా నటిస్తున్నారు. మరి ఈ మూవీ ఎలాంటి హిట్ అవుతుందో చూడాలి.