వీడియో: ఓర్రీ హత్యాయత్నం

ఓర్రీ అలియాస్ ఓర్హాన్ అవత్రమణి.. ప‌రిచ‌యం అవ‌స‌రం లేదు. అత‌డిని సెల‌బ్రిటీ ప్ర‌పంచంలో ఓర్రీ అని పిలుస్తారు. అతడు బాలీవుడ్‌లో పాపుల‌ర్ ప‌ర్స‌నాలిటీ. A-లిస్ట‌ర్ సెల‌బ్రిటీలు హోస్ట్ చేసే హై-ప్రొఫైల్ పార్టీలలో నిరంత‌రం కనిపిస్తాడు. ఈ స్టార్-స్టడెడ్ ఈవెంట్‌లలో అతడి ఉనికి అతని ప్రత్యేకమైన ఫ్యాషన్ ఎంపికలు ఎంట‌ర్ టైనింగ్ ప్రవర్తన కారణంగా ఎల్లప్పుడూ అంద‌రి దృష్టిని ఆకర్షిస్తున్నాడు. ఒర్రీతో ఒక్క ఫోటోకోసం అమ్మాయిలు త‌హ‌త‌హ‌లాడుతారు. బాలీవుడ్ లో సీనియ‌ర్లు జూనియ‌ర్లు అనే తేడా లేకుండా క‌థానాయిక‌లంతా అత‌డితో ఫోటోలు సెల్ఫీల కోసం ఎగ‌బ‌డటం చూస్తున్న‌దే. అయితే ఈసారి ఓర్రీ నుండి వచ్చిన వీడియో ఇంటర్నెట్‌లో తుఫానుగా మారింది. ఇది అందరినీ నవ్విస్తుంది.

ఓర్రీ ఇటీవల తన ఇన్‌స్టాగ్రామ్ ఖాతాలో తను హాజరైన ఓ పార్టీ నుంచి వీడియో క్లిప్‌ను షేర్ చేశాడు.

వీడియోలో ఓర్రీ తన స్నేహితుడితో కలిసి సోఫా పై విపరీతంగా దూకడం.. నృత్యం చేయడం క‌నిపిస్తోంది. అతడిలో ఉత్సాహం క‌నిపించింది. అయితే ఇంత‌లోనే అత‌డు అదుపుత‌ప్పాడు. నేలపై పడతాడు. అయితే అతడి స్నేహితులు సహాయం చేయడానికి ఏమైందో తెలుసుకోవ‌డానికి పరుగెత్తుతున్నప్పుడు, అతను సరదాగా ``నా ఫోన్, నా ఫోన్ తీసుకో!`` అని అన్నాడు. ఈ వీడియోతో పాటు, ఓర్రీ ఒక హాస్యాస్పదమైన క్యాప్షన్‌ను రాసాడు, ``మరో రోజు, మరొక పార్టీ.. మరొక హత్యాయత్నం`` అని క్యాప్ష‌న్ ఇచ్చాడు. అత‌డి వేషధారణను బట్టి చూస్తే, అది హాలోవీన్-నేపథ్య ఈవెంట్ అని అర్థ‌మ‌వుతోంది.

ఓర్రీ స్నేహితులు జాన్వీ కపూర్, ఖుషీ కపూర్, అమీ జాక్సన్, సోఫీ చౌదరి త‌దిత‌ర ప్రముఖులు ఈ వీడియోపై స్పందించారు. ఖుషీ కపూర్ స్పందిస్తూ.. ``జీవితంలో నాకు ఇష్టమైన వీడియో`` అని వ్యాఖ్యానించగా, త‌న‌ సోదరి జాన్వీ కామెంట్ సెక్షన్‌లో ఫైర్ ఎమోజీలను షేర్ చేసింది. నెటిజనులు ఈ వీడియోను చూసి స్మైల్ ఈమోజీల‌ను షేర్ చేసారు.

ఓర్రీ గురించి..

ఇంత‌కీ ఓర్రీ ఎవరు? అనేది ఆన్‌లైన్‌లో అత్యంత తరచుగా అడిగే ప్రశ్నలలో ఒకటి. ఈ జనాదరణ పొందిన పార్టీ ఔత్సాహికుడి చుట్టూ ఏం రహ‌స్యం దాగి ఉందో తెలుసుకోవాల‌న్న త‌హ‌త‌హ అంద‌రిలో ఉంది. అయితే ఇంటర్నెట్‌లో అతడి జీవితం గురించి ర‌క‌ర‌కాల‌ ఆసక్తికరమైన వివరాలు వెల్ల‌డ‌య్యాయి.

తాజా క‌థ‌నాల ప్రకారం, ఓర్రీ వ్యాపారవేత్త సురాయ్ కె అవత్రమణి - అతడి భార్య షహనాజ్ అవత్రమణి కొడుకు అని తెలుస్తోంది. న్యూయార్క్‌లో తన విద్యను అభ్యసించిన తరువాత, అతడు చాలా మంది స్టార్ కిడ్స్ తో స్నేహం చేసాడు. సారా అలీ ఖాన్- ఖుషి వంటి ప్రముఖులకు అత‌డు అత్యంత స‌న్నిహితుడు. అంతేకాదు.. అతడు త్వరలో ప్రతిష్టాత్మకమైన అంబానీ కుటుంబంలో సభ్యురాలు కాబోతున్న రాధిక మర్చంట్‌తో బలమైన బంధాన్ని క‌లిగి ఉన్నాడు. ఓర్రీ అంతర్గత సర్కిల్‌లో జాన్వీ కపూర్, అనన్య పాండే, నైసా దేవగన్ , సుహానా ఖాన్ వంటి ఇతర స్టార్ కిడ్స్ కూడా ఉన్నారు.