ఒకే దెబ్బ‌కు రెండు పిట్ట‌లు ప‌ట్టిన పీసీ!
సిద్దార్ధ్ చోప్రా పెళ్లి అనంత‌రం అమ్మ‌డు పానీ రిలీజ్ ప‌నుల్లో బిజీ అవుతుంది.
గ్లోబ‌ల్ స్టార్ ప్రియాంక చోప్రా ఇండియాలో హ‌ల్చ‌ల్ చేస్తోన్న సంగ‌తి తెలిసిందే. అమ్మ‌డు న్యూయార్క్ నుంచి ఇండియాకి రాగానే ప‌నుల్లో నిమ‌గ్న‌మైంది. ఓవైపు సోద‌రుడు సిద్దార్ధ్ చోప్రా పెళ్లి...మ‌రోవైపు పానీ రిలీజ్ ప‌నుల్లో బిజీగా గ‌డుపుతున్న‌ట్లు క‌నిపిస్తుంది. రెండు ఒకేసారి వ‌చ్చేలా త‌న స‌మ‌యం ఏమాత్రం వృధా కాకుండా ఇండియా ట్రిప్ ప్లాన్ చేసుకున్న‌ట్లు క‌నిపిస్తుంది. సిద్దార్ధ్ చోప్రా పెళ్లి అనంత‌రం అమ్మ‌డు పానీ రిలీజ్ ప‌నుల్లో బిజీ అవుతుంది. పానీ చిత్రాన్ని అక్టోబ‌ర్ 18న రిలీజ్ చేస్తున్నారు.
ఈ సంద‌ర్భంగా అమ్మ‌డు ముంబై పిల్మ్ సిటీని సంద‌ర్శించింది. ఇలా ఫిల్మ్ సిటీని సంద‌ర్శించ‌డం చాలా కాలం త‌ర్వాత జ‌రుగుతోంది. ఈ సంద‌ర్భంగా ఓ వీడియోని పోస్ట్ చేసింది. `గదర్‌`లోని ఐకానిక్ 'ఘర్ అయా పరదేశి' పాటను జోడించి ఫాలోవ‌ర్ల‌ను ఉత్సాహ‌ప‌రిచింది. ఈ పాట‌తో అమ్మ‌డు మంచి మార్కులు కొట్టేసింది. ప్రియాంక స్వ‌దేశానికి తిరిగి వ‌చ్చిన‌ట్లు అనే ఫీల్ ని తీసుకొచ్చింది. త‌న ఇండియా జ‌ర్నీ గురించి ఎమోష‌న‌ల్ ఎమోజీల‌ను పోస్ట్ చేసింది.
హాలీవుడ్ కి వెళ్లిన త‌ర్వాత ప్రియాంక ఇండియా నుంచి ఎలాంటి వ్య‌తిరేక‌త ఎదుర్కుందో తెలిసిందే. హాలీవుడ్ సినిమాల కోసం భారత‌దేశ సంస్కృతి సంప్ర‌దాయాల్ని మ‌ట్టిగ‌లుపుతుంద‌ని తీవ్ర విమ‌ర్శ‌లు ఎదుర్కుంది. నెట్టింట పెద్ద ఎత్తున ట్రోలింగ్ ఎదుర్కుంది. కానీ తాజాగా వీడియోతో అన్ని లెక్క‌లు స‌రి చేసింది.
అయితే సోద‌రుడి వివాహం అనంత‌రం పీసీ `పానీ` రిలీజ్ వ‌ర‌కూ ఇండియాలో ఉంటుందా? ఉండ‌దా? అన్న సందేహాలు వ్య‌క్త‌మ‌వుతున్నాయి. మ‌రి ఈ సంద‌ర్భంగా గ‌తంలో క‌మిట్ అయిన బాలీవుడ్ చిత్రాల గురించి ఏదైనా అప్ డేట్ ఇస్తుందా? అన్న‌ది చూడాలి.