ప్రభాస్ లేటెస్ట్ లుక్.. అందుకోసమే..

గత కొంతకాలంగా వరుస అపజయాలను ఎదుర్కొంటున్న పాన్ ఇండియా హీరో ప్రభాస్ ఎట్టకేలకు 'సలార్' సినిమాతో బాక్సాఫీస్ వద్ద మంచి సక్సెస్ అందుకున్నాడు. ప్రశాంత్ నీల్ దర్శకత్వంలో యాక్షన్ ఎంటర్టైనర్ గా తెరకెక్కిన ఈ చిత్రం డిసెంబర్ 22న పాన్ ఇండియా స్థాయిలో విడుదలై భారీ కలెక్షన్స్ ని అందుకుంది. తొలి రోజే రూ.180 కోట్ల ఓపెనింగ్స్ అందుకొని సరికొత్త రికార్డు క్రియేట్ చేసిన ఈ సినిమా ఇప్పటివరకు రూ.650 కోట్లకు పైగా కలెక్షన్స్ రాబట్టి బాక్స్ ఆఫీస్ వద్ద భారీ సక్సెస్ ని నమోదు చేసింది.

ఈ క్రమంలోనే మూవీ టీమ్ ఈరోజు సక్సెస్ సెలబ్రేషన్స్ నిర్వహించారు. ప్రభాస్‌, పృథ్వీరాజ్‌ సుకుమారన్‌, దర్శకుడు ప్రశాంత్‌ నీల్‌, నిర్మాత విజయ్‌ కిరగందూర్‌, నైజాం రైట్స్ తీసుకుని మైత్రీ మూవీ మేకర్స్ నిర్మాతలు ఈ సెలెబ్రేషన్స్ లో పాల్గొన్నారు. ఇందుకు సంబంధించిన ఫోటోలు నెట్టింట వైరల్ అవుతున్నాయి. ఇక ఈ సక్సెస్ పార్టీ లో ప్రభాస్ స్పెషల్ అట్రాక్షన్ గా నిలిచాడు. బ్లాక్ టీషర్ట్ ధరించి తలకు క్యాప్‌ పెట్టుకుని కనిపించాడు.

అంతేకాకుండా ఈ ఫోటోల్లో ప్రభాస్ మళ్లీ మీసం గడ్డంతో మరో డిఫరెంట్ లుక్ లో కనిపించడంతో ఈ లుక్ ఏ సినిమా కోసమా అని అభిమానులు సోషల్ మీడియాలో చర్చించుకుంటున్న తరుణంలో ఓ ఆసక్తికర అప్డేట్ బయటికి వచ్చింది. అదేంటంటే, ప్రస్తుతం సలార్ సక్సెస్ తో ఫుల్ ఫామ్ లో ఉన్న ప్రభాస్ ఈ నెలలో కల్కి, మారుతి సినిమాల షూటింగ్స్ లో పాల్గొనబోతున్నాడు. అందులో భాగంగానే ఈ నెలలో 'కల్కి' షూట్ కొంత చేసి ఆ తరువాత మారుతి సినిమా షూట్ కు వెళ్తారు.

ప్రస్తుతం పెంచిన గెడ్డం, మీసం.. గెటప్ కూడా 'కల్కి' కోసమే అని తెలిసింది. కాగా ఈ సంక్రాంతికి మారుతి సినిమాకు సంబంధించి టైటిల్ పోస్టర్ రిలీజ్ చేయబోతున్నారు. ఇటీవలే మేకర్స్ ఇందుకు సంబంధించి అధికారిక ప్రకటన చేశారు. మారుతి సినిమాలో ప్రభాస్ చాలా స్టైలిష్ గా కనిపించబోతున్నట్లు టాక్ వినిపిస్తోంది. హారర్ కామెడీ బ్యాక్ డ్రాప్ లో రూపొందుతున్న ఈ సినిమాలో ప్రభాస్ సరసన మాళవిక మోహన్, నిధి అగర్వాల్, రిద్ది కుమార్ హీరోయిన్స్ గా నటిస్తున్నారు.

ఇక కల్కి విషయానికి వస్తే.. ప్రస్తుతం ఈ సినిమా షూటింగ్ లాస్ట్ స్టేజ్ లో ఉంది. ఈ సంక్రాంతికి రిలీజ్ కావాల్సింది. కానీ షూటింగ్ ఆలస్యం అవడంతో రిలీజ్ ని సమ్మర్ కి పోస్ట్ ఫోన్ చేసినట్లు చెబుతున్నారు. అయితే ఈ విషయమై మూవీ టీం నుంచి ఇంకా అఫీషియల్ అనౌన్స్మెంట్ రావాల్సి ఉంది.