ఫెస్టివల్ ఫైట్ మరింత టఫ్ చేస్తున్న ప్రభాస్..!

ప్రభాస్ సినిమాల లైనప్ ఎలా ఉందో తెలిసిందే. లాస్ట్ ఇయర్ డిసెంబర్ లో సలార్ 1 అంటూ వచ్చి మాస్ హిట్ అందుకున్న ప్రభాస్ ఆ సినిమా తర్వాత కల్కి 2898ADతో ఈ సమ్మర్ వచ్చేందుకు రెడీ అయ్యాడు. నాగ్ అశ్విన్ డైరెక్షన్ లో తెరకెక్కుతున్న ఈ సినిమాను వైజయంతి మూవీస్ బ్యానర్ లో అశ్వినీదత్ 500 కోట్ల బడ్జెట్ తో నిర్మిస్తున్నారు. ఈ సినిమా రిలీజ్ గురించి త్వరలో క్లారిటీ రావాల్సి ఉంది. ఇక దీనితో పాటు ప్రభాస్ రాజా సాబ్ చేస్తున్నాడు. మారుతి డైరెక్షన్ లో ప్రభాస్ నుంచి వస్తున్న ఎంటర్టైనర్ సినిమాగా రాజా సాబ్ వస్తుంది.

ప్రభాస్ ని వింటేజ్ లుక్ తో వచ్చిన రాజా సాబ్ ఫస్ట్ లుక్ ఫ్యాన్స్ ని థ్రిల్ చేసింది. ప్రభాస్ ని ఒకప్పటి ఎనర్జిటిక్ పాత్రలో చూపించడానికి మారుతి ప్రయత్నిస్తున్నాడు. థ్రిల్లర్ కథాంశంతో వస్తున్న ఈ సినిమా విషయంలో మారుతి ప్లాన్స్ నెక్స్ట్ లెవెల్ లో ఉన్నటు తెలుస్తుంది. సినిమా ఇప్పటివరకు 60 శాతం పూర్తి కాగా రానున్న నాలుగు నెలల్లో సినిమాను మాక్సిమం పూర్తి చేయాలని ప్లాన్ చేస్తున్నారట.

అయితే ఈ గ్యాప్ లో సలార్ 2 కి కూడా డేట్స్ ఇచ్చే ప్లానింగ్ లో ఉన్నాడు ప్రభాస్. సలార్ 2 ఏమో కానీ ప్రభాస్ రాజా సాబ్ ని ఈ ఇయర్ ఎండింగ్ కల్లా రిలీజ్ చేసేలా చూస్తున్నారని టాక్ రాగా లేటెస్ట్ గా డిసెంబర్ నుంచి ప్రభాస్ రాజా సాబ్ నెక్స్ట్ సంక్రాంతికి టార్గెట్ పెట్టారని తెలుస్తుంది. ప్రభాస్ సినిమా సంక్రాంతికి వస్తే ఆ లెక్క వేరేలా ఉంటుంది.

రాజా సాబ్ సినిమాను మాక్సిమం పొంగల్ రేసులో దించేలా మేకర్స్ ప్లాన్ చేస్తున్నారు. రాజా సాబ్ సినిమా సంక్రాంతికి పర్ఫెక్ట్ మూవీ అని.. రెబల్ స్టార్ ఫ్యాన్స్ తో పాటుగా ఆడియన్స్ కి స్పెషల్ ట్రీట్ అందిస్తుందని అంటున్నారు. అయితే నెక్స్ట్ సంక్రాంతికి ఆల్రెడీ మెగాస్టార్ చిరంజీవి విశ్వంభర రిలీజ్ అనౌన్స్ చేయగా.. నాగ చైతన్య తండేల్, శర్వానంద్ సినిమాలు కూడా సంక్రాంతికే వస్తున్నాయి. వీటితో పాటుగా నాగార్జున కూడా ఎవరొచ్చినా సరే సంక్రాంతికి నేను రెడీ అంటున్నాడు. సో ఈ పొంగల్ ఫైట్ లో ప్రభాస్ రాజా సాబ్ కూడా ఉంటుందని చెప్పుకుంటున్నారు. సో నెక్స్ట్ సంక్రాంతి కూడా మరోసారి బిగ్ ఫైట్ తప్పేలా లేదు.