ప్రభాస్ సీక్వెల్ టెన్షన్ ఎక్కువైంది!

డార్లింగ్ ప్రభాస్ గత ఏడాది ఆఖరిలో సలార్ సినిమాతో చాలా కాలం తర్వాత సూపర్ హిట్ అందుకున్నారు. ఈ సినిమాకి సీక్వెల్ గా శౌర్యంగ పర్వం పేరుతో మూవీ వస్తుందని సలార్ పార్ట్ 1 క్లైమాక్స్ లో కన్ఫర్మ్ చేశారు. అప్పట్లోనే సలార్ మూవీ ప్రొడ్యూసర్ విజయ్ కిరంగదూర్ అయితే 2025 ఆరంభంలోనే ఈ సీక్వెల్ రిలీజ్ అవుతుందని చెప్పారు. సలార్ పార్ట్ 2 షూటింగ్ 2024 ప్రథమార్ధంలో స్టార్ట్ అవుతుందని అందరూ భావించారు. ప్రశాంత్ నీల్ కూడా స్క్రిప్ట్ రెడీ చేసుకొని ఉన్నాడనే టాక్ నడిచింది.

అయితే ఈ మూవీ షూటింగ్ ఇప్పటి వరకు స్టార్ట్ కాలేదు. నిజానికి మే నెలలోనే స్టార్ట్ చేస్తారని, షూటింగ్ కి సంబందించిన ఏర్పాట్లు జరుగుతున్నాయని ప్రచారం జరిగింది. ఇప్పుడు ఆగష్టు వస్తున్న సలార్ మూవీ షూటింగ్ ప్రస్తావన ఎక్కడా లేదు. మరో వైపు తాజాగా రిలీజ్ అయిన కల్కి 2898ఏడీ వరల్డ్ వైడ్ గా 1100 కోట్ల కలెక్షన్స్ సొంతం చేసుకుంది. ఈ సినిమా సక్సెస్ తో కల్కి పార్ట్ 2 మీద హైప్ క్రియేట్ అయ్యి ఉంది.

ఈ సినిమా షూటింగ్ ఎప్పుడు ప్రారంభం అవుతుందనేది ఇంకా క్లారిటీ లేదు. పార్ట్ 2 మూవీ 60 % షూటింగ్ ఇప్పటికే కంప్లీట్ అయిపోయిందని చిత్ర యూనిట్ నుంచి వినిపిస్తోంది. మిగిలిన భాగం ఎప్పుడు షూట్ చేస్తారనే దానిపై మాత్రం చిత్ర యూనిట్ ఇంకా స్పష్టత ఇవ్వలేదు. ప్రస్తుతం దీపికా పదుకునే గర్భవతిగా ఉంది. ప్రభాస్ ఇతర సినిమాలతో బిజీ కాబోతున్నారు. కమల్ హాసన్ కూడా మణిరత్నం థగ్ లైఫ్ మూవీపైన ఫోకస్ చేస్తున్నారు.

దీంతో ఇప్పట్లో వీరి కాల్ షీట్స్ అడ్జస్ట్ అయ్యే ఛాన్స్ లేదని టాక్ వినిపిస్తోంది. వీరందరూ ఫ్రీ అయ్యాక కల్కి పార్ట్ 2 పెండింగ్ షూటింగ్ స్టార్ట్ చేస్తారంట. అయితే అది ఎప్పుడనేది మాత్రం క్లారిటీ లేదు. సలార్ మూవీ హిట్ కావడంతో కొద్ది రోజులు సినిమాపై క్రేజ్ ఉంది. ఇప్పుడు పార్ట్ 2పైన పెద్దగా బజ్ లేదు. మరో వైపు ప్రశాంత్ నీల్ ఎన్టీఆర్ తో డ్రాగన్ మూవీ షూటింగ్ స్టార్ట్ చేస్తాడనే ప్రచారం నడుస్తోంది.

వీటి మధ్యలో సలార్ పార్ట్ 2, కల్కి పార్ట్ 2 రాకపై నిర్మాత సంస్థల నుంచి ఒక స్పష్టత రావాల్సి ఉంది. అయితే దర్శకులు ఇచ్చే క్లారిటీ బట్టి మాత్రమే నిర్మాణ సంస్థ ఈ సినిమాల షూటింగ్, రిలీజ్ పై ఏదైనా అఫీషియల్ గా ప్రకటన చేసే ఛాన్స్ ఉంటుంది. అంతవరకు వెయిట్ చేయాల్సిందే. మొత్తానికి డార్లింగ్ ప్రభాస్ కి ఇప్పుడు సీక్వెల్స్ టెన్షన్ ఎక్కువైపోయింది. ఈ సినిమాలు లేట్ అయినకొద్దీ ఫ్యాన్స్ నుంచి ఒత్తిడి కూడా పెరుగుతూ ఉంటుంది.