ప్రభాస్‌ 'స్పిరిట్‌' లో గీతాంజలి?

పాన్ ఇండియా స్టార్‌ ప్రభాస్‌ హీరోగా యానిమల్ చిత్ర దర్శకుడు సందీప్ రెడ్డి వంగ దర్శకత్వంలో స్పిరిట్‌ సినిమా రూపొందబోతున్న విషయం తెల్సిందే. ఈ ఏడాదిలోనే సినిమా ప్రీ ప్రొడక్షన్ వర్క్‌ షురూ అవ్వనుందని యానిమల్ సినిమా ప్రమోషన్ సందర్భంగా దర్శకుడు సందీప్ వంగ ప్రకటించాడు.

యానిమల్ సినిమా చూసిన తర్వాత ప్రభాస్ స్పిరిట్ ఎలా ఉంటుందా అని అంతా ఆసక్తిగా ఎదురు చూస్తున్నారు. బోల్డ్‌ గా, వైల్డ్ గా ప్రభాస్ ను చూపించేందుకు సందీప్ రెడీ అవుతున్నాడు. ఇక ఈ సినిమాలో హీరోయిన్ గా బాలీవుడ్‌ ముద్దుగుమ్మ నటించే అవకాశం ఉందని మొన్నటి వరకు వార్తలు వచ్చాయి.

తాజాగా యానిమల్‌ సినిమాలో నటించిన రష్మిక మందన్న నే స్పిరిట్‌ కోసం కూడా తీసుకునే ఆలోచనలో సందీప్ వంగ ఉన్నాడని వార్తలు వస్తున్నాయి. ఆ విషయమై అధికారికంగా క్లారిటీ రావాల్సి ఉంది. యానిమల్ సినిమాలో రష్మిక మందన్న నటనకు మంచి మార్కులు దక్కాయి. ఆమెకు ఉన్న ప్రాముఖ్యత మేరకు నటించి మెప్పించింది.

యానిమల్‌ లో గీతాంజలి పాత్ర చేయడం ద్వారా బాలీవుడ్‌ లో కూడా రష్మిక మందన్న వరుసగా ఆఫర్లు దక్కించుకుంటున్న విషయం తెల్సిందే. దాంతో ప్రభాస్ స్పిరిట్‌ కి ఆమె సరైన ఎంపిక అనే అభిప్రాయం వ్యక్తం అవుతోంది. సోషల్ మీడియాలో ఈ విషయమై పెద్ద ఎత్తున చర్చ కూడా మొదలైంది.

ఇక ప్రభాస్ ప్రస్తుతం కల్కి మరియు రాజాసాబ్‌ సినిమాలను చేస్తున్నాడు. ఆ రెండు సినిమాలు కూడా సమ్మర్‌ చివరి వరకు షూటింగ్‌ పూర్తి అవ్వబోతున్నాయి. సలార్‌ 2 కూడా ప్రారంభం అవ్వాల్సి ఉంది. ప్రభాస్‌ వరుసగా సినిమాలతో బాక్సాఫీస్‌ వద్ద దాడికి రెడీ అవుతున్నాడు. ఇలాంటి సమయంలో స్పిరిట్‌ లో ఆయనకు జోడీగా రష్మిక మందన్న నటించబోతుందనే వార్తలు ఆయన ఫ్యాన్స్ కి మరింత కిక్ ఇస్తున్నాయి.