రాజ‌మౌళి, ప్ర‌శాంత్ నీల్ త‌ర్వాత స్థానం వీళ్ల‌దేనా?

పాన్ ఇండియాలో సంచ‌ల‌న ద‌ర్శ‌కులెవ‌రంటే? ముందుగా వినిపించేది రాజ‌మౌళి పేరు. `బాహుబ‌లి`తో రాజ‌మౌళి పాన్ ఇండియా వేట మొద‌లైంది. అటుపై `బాహుబ‌లి ది క‌న్ క్లూజన్`..`ఆర్ ఆర్ ఆర్` విజ‌యాల‌తో పాన్ ఇండియా స్థానాన్ని సుస్థిరం చేసుకున్నారు. `ఆర్ ఆర్ ఆర్` కి ఏకంగా ఆస్కార్ సైతం వ‌రించ‌డంతో ప్ర‌పంచ వ్యాప్తంగానూ ఫేమ‌స్ అయ్యారు. ప్ర‌స్తుతం సూప‌ర్ స్టార్ మ‌హేష్ తో ఏకంగా హాలీవుడ్ రేంజ్ మూవీ తెర‌కెక్కిస్తున్నారు. ఇది హిట్ అయితే హాలీవుడ్ మేక‌ర్స్ స‌ర‌స‌నా? జ‌క్క‌న్న పేరు వినిపించే అవ‌కాశం ఉంది.

ఇదే వ‌రుస‌లో జ‌క్క‌న్న‌లా ఫేమ‌స్ అయింది ప్ర‌శాంత్ నీల్. `కేజీఎఫ్` రెండు భాగాల‌తో ప్ర‌శాంత్ నీల్ పేరు వెలుగులోకి వ‌చ్చింది.అటుపై స‌లార్ విజ‌యంతో తానో బ్రాండ్ గా ప్రూవ్ అయ్యారు. నెంబ‌ర్ వ‌న్ ..టూ స్థానాల్లో అలా వారిద్ద‌రు కొన‌సాగుతున్నారు. మ‌రి వీళ్ల త‌ర్వాత స్థానాల‌కు ఎవ‌రు అర్హులంటే? సుకుమార్, చందు మొండేటి, ప్ర‌శాంత్ వ‌ర్మ‌, రిష‌బ్ శెట్టి లాంటి మేక‌ర్స్ ని చెప్పొచ్చు. సుకుమార్ `పుష్ప ది రైజ్` తో పాన్ ఇండియా మార్కెట్ లోకి అడుగు పెట్టారు. ఇప్పుడు `పుష్ప‌-2` తో రావ‌డానికి రెడీ అవుతున్నారు.

ఈ సినిమా విజ‌యం సాధిస్తే సుకుమార్ పాన్ ఇండియా క్రేజ్ అంత‌కంత‌కు రెట్టింపు అవుతుంది. అటుపై యంగ్ మేక‌ర్ చందు మొండేటి క‌నిపిస్తున్నారు. `కార్తికేయ‌-2` తో చందు పేరు పాన్ ఇండియాకి ప‌రిచ‌య మైన సంగ‌తి తెలిసిందే. హిందుత్వం బేస్ తో తీసిన ఈ సినిమా నార్త్ లో స్పెష‌ల్ మూవీగా హైలైట్ అయింది. ప్ర‌స్తుతం యువ సామ్రాట్ నాగ‌చైత‌న్య‌తో పాన్ ఇండియాలో `తండేల్` సినిమా చేస్తున్నారు. వాస్త‌వ సంఘ‌ట‌న‌ల ఆధారంగా తెర‌కెక్కిస్తోన్న సినిమాపై భారీ అంచ‌నా లున్నాయి.

ఇప్ప‌టికే రిలీజ్ అయిన ప్ర‌చార చిత్రాలు అంచ‌నాల్నిపీక్స్ తీసుకెళ్తున్నాయి. ఈ సినిమా హిట్ అయితే చందు పాన్ ఇండియా ర్యాంక్ మారుతుంది. అలాగే అనూహ్యంగా పాన్ ఇండియాలో సంచ‌ల‌న‌మైన మ‌రో ద‌ర్శ‌కుడు ప్ర‌శాంత్ వ‌ర్మ‌. `హ‌నుమాన్` తో ఈ ఫీట్ సాధించ‌డంతో ఆ సీనిమాకి సీక్వెల్ గా `జైహ‌నుమాన్` ప్లాన్ చేస్తున్నారు. ఈ సినిమా కోసం మెగాస్టార్ చిరంజివి సైతం క్యూలో ఉన్నారు. అలాగే క‌న్న‌డ ద‌ర్శ‌కుడు రిష‌బ్ శెట్టి పాన్ ఇండియాలో ఇలా ఫేమ‌స్ అయిన వారే. `కాంతార` సౌత్ కి క‌నెక్ట్ అవ్వ‌డంతో `కాంతార‌-2`ని పాన్ ఇండియాలో భారీ ఎత్తున తెర‌కెక్కిస్తోన్న సంగ‌తి తెలిసిందే.