వింక్ బ్యూటీ వయ్యారాలు చూశారా..?

ఒరు ఆధార్ లవ్ టీజర్ తో పాన్ ఇండియా లెవెల్ లో బీభత్సమైన పాపులారిటీ సంపాదించిన భామ ప్రియా ప్రకాశ్ వారియర్. ఆ క్రేజ్ తో దెబ్బకి అమ్మడు టాప్ హీరోయిన్ గా మారుతుందని అనుకున్నారు. కానీ ఆ టీజర్ తో సౌత్ అంతా మార్కెట్ జరిగినా సినిమా ఆ రేంజ్ లో లేకపోవడం ఆ తర్వాత అమ్మడు నటించిన సినిమాలు కూడా వర్క్ అవుట్ కాకపోవడం వల్ల కెరీర్ లో వెనకబడింది. వింక్ బ్యూటీ ట్యాగ్ లైన్ దక్కించుకోవడం చాలా కష్టం కానీ అమ్మడు ఆ క్రేజ్ ని సరిగా వాడుకోలేకపోయింది.

ఒరు ఆధార్ లవ్ తర్వాత వెంటనే తెలుగు ఆఫర్లు వచ్చినా వాటిని తిరస్కరించి తప్పు చేసింది ప్రియా ప్రకాశ్. తనకు స్టార్ ఛాన్సులు కావాలని కండీషన్ పెట్టేసరికి అమ్మడిని సైడ్ చేశారు మన మేకర్స్. ఇక ఫైనల్ గా నితిన్, ఇష్క్ సినిమాల్లో ఛాన్స్ అందుకుంది. ఆ సినిమాల ఫలితాలు కూడా ప్రోత్సాహకరంగా లేకపోవడం వల్ల అమ్మడి టాలీవుడ్ ఆశలు ఆవిరయ్యాయి. లాస్ట్ ఇయర్ బ్రో సినిమాలో హీరో సిస్టర్ రోల్ చేసి షాక్ ఇచ్చింది ప్రియా ప్రకాశ్.

ఏం చేస్తాం క్రేజ్ ఉన్న టాలీవుడ్ నుంచి ఏ ఛిన్న ఛాన్స్ కూడా వదలకూడదు అనుకున్న ప్రియా ప్రకాశ్ వచ్చిన అర కొర అవకాశాలతో సరిపెట్టుకోవాల్సి వస్తుంది. ఐతే సినిమాల పరంగా ఎలా ఉన్నా సోషల్ మీడియా ఫోటో షూట్స్ తో తన ఫాలోవర్స్ కి కావాల్సినంత ఎంటర్టైన్ మెంట్ అందిస్తుంది అమ్మడు. లేటెస్ట్ గా ప్రియా ప్రకాశ్ శారీ తో ఫోటో షూట్ చేసింది. మిర్చి క్యాప్షన్ పెట్టి చీరలో అందాలను ప్రదర్శిస్తుంది అమ్మడు.

ఏం చేసినా ఎలా చేసినా అమ్మడు ఆడియన్స్ నుంచి అటెన్షన్ రాబట్టాలని చూస్తుంది. ఐతే దానికి ఫోటో షూట్స్ ఒక్కటే కాదు సినిమాలు కావాలి. సౌత్ లో అమ్మడి కెరీర్ ఎలా ఉన్నా హిందీ లో మాత్రం ఆఫర్లు వస్తున్నాయి. ఐతే అక్కడ లీడ్ హీరోయిన్ గా చేస్తుందా లేదా సినిమాల్లో ఇంపార్టెంట్ రోల్స్ ఒప్పుకుందా అన్నది తెలియాల్సి ఉంది. ప్రియా ప్రకాశ్ లేటెస్ట్ శారీ లుక్స్ ఫోటోలు ప్రస్తుతం సోషల్ మీడియా అంతా వైరల్ గా మారాయి. వింక్ బ్యూటీకి ఒక మంచి ఛాన్స్ వస్తే బాగుంటుందని ఆమె ఫాలోవర్స్ కూడా జాలి పడే పరిస్థితి ఏర్పడింది.