అక్కడ మొదలైన పుష్ప 2 హంగామా

ఈ మధ్యకాలంలో తెలుగు పాన్ ఇండియా చిత్రాలకి యూఎస్ లో భారీ ఓపెనింగ్స్ వస్తున్నాయి. అక్కడ నెల రోజులు ముందుగానే కొన్ని థియేటర్స్ లో బుకింగ్స్ ఓపెన్ చేస్తున్నారు. ముందస్తుగానే బుకింగ్స్ ఓపెన్ చేయడంతో ఆడియన్స్ కూడా అడ్వాన్స్ గా టికెట్స్ బుక్ చేసుకుంటున్నారు. ‘కల్కి 2898ఏడీ’, ‘దేవర’ సినిమాలు యూఎస్ లో అడ్వాన్స్ బుకింగ్స్ ద్వారానే భారీ కలెక్షన్స్ మొదటి రోజు వసూళ్లు చేశాయి.

యూఎస్ లో ప్రీమియర్ షోల కోసం ముందుగా ఈ అడ్వాన్ బుకింగ్స్ ని స్టార్ట్ చేస్తున్నారు. ఈ బుకింగ్స్ ద్వారా ఇప్పటికే 50K డాలర్స్ మార్క్ కి ‘పుష్ప 2’ కొన్ని చోట్ల అందుకుంది. బుకింగ్స్ జోరు మరింత పెరుగుతుందని అంచనా వేస్తున్నారు. 554 షోల ఓపెనింగ్ బుకింగ్స్ ని PLF, IMOX లలో ఓపెన్ చేసినట్లు తెలుస్తోంది. వీటిలో తెలుగు – 328, హిందీ – 208, తమిళం – 12, మలయాళం – 2, కన్నడ – 4 షోలకి అడ్వాన్స్ బుకింగ్స్ స్టార్ట్ అయ్యాయి.

సినిమా రిలీజ్ కి ఇంకా నెల రోజులు సమయం ఉండగానే ప్రీమియర్ షోల బుకింగ్స్ ఓపెన కావడంతో ‘పుష్ప 2’ మానియా స్టార్ట్ అయిపోయిందని అంటున్నారు. రిలీజ్ కి వారం రోజుల ముందు ఈ అడ్వాన్స్ బుకింగ్స్ జోరందుకునే అవకాశం ఉందని అంచనా వేస్తున్నారు. ‘పుష్ప’ మూవీ హిట్ కావడంతో ఆ సక్సెస్ క్రేజ్ ‘పుష్ప 2’ కి అదనపు అడ్వాంటేజ్ అవుతుందని ట్రేడ్ పండితులు చెబుతున్నారు.

‘దేవర’, ‘కల్కి 2898ఏడీ’ కంటే ఎక్కువ ఓపెనింగ్ డే కలెక్షన్స్ ‘పుష్ప 2’ కి రావడం ఖాయం అని భావిస్తున్నారు. ముఖ్యంగా నార్త్ ఇండియాలో ‘పుష్ప 2’ పైన విపరీతమైన క్రేజ్ ఉంది. అక్కడ ‘జవాన్’ మొదటి రోజు కలెక్షన్స్ రికార్డ్ ని ‘పుష్ప 2’ బ్రేక్ చేస్తుందని అంటున్నారు. అలాగే వరల్డ్ వైడ్ గా 200 కోట్లకి పైగా గ్రాస్ కలెక్షన్స్ ని ఈ మూవీ అందుకోవడం ఖాయం అని అంచనా వేస్తున్నారు.

ఈ సినిమా ప్రమోషన్స్ కూడా త్వరలో ప్రారంభం కానున్న నేపథ్యంలో ఈ సినిమాపై ఉన్న క్రేజ్ మున్ముందు పెరుగుతూనే ఉంటుందని సినీ విశ్లేషకులు చెబుతున్నారు. ఒక్కసారి అల్లు అర్జున్ రంగంలోకి దిగి ప్రమోషన్స్ క్యాంపైన్స్ స్టార్ట్ చేస్తే పబ్లిక్ అటెన్షన్ మొత్తం అతని వైపు వస్తుందని చెబుతున్నారు. ఇండియన్ బాక్సాఫీస్ దగ్గర ఈ మూవీ ఎలాంటి అద్భుతాలు చేస్తుందనేది ఇప్పుడు అందరికి ఆసక్తికరంగా మారింది.