'పుష్ప-2' గుమ్మ‌డి కాయ కొట్టేది డ్యూయేట్ సాంగ్ తో!
డిసెంబ‌ర్ 5న భారీ ఎత్తున రిలీజ్ ప్ర‌క‌టించిన నేప‌థ్యంలో అందుకు త‌గ్గట్లు ప్లానింగ్ ప్ర‌కారం ముందుకెళ్తున్నారు.
ఐకాన్ స్టార్ అల్లు అర్జున్ క‌థానాయ‌కుడిగా సుకుమార్ ద‌ర్శ‌క‌త్వంలో 'పుష్ప-2' తెర‌కెక్కుతోన్న సంగ‌తి తెలిసిందే. ఇప్ప‌టికే ప్ర‌చారం ప‌నులు కూడా మొద‌లు పెట్టారు. డిసెంబ‌ర్ 5న భారీ ఎత్తున రిలీజ్ ప్ర‌క‌టించిన నేప‌థ్యంలో అందుకు త‌గ్గట్లు ప్లానింగ్ ప్ర‌కారం ముందుకెళ్తున్నారు. మ‌రి షూటింగ్ మొత్తం పూర్త‌యిందా? అంటే అంతా పూర్త‌యిం దనుకునే అనుకున్నారంతా. కానీ పూర్త‌యింది కేవ‌లం టాకీ పార్ట్ మాత్ర‌మే.
పాట‌ల చిత్రీక‌ర‌ణ‌లో భాగంగా ఇంకా ఓ పాట షూటింగ్ పూర్తి చేయాల్సి ఉంద‌న్న సంగ‌తి ఆల‌స్యంగా వెలుగులోకి వ‌చ్చింది. రిలీజ్ స‌మ‌యం ద‌గ్గ‌ర ప‌డుతున్నా ఇంకా ఓ డ్యూయేట్ సాంగ్ పెండింగ్ ఉన్న‌ట్లు తెలుస్తోంది. ఆ పాట షూటింగ్ నేటి నుంచి మొద‌ల‌వుతుందిట. దీనికి సంబంధించి రామానాయుడు స్టూడియో స‌హా మ‌రో స్టూడియోలో మొత్తం నాలుగు సెట్స్ వేసారుట. అందులోనే ఈ పాట షూటింగ్ అంతా పూర్తి చేయ‌నున‌న్న‌ట్లు తెలుస్తోంది.
దీంతో షూటింగ్ మొత్తం పూర్త‌వుతుంద‌ని స‌మాచారం. పాట షూటింగ్ అంటే ఎలా లేద‌న్నా ప‌ది రోజులు స‌మ‌యం ప‌డుతుంది. రెండు స్టూడియోల్లో నాలుగు సెట్లు వేసారంటే? సాంగ్ ని రిచ్ గానే ప్లాన్ చేసిన‌ట్లు క‌నిపిస్తుంది. మ‌రి ఈ పాట‌కి ఎవరు కొరియోగ్ర‌ఫీ వ‌హిస్తున్నారు? అన్న‌ది తెలియాలి. మ‌రోవైపు సినిమాలో ఐటం సాంగ్ ని రేపోమాపో రిలీజ్ చేసే అవ‌కాశం ఉంది. చెన్నైలో భారీ ఈవెంట్ నిర్వ‌హించ‌డానికి రెడీ అవుతున్నారు.
అంత‌కంటే ముందే ఆ పాట‌ను రిలీజ్ చేస్తే సౌండింగ్ తో సినిమా జ‌నాల్లోకి మ‌రింత బ‌లంగా వెళ్తుంది అన్న‌ది సుకుమార్ ప్లాన్. దీనిలో భాగంగా ఆ పాట‌ని రిలీజ్ చేయాల‌ని స‌న్నాహాలు చేస్తున్నారు. ఆపాట రిలీజ్ కోసం ఓ సెక్ష‌న్ ఆడియ‌న్స్ ఎంతో ఎగ్జైట్ మెంట్ తో ఎదురు చూస్తున్నారు. స‌మంత‌లా శ్రీలీల కూడా కుర్రాళ్ల‌లో ఊపు తెస్తుందా? అని ఒక‌టే ఉత్కంఠ‌తో ఎదురు చూస్తున్నారు.