రాజాసాబ్ ట్రీట్ ఎప్పుడు.. రెబల్ ఫ్యాన్స్ వెయిటింగ్..!

రెబల్ స్టార్ ప్రభాస్ కల్కి తో సెన్సేషనల్ హిట్ అందుకున్నాడు. కల్కి 2898 AD సినిమాతో మరోసారి తన బాక్సాఫీస్ స్టామినా ఏంటో ప్రూవ్ చేసుకున్నాడు. ఐతే నెక్స్ట్ మారుతి డైరెక్షన్ లో రాజా సాబ్ సినిమాను చేస్తున్న ప్రభాస్ ఆ సినిమాతో మరోసారి తన సత్తా చాటాలని చూస్తున్నాడు. సలార్, కల్కి లాంటి డిఫరెంట్ సినిమాలు చేస్తున్న ప్రభాస్ సడెన్ గా మారుతి డైరెక్షన్ లో సినిమా చేయాలన్న ఆలోచన ఎందుకు వచ్చిందో కానీ ఈ సినిమా థ్రిల్లర్ జోనర్ లో ఆడియన్స్ ని థ్రిల్ చేస్తుందని అంటున్నారు.

కామెడీ మీద మంచి పట్టున్న మారుతి రాజా సాబ్ సినిమాతో నెక్స్ట్ లెవెల్ కి వెళ్తాడని తెలుస్తుంది. ఐతే సినిమా నుంచి ఇప్పటివరకు కేవలం ఒక గ్లింప్స్ ఇంకా మోషన్ పోస్టర్ మాత్రమే వచ్చాయి. గ్లింప్స్ లో ప్రభాస్ స్టైలిష్ లుక్ ఇంప్రెస్ చేయగా మోషన్ పోస్టర్ ఆడియన్స్ కు షాక్ ఇచ్చింది. మారుతి ఈసారి ఏదో పెద్దగానే ప్లాన్ చేసినట్టు మోషన్ పోస్టర్ చూస్తే అర్ధమవుతుంది.

ఈ సినిమాను పీపుల్ మీడియా ఫ్యాక్టరీ భారీ బడ్జెట్ తో నిర్మిస్తున్నారు. సినిమా మీద నిర్మాతలు గట్టి నమ్మకంతో ఉన్నారు. ఐతే సినిమా నుంచి ఇప్పటివరకు వచ్చిన అప్డేట్స్ ఫ్యాన్స్ లో మంచి బజ్ క్రియేట్ చేయగా రాజా సాబ్ టీజర్ కోసం ఫ్యాన్స్ అంతా ఆసక్తిగా ఎదురుచూస్తున్నారు. రాజా సాబ్ టీజర్ ని కుదిరితే డిసెంబర్ 25 క్రిస్ మస్ కానుకగా లేదా జనవరి 1 న్యూ ఇయర్ సందర్భంగా రిలీజ్ చేయాలని చూస్తున్నారు.

ప్రభాస్ రాజా సాబ్ సినిమాతో తెలుగు తెరకు పరిచయం అవుతుంది మాళవిక మోహనన్. మలయాళ భామ అయిన మాళవిక డబ్బింగ్ సినిమాలతో తెలుగు ప్రేక్షకులకు సుపరిచితమే కానీ డైరెక్ట్ తెలుగు సినిమా ఇదే అవ్వడం విశేషం. థమన్ మ్యూజిక్ అందిస్తున్న ఈ సినిమాపై అంచనాలు కూడా భారీగా ఉన్నాయి. మారుతి ప్రభాస్ కలిసి చేస్తున్న రాజా సాబ్ పై ఎక్స్ పెక్టేషన్స్ భారీగానే ఉన్నాయి. మరి వాటికి తగినట్టుగా సినిమా ఉంటుందా లేదా అన్నది చూడాలి. ప్రభాస్ రాజా సాబ్ సినిమాను 2025 ఏప్రిల్ 10న రిలీజ్ లాక్ చేశారు. నెక్స్ట్ సమ్మర్ కి రెబల్ స్టార్ రాజా సాబ్ ఫ్యాన్స్ కు సూపర్ ట్రీట్ ఇచ్చేందుకు వస్తున్నాడు.