SSMB29.. సర్ ప్రైజ్ సిద్ధమేనా..?

గ్లోబల్ దర్శకుడు రాజమౌళి - సూపర్ స్టార్ మహేష్ బాబు కాంబినేషన్‌లో వస్తున్న మోస్ట్ అవైటెడ్ ప్రాజెక్ట్‌పై సినీ ఇండస్ట్రీలో అంచనాలు రోజు రోజుకీ పెరిగిపోతున్నాయి. బాహుబలి, ఆర్ఆర్ఆర్ వంటి వండర్స్ చేసిన రాజమౌళి.. ఇప్పుడు మహేష్ బాబుతో ప్రపంచ స్థాయి అడ్వెంచర్ డ్రామా చేయబోతున్నాడు. ఇది మహేష్ కెరీర్‌లో 29వ చిత్రం కావడం విశేషం. జక్కన్న మార్క్‌తో డిజైన్ అవుతున్న ఈ ప్రాజెక్ట్ కోసం దేశవ్యాప్తంగా కాకుండా అంతర్జాతీయంగా కూడా ఫ్యాన్స్ ఎదురుచూస్తున్నారు.

ఇప్పటి వరకు ఈ సినిమాపై అధికారికంగా పెద్దగా అప్డేట్స్ అయితే రాలేదు. కేవలం కొన్ని లొకేషన్ స్పాట్ ఫొటోలు, షూటింగ్ లొకేషన్ బజ్ తప్ప మిగతా ప్రమోషనల్ మేటీరియల్ నుంచి మేకర్స్ దూరంగా ఉన్నారు. రాజమౌళి సినిమాలకు అలాంటి సైలెంట్ అప్రోచ్ మామూలే అయినా.. ఇప్పుడు మాత్రం ఫ్యాన్స్ ఆగలేకపోతున్నారు. ఓవైపు షూటింగ్ ముందుకు సాగుతుండగా, మరోవైపు అప్డేట్ కోసం సోషల్ మీడియాలో డిమాండ్స్ పెరిగిపోతున్నాయి.

ఇలాంటి టైమ్‌లోనే ఇప్పుడు ఓ క్రేజీ బజ్ హల్‌చల్ చేస్తోంది. ఈ గ్రాండ్ ప్రాజెక్ట్ నుంచి గ్లింప్స్ వీడియోను ప్లాన్ చేస్తున్నారని తెలుస్తోంది. ఇప్పటివరకు బయటకు వచ్చిన లుక్, లోకేషన్ ఫోటోలు కాకుండా.. ఇప్పుడు మేకర్స్ రాజమౌళి దృష్టిలో ఉన్న స్పెషల్ విజన్‌ను చూపించేందుకు ఓ కసరత్తు చేస్తున్నారట. ఈ గ్లింప్స్‌లో మహేష్ లుక్‌తో పాటు సినిమాలో ఉండే అడ్వెంచర్ ఎలిమెంట్స్‌ని సింపుల్‌గా టీజ్ చేయబోతున్నారట.

ఇది కేవలం ఓ టైటిల్ రివీల్ వీడియో కాకుండా.. జక్కన్న స్టైల్‌లో భారీ గ్రాఫిక్స్, వెస్ట్రన్ మూడ్ వాలా ప్రెజెంటేషన్‌తో ఉండబోతుందట. ప్రస్తుతం దీనికి సంబంధించిన ప్రీ విజ్యువలైజేషన్ పనులు జరుగుతున్నట్టు తెలుస్తోంది. ఒకసారి గ్లింప్స్ ఖరారైతే, టైటిల్, థీమ్, రిలీజ్ స్ట్రాటజీ అన్నీ ఓవర్‌వ్యూ ఇవ్వడానికి ఇదే స్పెషల్ వీడియోగా నిలవనుందని సినీ వర్గాల్లో చర్చ.

ఈ గ్లింప్స్ విడుదల తేదీపై ఇంకా స్పష్టత రాలేదు. కానీ ఫ్యాన్స్ మాత్రం జూన్ లేదా జూలైలో వచ్చినా ఆశ్చర్యపోనక్కర్లేదని భావిస్తున్నారు. మహేష్ బాబు ఇప్పటివరకు ఏ పాత్రలో కనిపించని విధంగా ఈ సినిమాలో కనిపించనున్నాడని ఇప్పటికే క్లారిటీ వచ్చింది. ఆయన పాత్ర ప్రపంచ యాత్రికుడిగా ఉండబోతుందన్న సంగతి తెలిసిందే. అందుకే ఈ గ్లింప్స్ ఓ విండోలా మారనుంది. ఇక ఇతర అంశాల విషయానికొస్తే.. ప్రియాంక చోప్రా, పృథ్వీరాజ్ సుకుమారన్ కీలక పాత్రల్లో కనిపించనున్నారు. సంగీతం ఎప్పటిలాగే ఎంఎం కీరవాణి అందించనున్నారు. చిత్రాన్ని శ్రీ దుర్గా ఆర్ట్స్ సమర్పణలో కెఎల్ నారాయణ నిర్మిస్తున్నారు.