రాజా సాబ్ బడ్జెట్ కూడా అంతకుమించే..

టాలీవుడ్ బిగ్గెస్ట్ ఫ్యాన్ ఇండియా సినిమాల్లో ప్రస్తుతం ప్రభాస్ సినిమాలే ఎక్కువగా ఉన్నాయి. ఇక అందులో ప్రతి సినిమా కూడా డిఫరెంట్ జానర్లో రాబోతుండడం విశేషం. ముఖ్యంగా కామెడీ హారర్ బ్యాక్ డ్రాప్ తో రాబోతున్న రాజాసాబ్ సినిమాపై కూడా అంచనాలు మామూలుగా లేవు. తప్పకుండా ఈ సినిమా బాక్స్ ఆఫీస్ వద్ద సరికొత్త సెన్సేషన్ క్రియేట్ చేస్తుంది అని మేకర్స్ ఇప్పటికే పాజిటివ్ వైబ్రేషన్స్ క్రియేట్ చేశారు.

ఇక రీసెంట్ గా ప్రభాస్ పుట్టినరోజు సందర్భంగా ఫస్ట్ లుక్ మోషన్ పోస్టర్ ను విడుదల చేసిన విషయం తెలిసిందే. తప్పకుండా సినిమా కంటెంట్ చాలా పవర్ఫుల్ గా ఉండబోతుంది అని ప్రభాస్ లుక్కుతో ఒక క్లారిటీ అయితే వచ్చేసింది. మారుతి ఈ సినిమాకు దర్శకత్వం వహిస్తున్నారు. ఇక పీపుల్స్ మీడియా ఫ్యాక్టరీలో విశ్వప్రసాద్ నిర్మిస్తున్న ఈ సినిమాకు సంబంధించిన మరికొన్ని ఆసక్తికరమైన విషయాలు ఇటీవల వెల్లడించారు.

ఈ సినిమాను మొదట లిమిటెడ్ బడ్జెట్ లోనే నిర్మించాలని అనుకున్నారు. కానీ ప్రభాస్ స్థాయికి తగ్గట్టుగా మళ్లీ బడ్జెట్ పెంచాల్సి వచ్చినట్లుగా తెలుస్తోంది. దాదాపు 450 కోట్ల భారీ బడ్జెట్ తోనే ఈ సినిమాను రూపొందిస్తున్నారట. ఇక ఈ సినిమా కోసం ప్రభాస్ ఏకంగా 150 కోట్ల రెమ్యునరేషన్ తీసుకుంటున్నట్లుగా తెలుస్తోంది. ప్రస్తుతం ప్రభాస్ చేస్తున్న సినిమాలన్నీ కూడా మినిమం 350 కోట్ల భారీ బడ్జెట్ తోనే రూపొందుతూ ఉన్నాయి.

ఇక రాజా సాబ్ బడ్జెట్ మొదట 200 కోట్ల లోపే ఉండాలని ప్రభాస్ కూడా అనుకున్నాడు. కానీ ప్రాజెక్టు స్పాన్ పెద్దగా ఉండడంతో లెక్క అంతకుమించి పెరిగినట్లు తెలుస్తోంది. ఇక ఈ సినిమాలో గ్రాఫిక్స్ తో పాటు యాక్షన్ సన్నివేశాలు అలాగే డ్రామా కూడా మునుపేన్నడు చూడని విధంగా ఉంటుందని ఇటీవల నిర్మాత విశ్వప్రసాద్ ఒక ఇంటర్వ్యూలో తెలియజేశారు. ప్రభాస్ లుక్ కూడా చాలా కొత్తగా ఉంటుంది అని థియేటర్లో చాలా థ్రిల్లింగ్ గా ఫీలవుతారని ఆయన భరోసా ఇచ్చారు.

ఇక ఈ సినిమా షూటింగ్ ఇప్పటికే 70 శాతానికి పైగా పూర్తయిందని తెలుస్తోంది. మిగతా పనులన్నిటినీ వీలైనంత త్వరగా పూర్తిచేసి వచ్చే ఏడాది ఏప్రిల్ లో సినిమాలను విడుదల చేయాలని అనుకుంటున్నారు. ఈ సినిమాలో ప్రభాస్ కు జోడిగా ప్రముఖ గ్లామరస్ హీరోయిన్స్ మాళవిక మోహనన్, రిద్ది కుమార్, నిధి అగర్వాల్ ప్రత్యేకమైన పాత్రలలో కనిపించబోతున్నారు. అలాగే బాలీవుడ్ స్టార్ నటుడు సంజయ్ దత్ కూడా ఒక స్పెషల్ పాత్రలో నటించబోతున్నట్లుగా తెలుస్తోంది. ఈ సినిమా తప్పకుండా పాన్ ఇండియా రేంజ్ కు తగ్గట్టుగా ఉంటుంది అని మేకర్స్ అయితే ఎంతో నమ్మకంతో ఉన్నారు. మరి సినిమా బాక్సాఫీస్ వద్ద అనుకున్నట్లుగా సక్సెస్ అవుతుందా లేదో చూడాలి.