కూలీ పోస్టర్: ద‌ళ‌ప‌తిలో దేవా గుర్తొచ్చాడుగా

రజనీకాంత్ ప్రస్తుతం లోకేష్ కనగరాజ్ దర్శకత్వంలో భారీ చిత్రం కూలీలో న‌టిస్తున్నారు. మేక‌ర్స్ ఇప్పుడు సినిమాలోని అతని పాత్ర పేరు `దేవా` అని వెల్లడించారు. లోకేశ్ కనగరాజ్ తన అధికారిక సోషల్ మీడియా ఖాతాలో ``కూలీలో దేవాగా సూపర్ స్టార్ రజనీకాంత్ సార్. ఇందుకు చాలా ధన్యవాదాలు సార్. ఇది బ్లాస్ట్ అవుతుంది`` అని వ్యాఖ్య‌ను జోడించారు.

పోస్ట‌ర్ లో ర‌జ‌నీ లుక్ ఫ్యాన్స్ లో పూన‌కాలు పుట్టించింది. అభిమానులు చాలా ఉత్సాహంగా ఈ పోస్టర్ ని వైర‌ల్ చేస్తున్నారు. ఆస‌క్తిక‌రంగా మ‌ణిర‌త్నం ద‌ళ‌ప‌తి మూవీలో ర‌జ‌నీ పాత్ర పేరు దేవా. అదే పేరును ఇప్పుడు కూలీ పాత్ర‌కు లోకేష్ ఎంపిక చేసారు. అలాగే ద‌ళ‌ప‌తి చిత్రంలో మమ్ముట్టి పాత్ర పేరు సూర్య‌. ఇప్పుడు కూలీలోను మ‌మ్ముట్టికి అదే పేరు పెట్టారు. ఈ మ‌ల్టీస్టార‌ర్ లో నాగార్జున అక్కినేని, ఉపేంద్రరావు, సౌబిన్ షాహిర్, శృతి హాసన్ , సత్యరాజ్ కీలక పాత్రలు పోషిస్తున్న సంగ‌తి తెలిసిందే.

ఈ చిత్రం పూర్తి యాక్షన్ థ్రిల్లర్.. రజనీకాంత్ నెగటివ్ షేడ్ ఉన్న పాత్రలో కనిపిస్తాడనేది టాక్. కూలీ బృందం ఇంతకుముందు బ్లాక్ అండ్ వైట్ టీజర్‌తో మూవీ టైటిల్‌ను వెల్లడించింది. దానికి అద్భుత స్పంద‌న వ‌చ్చింది. టీజర్‌లో ఇళయరాజా బ్యాక్‌గ్రౌండ్‌లో ప్లే చేసిన వా వా పక్కం వా రీమిక్స్ వెర్షన్‌తో తన ప్రసిద్ధ మోనోలాగ్‌ని పఠించారు. ఇత‌ర ప్ర‌చార సామాగ్రిలో మూవీ థీమ్ బంగారం రాబ‌రీ నేప‌థ్యంలో కొన‌సాగుతుంద‌ని వెల్ల‌డైంది. సూపర్ స్టార్ చేతిలో కూలీ నంబర్‌ప్లేట్‌ కూడా హైలైట్ గా క‌నిపిస్తోంది. ఇక ఈ మూవీలో బాలీవుడ్ స్టార్ హీరో అమీర్ కాన్ అతిధి పాత్రలో నటిస్తార‌ని కూడా టాక్ ఉంది. ఈ సినిమాతో పాటు సూపర్ స్టార్ రజనీకాంత్ తదుపరి చిత్రం TJ జ్ఞానవేల్ దర్శకత్వం వహించిన వేట్టైయన్ త్వ‌ర‌లో విడుద‌ల కానుంది.