రెహమాన్ కు ఇచ్చిన మాట.. ఆ వేడుకకు రామ్ చరణ్

రామ్ చరణ్, బుచ్చిబాబు దర్శకత్వంలో చేస్తున్న సినిమాకు మొదటిసారి రెహమాన్ తో కాంబినేషన్ సెట్టయిన విషయం తెలిసిందే. ఇక ఇదివరకే సినిమాకు సంబంధించిన మ్యూజిక్ సిట్టింగ్స్ లలో కూడా చరణ్ పాల్గొన్నారు. అప్పుడే రెహమాన్, చరణ్ కు మధ్య మంచి బాండింగ్ ఏర్పడింది. ఇక గతంలో రెహమాన్ కు ఇచ్చిన మాట కోసం చరణ్ ఇప్పుడు కడపలో జరిగే గజల్ ఈవెంట్ కు హాజరుకాబోతున్నారు.

రెహమాన్ గతంలో చాలా గజల్ ఈవెంట్స్ లలో పాల్గొన్నారు. అయితే కడపలో జరగనున్న 80వ ముషాయిరా గజల్ ఈవెంట్‌కు హాజరు కావాలి అని గతంలోనే ఏఆర్ రెహ్మాన్‌, రామ్ చరణ్ ను కోరారు. ఇక రామ్ చరణ్ ఇచ్చిన మాట నిలబెట్టుకోవడానికి సిద్ధమయ్యారు. మెగా ఫ్యాన్స్ రామ్ చరణ్ రాక కోసం ఎంతో ఆసక్తిగా ఎదురుచూస్తున్నారు. ఇక పోలీసులు ప్రత్యేకంగా సెక్యూరిటీని సిద్ధం చేస్తున్నారు.

రామ్ చరణ్ సినిమాల విషయానికి వస్తే.. ప్రస్తుతం శంకర్ దర్శకత్వంలో గేమ్ ఛేంజర్ సినిమాతో సిద్ధమవుతున్న విషయం తెలిసిందే. ఈ సినిమా సంక్రాంతి కానుకగా జనవరి 10వ తేదీన ప్రేక్షకుల ముందుకు రాబోతోంది. దిల్ రాజు నిర్మాతగా భారీ బడ్జెట్ తో రూపొందిన ఈ సినిమా పాన్ ఇండియూ స్థాయికి తగ్గట్టుగానే ప్రపంచవ్యాప్తంగా విడుదల కాబోతోంది. ఇక త్వరలోనే రామ్ చరణ్ రెగ్యులర్ ప్రమోషన్స్ లో కూడా పాల్గొనబోతున్నారు. ఇప్పటికే టీజర్ విడుదలైన విషయం తెలిసిందే.

దాని ద్వారా సినిమాకు మంచి హైప్ క్రియేట్ అయింది. ఇక త్వరలోనే వరుసగా సాంగ్స్ తో పాటు మరికొన్ని టీజర్స్ కూడా విడుదల చేయాలని అనుకుంటున్నారు. ఇక జనవరి మొదటి వారంలో సినిమాకు సంబంధించిన ప్రీ రిలీజ్ ఈవెంట్ కూడా వ్రాను హ ప్లాన్ చేస్తున్నారు. ఈ సినిమా తర్వాత రామ్ చరణ్ తేజ్ బుచ్చిబాబు దర్శకత్వంలో తన నెక్స్ట్ సినిమాను స్టార్ట్ చేయబోతున్నాడు. ఇప్పటికే ఆ సినిమాకు సంబంధించిన ప్రీ ప్రొడక్షన్ పనులు ఫినిష్ అయ్యాయి. త్వరలోనే రెగ్యులర్ షూటింగ్ స్టార్ట్ చేయడానికి మేకర్స్ సిద్ధమవుతున్నారు.