ప‌వ‌ర్ స్టార్ తో సురేంద‌ర్ రెడ్డి ఇదిగో పుల్ క్లారిటీ!
ప‌వ‌ర్ స్టార్ ప‌వ‌న్ క‌ళ్యాణ్ క‌థానాయ‌కుడిగా సురేంద‌ర్ రెడ్డి ద‌ర్శ‌క‌త్వంలో ఆ మ‌ధ్య ఓ ప్రాజెక్ట్ లాక్ అయిన సంగ‌తి తెలిసిందే.
ప‌వ‌ర్ స్టార్ ప‌వ‌న్ క‌ళ్యాణ్ క‌థానాయ‌కుడిగా సురేంద‌ర్ రెడ్డి ద‌ర్శ‌క‌త్వంలో ఆ మ‌ధ్య ఓ ప్రాజెక్ట్ లాక్ అయిన సంగ‌తి తెలిసిందే. రామ్ తాళ్లూరి ఈ చిత్రాన్ని నిర్మించ‌డానికి ముందుకొచ్చారు. ఈ ప్రాజెక్ట్ ముగ్గురి కాంబినేష‌న్ లో లాక్ అయి కొన్ని సంవ‌త్స‌రాలు గ‌డుస్తోంది. అయితే ఈ ప్రాజెక్ట్ ఎంత‌కీ ప్రారంభ‌మ‌వ్వ‌డం లేదు. ప‌వ‌న్ క‌ళ్యాణ్ వేర్వేరు చిత్రాల‌కు డేట్లు ఇస్తున్నాడు గానీ ఈ సినిమాకి మాత్రం కాల్షీట్లు ఇవ్వ‌డం లేదు.
దీంతో ఈ ప్రాజెక్ట్ ఉందా? ర‌ద్ద‌యిందా? అన్న సందేహాలు సైతం చాలా కాలంగా ఉన్నాయి. తాజాగా వీట‌న్నింటిపై నిర్మాత రామ్ తాళ్లూరి పూర్తి క్లారిటీ ఇచ్చేసారు. ఈ సినిమా ఇప్ప‌ట్లో ఉండ‌ద‌ని వెల్ల‌డించారు. స్క్రిప్ట్ రెడీగా ఉంద‌ని, ప‌వ‌న్ క‌ళ్యాణ్ కూడా అప్ప‌ట్లో స్టోరీ న‌చ్చ‌డంతో లాక్ చేసార‌ని తెలిపారు. `రేసుగుర్రం`, `కిక్` సినిమాల్లాతే పూర్తి క‌మ‌ర్శియ‌ల్ ఎంట‌ర్ టైన‌ర్ గా ఉంటుంద‌ని రామ్ తెలిపారు.
కానీ ప్ర‌స్తుతం ప‌వ‌న్ క‌ళ్యాణ్ బిజీగా ఉండ‌టంతో త‌మ చిత్రాన్ని ఇప్ప‌ట్లో పట్టాలెక్కించ‌డం వీలు ప‌డ‌ద‌ని..అందుకే తాత్కాలికంగా ప్రాజెక్ట్ ని ప‌క్క‌న‌బెట్టిట్లు తెలిపారు. ప‌రిస్థితులు అనుకూలిస్తే భవిష్య‌త్ లో ప‌వ‌న్ తో సినిమా చేస్తా మ‌న్నారు. దీంతో ఈ ప్రాజెక్ట్ విష‌యంలో అభిమానుల‌కు ఓ క్లారిటీ దొరికేసింది. ప్ర‌స్తుతం ప‌వ‌న్ క‌ళ్యాణ్ పూర్తి చేయాల్సిన ప్రాజెక్ట్ లు మూడు రెడీగా ఉన్న సంగ‌తి తెలిసిందే.
హ‌రిహ‌ర వీర‌మ‌ల్లు షూటింగ్ చేస్తున్నారు. ఇది పూర్త‌యిన వెంట‌నే సుజిత్ ద‌ర్శ‌క‌త్వంలో తెర‌కెక్కుతోన్న `ఓజీ` పెండింగ్ ను పూర్తి చేస్తారు. ఈ రెండు పూర్త‌యిన వెంట‌నే హ‌రీష్ శంక‌ర్ లాక్ చేసిన `ఉస్తాద్ భ‌గ‌త్ సింగ్` చిత్రాన్ని ప‌ట్టాలెక్కిస్తారు. ప్ర‌స్తుతానికి ఈ మూడు సినిమాలు ప‌వ‌న్ వేగంగా పూర్తి చేయాల్సి ఉంది. అలాగే ఆయ‌న ఏపీలో డిప్యూటీ సీఎంగా కూడా బాధ్య‌త‌లు నిర‌వ‌ర్తిస్తున్నారు. 2027 లో జ‌మిలీ ఎన్నిక‌లు కూడా వ‌చ్చే అవకాశం ఉందంటున్నారు. వీట‌న్నింటి న‌డుమ ప‌వ‌న్ కొత్త సినిమాలు అంగీక‌రించ‌డం కూడా క‌ష్ట‌మైన ప‌నే.