రానా కష్టానికి ఫలితం ఏంటి..?

దగ్గుబాటి హీరో టాలీవుడ్ హ్యాండ్సం హంక్ రానా దగ్గుబాటి సినిమాల్లో తనకు నచ్చితే ఎలాంటి పాత్రలైనా చేస్తుంటాడు. అంతేకాదు టాక్ షోలకు హోస్ట్ గా కూడా చేశాడు. డిజిటల్ స్ట్రీమింగ్ లో టాక్ షోల హవా నడవకముందే నెంబర్ 1 యారీ షో హోస్ట్ చేశాడు రానా. ఐతే ఆ తర్వాత మళ్లీ ఇన్నాళ్లకు రానా హోస్ట్ గా ఒక షో వచ్చింది. అమేజాన్ ప్రైమ్ లో రాజా హోస్ట్ గా ది రానా దగ్గుబాటి షో రీసెంట్ గా స్ట్రీమింగ్ అవుతుంది.

అందరు ఫాలో అయ్యే రొటీన్ రెగ్యులర్ ఫార్మెట్ లా కాకుండా రానా స్పెషల్ గా ఎలాంటి హంగు ఆర్భాటాలు లేకుండా స్టార్ ఇంటర్వ్యూస్ చేస్తున్నాడు. ఐ కూడా చాలా రియలిస్టిక్ గా అనిపిస్తున్నాయి. ఐతే ఇవి ప్రేక్షకులకు ఎంతవరకు నచ్చుతున్నాయి అన్నది తెలియడానికి ఇంకాస్త టైం పడుతుంది. ఇప్పటికే ది గ్రేట్ ఇండియన్ కపిల్ షో 1.2 మిలియన్ వ్యూయర్స్ తో దూసుకెళ్తుంది. ఐ.ఎం.డి.బి లో కూడా 9/10 రేటింగ్ తెచ్చుకుంది.

రానా కూడా ఆ రికార్డుల మీద కన్నేశాడు. రానా చేస్తున్న అన్ సెన్సార్డ్ చిట్ చాట్ పై ఇప్పటికే మంచి బజ్ ఏర్పడింది. ఐతే బాలీవుడ్ లో ఇప్పటికే ఇలాంటి షోస్ ఎక్కువ అవ్వడం వల్ల రానా షోకి విపరీతమైన కాంపిటీషన్ ఏర్పడింది. కరణ్ జోహార్, కపిల్ శర్మ మాత్రమే కాదు నేహా ధూపియా కూడా ఇలాంటి ఒక స్పెషల్ షోనే చేస్తుంది.

ఐతే సౌత్ స్టార్స్ ని అది కూడా ఆడియన్స్ కు ఇష్టమైన ప్రత్యేకమైన వ్యక్తులను రానా ఇంటరాక్ట్ అవ్వడం వారి గురించి మరింత తెలుసుకోవడం ఆసక్తికరంగా ఉంది. ఐతే షో ఇప్పుడే మొదలైంది కాబట్టి ఇప్పుడే హిట్టా ఫట్టా అని చెప్పడం కష్టం. కాకపోతే సెలబ్రిటీస్ లైఫ్ మీద ఆడియన్స్ ఆసక్తి ఎక్కువగా ఉంటుంది. ప్రొఫెషనల్ ఇంటర్వ్యూస్ లో అయినా జాగ్రత్త పడే ఛాన్స్ ఉంటుంది కానీ ఇలా వారి ప్లేస్ లో వారితో కలిసి అలా సరదాగా చేసే ఇంటర్వ్యూలో మాక్సిమం వారి రియాలిటీనే చూపించే ఛాన్స్ ఉంటుంది.

మరి రానా ఈ షోకి పెడుతున్న ఎఫర్ట్స్ కు తగిన ఫలితం అందుకుంటాడనే చెప్పాలి. ఓ పక్క తనకు బాగా నచ్చిన సినిమాలు అవి ఎంత చిన్న బడ్జెట్ తో తెరకెక్కినా ప్రమోట్ చేసి రిలీజ్ చేస్తున్న రానా నటుడిగా ప్రత్యేకమైన సినిమాలు చేయాలని చూస్తున్నాడు. ఈమధ్యనే వేటయ్యన్ తో సర్ ప్రైజ్ చేసిన రానా నెక్స్ట్ సినిమా అప్డేట్స్ కోసం ఫ్యాన్స్ ని వెయిటింగ్ లో పెడుతున్నాడు.