ఖరీదైన కారు కొన్న స్టార్ కపుల్‌
లెక్సస్ ఎల్ఎమ్ ఆన్ రోడ్‌ ధర రూ.2.5 కోట్లు గా సమాచారం అందుతోంది. మరో రూ.50 లక్షల రూపాయలతో స్టార్ కపుల్‌ అదనపు హంగులు ఏర్పాటు చేశారని టాక్ వినిపిస్తుంది.
బాలీవుడ్‌ స్టార్ కపుల్‌ రణబీర్ కపూర్ - ఆలియా భట్‌ రెగ్యులర్‌ గా వార్తల్లో నిలవడం మనం చూస్తూనే ఉన్నాం. ఇటీవలే వీరు అనంత్ అంబానీ, రాధిక మర్చంట్‌ ల యొక్క ప్రీ వెడ్డింగ్‌ సెలబ్రేషన్‌ కోసం ఇటలీ వెళ్లి వచ్చారు. తిరిగి వచ్చిన వెంటనే ఈ జంట తమ కొత్త లగ్జరీ కారును జనాలకు చూపించారు.
ఇటీవలే ఈ స్టార్ కపుల్‌ లెక్సస్ ఎల్ఎమ్ కారును కొనుగోలు చేశారు. ఇటలీ నుంచి వచ్చిన ఈ జంట ముంబై ఎయిర్‌ పోర్ట్‌ నుంచి ఇంటికి ఈ కారు లోనే ప్రయాణించడంతో బాలీవుడ్‌ మీడియా దృష్టిని ఆకర్షించారు. ఇప్పటికే వీరి వద్ద పలు ఖరీదైన కార్లు ఉన్నాయి.
బెంట్లీ జిటి వి8, లూసిడ్‌ సఫైర్‌, రేంజ్ రోవర్‌ కార్లు సహా డజను కార్లు ఉన్నట్లుగా సమాచారం. ఇప్పుడు వీరు కొన్న కారు చాలా ప్రత్యేకంగా ఉంటుందని అంటున్నారు. ఇండియాలో చాలా రేర్ గా ఈ కంపెనీ కార్లు కనిపిస్తాయి అంటూ మార్కెట్‌ వర్గాల వారు అంటున్నారు.
లెక్సస్ ఎల్ఎమ్ ఆన్ రోడ్‌ ధర రూ.2.5 కోట్లు గా సమాచారం అందుతోంది. మరో రూ.50 లక్షల రూపాయలతో స్టార్ కపుల్‌ అదనపు హంగులు ఏర్పాటు చేశారని టాక్ వినిపిస్తుంది. మొత్తానికి మరో కారు తో ఈ బాలీవుడ్‌ స్టార్ కపుల్‌ వార్తల్లో నిలిచారు.
ఇక దేశవ్యాప్తంగా సినీ ప్రేక్షకులు ఎంతో ఆసక్తిగా ఎదురు చూస్తున్న రామాయణం సినిమాలో రణబీర్ కపూర్ రాముడి పాత్ర లో కనిపించబోతున్న విషయం తెల్సిందే. సాయి పల్లవి సీత గా కనిపించబోతుంది. ఇటీవలే ఈ సినిమాకు సంబంధించిన వర్క్‌ షురూ అయ్యింది.