RAPO 22: బ్లాక్ బస్టర్ మ్యూజికల్ కాంబో

టాలీవుడ్ యంగ్ హీరో రామ్ పోతినేని.. రీసెంట్ గా కొత్త సినిమాను స్టార్ట్ చేసిన విషయం తెలిసిందే. డబుల్ ఇస్మార్ట్ తో కొద్ది రోజుల క్రితం వచ్చిన రామ్.. మంచి హిట్ కొడదామని అనుకున్నారు. కానీ అనుకున్న స్థాయిలో మెప్పించలేకపోయారు. ఇప్పుడు చిన్న బ్రేక్ తర్వాత పి. మహేష్ దర్శకత్వంలో సినిమాను మొదలుపెట్టారు.

మిస్ శెట్టి మిస్ పోలిశెట్టి మూవీతో మంచి హిట్ అందుకున్న డైరెక్టర్ మహేష్.. ఇప్పుడు రామ్ తో ఫీల్ గుడ్ అండ్ క్రేజీ ఎంటర్టైనర్ తెరకెక్కిస్తున్నట్లు తెలుస్తోంది. RAPO 22 హీరోయిన్‌ గా యంగ్ అండ్ హ్యాపెనింగ్ బ్యూటీ భాగ్యశ్రీ బోర్సే నటిస్తున్నారు. మైత్రీ మూవీ మేకర్స్ బ్యానర్ పై వీన్ యెర్నేని, రవిశంకర్ యలమంచిలి నిర్మిస్తున్నారు.

కొద్ది రోజుల క్రితం పూజా కార్యక్రమాలు జరగ్గా.. ఇప్పుడు సినిమా నిర్మాణ దశలో ఉంది. త్వరలోనే రెగ్యులర్ షూటింగ్ కూడా స్టార్ట్ కానుంది. అయితే తాజాగా క్రేజీ అప్డేట్ ఇచ్చారు RAPO 22 మేకర్స్. కోలీవుడ్ సంగీత ద్వయం వివేక్- మెర్విన్.. తమ సినిమాతో టాలీవుడ్ లోకి ఎంట్రీ ఇస్తున్నట్లు సోమవారం అనౌన్స్ చేశారు.

కోలీవుడ్ లో ఇప్పటికే మంచి టాలెంటెడ్ మ్యూజిక్ డైరెక్టర్స్ గా పేరు సంపాదించుకున్నారు వివేక్, మెర్విన్. తమ వర్క్ తో మంచి ప్రశంసలు అందుకున్నారు. తమిళ సినీ ప్రియులకు అనేక మంచి సాంగ్స్ అందించారు. ఒరాసౌధ, పక్క నీయుమ్ ఇల్లై వంటి పలు సాంగ్స్ తో మెప్పించారు. ధనుష్ పటాస్ మూవీకి కూడా వర్క్ చేశారు.

ఇప్పుడు రామ్ మూవీతో టాలీవుడ్ లోకి అడుగుపెడుతున్నారు. ఈ మేరకు రామ్ కూడా సోషల్ మీడియాలో పోస్ట్ చేశారు. తెలుగు సినీ ఇండస్ట్రీకి కొత్త సౌండ్ కు స్వాగతం అంటూ పోస్ట్ చేశారు. మేకర్స్.. వివేక్, మెర్విన్ పిక్ ను పోస్ట్ చేసి అఫీషియల్ గా టీమ్ లోకి ఇన్వైట్ చేశారు. దీంతో ఇప్పుడు ఈ విషయం నెట్టింట వైరల్ గా మారింది.

మ్యూజిక్ లవర్స్ తెగ స్పందిస్తున్నారు. కోలీవుడ్ బ్లాక్ బస్టర్ మ్యూజిక్ డ్యుయోకు స్వాగతం అంటూ పోస్ట్ చేస్తున్నారు. టాలీవుడ్ లో మంచి హిట్స్ అందుకోవాలని ఆకాంక్షిస్తున్నారు. రామ్ మూవీకి క్రేజీ మ్యూజిక్ అందించాలని కోరుకుంటున్నారు. మరి వివేక్, మెర్విన్ టాలీవుడ్ డెబ్యూతో ఎలాంటి హిట్ అందుకుంటారో వేచి చూడాలి.