జాతీయ అవార్డు వస్తుంది అనుకుంటున్నా : రష్మిక

నేషనల్‌ క్రష్ రష్మిక మందన్న 'యానిమల్' తర్వాత మరో బిగ్‌ హిట్‌కి రెడీ అయ్యింది. పుష్ప 2 తో మరోసారి పాన్ ఇండియా స్థాయిలో రష్మిక మందన్న సందడి చేయడం కన్ఫర్మ్‌ అనే అభిప్రాయం వ్యక్తం అవుతోంది. సోషల్‌ మీడియాలో పుష్ప 2 సినిమా క్రేజ్ ఏంటో ప్రత్యేకంగా చెప్పనక్కర్లేదు. నెట్టింట ఈ సినిమా రికార్డుల మోత మ్రోగించడం ఖాయం అనే నమ్మకం వ్యక్తం అవుతోంది. పుష్ప 2 సినిమా ప్రమోషన్‌లో భాగంగా దేశం మొత్తం అల్లు అర్జున్‌తో రష్మిక మందన్న చక్కర్లు కొడుతోంది. బీహార్‌, తమిళనాడు, కేరళ రాష్ట్రాల్లో బ్యాక్ టు బ్యాక్‌ ఈవెంట్స్‌ లో పాల్గొన్న రష్మిక తాజాగా గోవాలో ప్రత్యక్ష్యం అయింది.

గోవాలో జరుగుతున్న ఇంటర్నేషనల్‌ ఫిల్మ్‌ ఫెస్టివల్‌ ఆఫ్ ఇండియా వేడుకలో రష్మిక మందన్న పాల్గొంది. తాను పుష్ప 2 సినిమా ప్రమోషన్‌ కోసం వచ్చాను అని, పుష్ప 2 సినిమాను దేశవ్యాప్తంగా ప్రేక్షకులు చూసి ఆధరిస్తారు అనే నమ్మకం ఉందని చెప్పుకొచ్చింది. అంతే కాకుండా సినిమా ప్రతి ఒక్కరికి నచ్చే విధంగా ఉంటుంది అనే విశ్వాసంను వ్యక్తం చేయడం జరిగింది. బాక్సాఫీస్ వద్ద భారీ విజయాన్ని సొంతం చేసుకుంటుంది అంటూ రష్మిక పుష్ప 2 పై అంచనాలు పెంచే విధంగా వ్యాఖ్యలు చేయడం జరిగింది. సినిమాలో బన్నీ మరోసారి అద్భుతమైన నటన కనబర్చారు అంటూ ఆమె పేర్కొంది.

రిపోర్టర్స్‌తో మాట్లాడిన సమయంలో అల్లు అర్జున్‌కి పుష్ప 1 తో జాతీయ అవార్డు దక్కింది. పుష్ప 2 సినిమాలో మీ నటనకు గాను జాతీయ అవార్డు వస్తుందని భావిస్తున్నారా అని ప్రశ్నించగా జాతీయ అవార్డు వస్తుందని అనుకుంటున్నాను అంటూ నవ్వేసింది. దాంతో అక్కడ ఉన్న వారు సైతం పెద్దగా నవ్వేశారు. పుష్ప 2 సినిమాలో రష్మిక స్క్రీన్‌ ప్రజెన్స్‌ కాస్త ఎక్కువే ఉండవచ్చు. అయితే జాతీయ అవార్డు దక్కే స్థాయిలో ఆమె స్క్రీన్‌ ప్రజెన్స్ ఉండక పోవచ్చు అనే అభిప్రాయంను కొందరు వ్యక్తం చేస్తున్నారు. నేషనల్‌ క్రష్‌ భవిష్యత్తులో అయినా నేషనల్‌ అవార్డును సొంతం చేసుకోవాలని ప్యాన్స్‌ కోరుకుంటూ ఉన్నారు.

అల్లు అర్జున్‌, శ్రీలీల కాంబోలో వచ్చిన కిస్సిక్‌ ఐటెం సాంగ్‌కి జాతీయ స్థాయిలో మంచి స్పందన దక్కింది. సినిమా విడుదల అయ్యే లోపు కిస్సిక్‌ సాంగ్‌ ఏకంగా వంద మిలియన్‌ల వ్యూస్‌ను సొంతం చేసుకునే అవకాశాలు ఉన్నాయి. అతి తక్కువ సమయంలో అత్యధికంగా వ్యూస్ రాబట్టిన పాటగా ఈ పాట నిలువబోతుంది. రష్మిక మందన్న ఈ సినిమాలో మరోసారి శ్రీవల్లి పాత్రతో మెప్పించబోతుంది. పుష్ప 2 సినిమా ఇప్పటికే రూ.1000 కోట్లకు పైగా ప్రీ రిలీజ్‌ బిజినెస్ చేసింది అంటూ మైత్రి మూవీ మేకర్స్ వారు ప్రకటించారు. ఈ సినిమా వసూళ్లు రూ.2000 కోట్లు సాధిస్తుంది అంటూ ప్రతి ఒక్కరు విశ్వాసం వ్యక్తం చేస్తున్నారు. బాహుబలి 2 రికార్డ్‌ను బద్దలు కొట్టే విధంగా పుష్ప 2 ఉంటుందని బన్నీ ఫ్యాన్స్‌ నమ్మకంగా ఉన్నారు.