రష్మిక ని సర్ ప్రైజ్ చేసిన అరుదైన గౌరవం

నేషనల్ క్రష్ రష్మిక మందన్న సర్‌ ప్రైజ్ అయింది. అభిమానులు షేర్ చేసిన ఒక పోస్ట్ చూసి అవాక్కయిన రష్మిక ఆనందం వ్యక్తం చేసింది. పూర్తి వివరాల్లోకి వెళ్తే బెస్ట్‌ ఏషియన్ యాక్ట్రెస్ అవార్డ్‌ కి నామినేట్‌ అయింది. ఏషియాలో ఇంత మంది హీరోయిన్స్ ఉండగా రష్మిక మందన్నా కి ఈ అరుదైన గౌరవం దక్కడం ఆనందంగా ఉందని అభిమానులు కామెంట్స్ చేస్తున్నారు.

పలువురు హాలీవుడ్‌ నటీ మణులతో పాటు రష్మిక మందన్నా కి ఈ అవార్డుకు గాను చోటు దక్కింది. గతంలో ఎప్పుడు కూడా ఒక సౌత్‌ హీరోయిన్‌ కు ఇలాంటి అరుదైన గౌరవం దక్కలేదని అభిమానులు మాట్లాడుకుంటున్నారు. రష్మిక మందన్నా ఈ మధ్య కాలంలో తెలుగు తో పాటు, పలు భాషల్లో నటించిన విషయం తెల్సిందే.

రష్మిక ఏ సినిమాలో నటనకు గాను బెస్ట్‌ ఏషియన్ యాక్ట్రెస్ అవార్డ్‌ కి నామినేట్ అయిందనే విషయం లో క్లారిటీ లేదు. రష్మిక అభిమానులు ఈ అవార్డుల నామినేషన్ ను తెగ షేర్‌ చేస్తున్నారు. రష్మిక కూడా స్పందించి తనకు చాలా సంతోషంగా ఉందని, ఇదంతా మీ వల్లే అంటూ అభిమానులకు కృతజ్ఞతలు చెప్పింది.

ఇక ప్రస్తుతం ఈ అమ్మడి సినిమాల విషయానికి వస్తే పుష్ప 2 సినిమా లో నటించడంతో పాటు బాలీవుడ్‌ మూవీ యానిమల్ లో నటిస్తోంది. ఈ రెండు సినిమాలు కూడా త్వరలోనే ప్రేక్షకుల ముందుకు రాబోతున్నాయి. మరో వైపు నితిన్‌ సినిమాలో, రెయిన్‌ బో, ధనుష్‌ 51వ సినిమా లో నటించేందుకు గ్రీన్ సిగ్నల్‌ ఇచ్చింది. మరి కొన్ని చర్చల దశలో ఉన్నాయి.