మాస్ రాజా మళ్లీ మొదలు పెట్టాడోచ్..!

మిస్టర్ బచ్చన్ తో అంచనాలు తప్పడంతో ఫ్యాన్స్ కి మరో మాస్ మూవీతో ఇంప్రెస్ చేయాలని చూస్తున్నాడు మాస్ మహారాజ్ రవితేజ. ప్రస్తుతం ఆయన భాను భోగవరపు డైరెక్షన్ లో సినిమా చేస్తున్నాడు. యాక్షన్ ఎంటర్టైనర్ గా రాబోతున్న ఈ సినిమాలో రవితేజ ఆర్పీఎఫ్ ఆఫీసర్ గా నటిస్తున్నారని తెలుస్తుంది. ఐతే ఈ సినిమా షూటింగ్ లోనే షోల్డర్ కి ఇంజ్యూరి అవ్వడంతో నాలుగు వారాలుగా రెస్ట్ లో ఉన్నాడు రవితేజ. ఐతే ఆ గాయం పూర్తిగా నయం కావడంతో మళ్లీ తిరిగి షూటింగ్ కు రెడీ అయ్యాడు.

సితార ఎంటర్టైన్ మెంట్స్ నిర్మిస్తున్న ఈ సినిమా లేటేస్ట్ షెడ్యూల్ హైదరాబాద్ లో మొదలైనట్టు తెలుస్తుంది. ఈ షెడ్యూల్ లో సినిమాకు సంబంధించిన ప్రధాన తారాగణం అంతా పాల్గొంటున్నారటని టాక్. సినిమాలో రవితేజకు జోడీగా శ్రీలీల నటిస్తుంది. మాస్ రాజా రవితేజ శ్రీలీల ఇద్దరు కలిసి ధమాకా సినిమా చేశారు. ఆ సినిమా ఆడియన్స్ ని ఫుల్ గా ఎంటర్టైన్ చేసి 100 కోట్ల క్లబ్ లోకి కూడా చేరింది.

ఫలితాలతో సంబంధం లేకుండా వరుస సినిమాలు చేస్తున్న రవితేజ ఈసారి పర్ఫెక్ట్ ప్లానింగ్ తో వస్తున్నాడని తెలుస్తుంది. సితార బ్యానర్ కథ లాక్ చేసింది అంటే తప్పకుండా అందులో మ్యాటర్ ఉంటుంది. ఓ పక్క స్టార్ హీరోలతో భారీ బడ్జెట్ సినిమాలు చేస్తున్న సితార ఎంటర్టైమెంట్స్ యువ హీరోలతో కూడా వరుస పెట్టి సినిమాలు చేస్తుంది. రవితేజతో సితార బ్యానర్ కాంబో కచ్చితంగా ఆడియన్స్ కి ఒక మంచి ఫుల్ మీల్స్ సినిమా అవుతుందని భావిస్తున్నారు.

భాను భోగవరపు రైటర్ గా సామజవరగమన తో ప్రతిభ చూపించిన ఇంతను డైరెక్టర్ గా కూడా డబుల్ ఎనర్జీతో పనిచేస్తున్నాడని తెలుస్తుంది. శ్రీలీల కూడా వరుస ఫ్లాపుల వల్ల డీలా పడగా మళ్లీ మాస్ రాజాతోనే సూపర్ హిట్ టార్గెట్ పెట్టుకుంది. అసలైతే రవితేజకు ఇంజ్యూరీ కాకుండా ఉంటే డిసెంబర్ కల్లా సినిమా పూర్తి చేసి సంక్రాంతికి రిలీజ్ చేయాలని అనుకున్నారు.

కానీ ఇప్పుడు ఈ సినిమా రిలీజ్ డేట్ సమ్మర్ కి షిఫ్ట్ చేస్తున్నట్టు తెలుస్తుంది. ఇప్పటికే సంక్రాంతి స్లాట్ ఎవరికి ఇవ్వాలా ఎవరిని ఆపాలా అని నిర్మాతల మండలి భారీ చర్చలు నడిపిస్తున్నారు. అందుకే రవితేజ సినిమా సమ్మర్ కి వచ్చేలా ప్లాన్ చేస్తున్నారు. రవితేజ ఈ సినిమా పూర్తయ్యే వరకు మరో సినిమా కమిట్ అవ్వట్లేదని తెలుస్తుంది. ఈసారి హిట్ మీద సీరియస్ గా ఫోకస్ చేసిన మాస్ రాజా సినిమా ఎక్కడ టార్గెట్ మిస్ అవ్వకూడదని చెబుతున్నాడట. ఎలాగు శ్రీలీల లక్కీ ఛార్మ్ కాబట్టి రవితేజతో శ్రీలీల మరో సూపర్ హిట్ కొట్టేస్తారేమో చూడాలి.