రిటర్న్ ఆఫ్ ది డ్రాగన్: మేకర్స్ హై లెవెల్ కాన్ఫిడెన్స్
ఫిబ్రవరి 21న విడుదల కాబోతున్న రిటర్న్ ఆఫ్ ది డ్రాగన్ సినిమా తెలుగులో కూడా మంచి హైప్ క్రియేట్ చేసుకుంటోంది.
ఫిబ్రవరి 21న విడుదల కాబోతున్న రిటర్న్ ఆఫ్ ది డ్రాగన్ సినిమా తెలుగులో కూడా మంచి హైప్ క్రియేట్ చేసుకుంటోంది. లవ్ టుడే మూవీతో తెలుగు ప్రేక్షకుల మనసులు గెలుచుకున్న ప్రదీప్ రంగనాథన్ హీరోగా నటిస్తుండటంతో ఈ సినిమా పట్ల ఆసక్తి మరింత పెరిగింది. ఇక ఈ సినిమా ప్రీ రిలీజ్ ఈవెంట్ గ్రాండ్‌గా జరిగింది. వేడుకలో ప్రముఖ దర్శకులు హరీష్ శంకర్, సాయి రాజేష్, కిషోర్ తిరుమలలు పాల్గొని తమ అభిప్రాయాలు పంచుకున్నారు. అలాగే చిత్ర యూనిట్ సినిమాపై హై లెవెల్ కాన్ఫిడెన్స్ తో ఉన్నట్లు అర్ధమవుతుంది.
హరీష్ శంకర్ మాట్లాడుతూ, ప్రదీప్ తెలుగులో అద్భుతంగా మాట్లాడటం అచ్చం సొంత హీరోలా అనిపించిందని, ట్రైలర్ చూస్తేనే సినిమా హిట్ అయ్యేలా ఉందని అన్నారు. అలాగే మైత్రి మూవీ మేకర్స్ ఈ సినిమాను తెలుగులో విడుదల చేయడం గొప్ప విషయమని పేర్కొన్నారు. ఇక హీరో ప్రదీప్ రంగనాథన్ తన భావాలను తెలుగులో చెప్పడానికి చేసిన ప్రయత్నం అందరినీ ఆకట్టుకుంది.
లవ్ టుడే విడుదల సమయంలో చెప్పినట్లుగా నెక్ట్స్ టైం తెలుగులో మాట్లాడతానని ఇచ్చిన మాటను నెరవేర్చడం గర్వంగా ఉందని తెలిపారు. సినిమా కథ గురించి మాట్లాడుతూ, ప్రతి ఒక్కరూ జీవితంలో ఎదగాలని ప్రయత్నిస్తూనే ఉంటారు, అలాగే తన పాత్ర కూడా అలానే ఉంటుంది. ఓ సాధారణ వ్యక్తిగా ఉన్నప్పటికీ గొప్పగా ఎదగాలని కృషి చేసే విధానం అందరిని ఆకట్టుకుంటుంది. ఈ సినిమా అన్ని వర్గాల ప్రేక్షకులను ఆకట్టుకుంటుందని, ఇలాంటి మంచి టీమ్‌తో పని చేయడం ఆనందంగా ఉందని వెల్లడించారు.
దర్శకుడు అశ్వత్ మారిముత్తు మాట్లాడుతూ, ప్రదీప్ ను తెలుగులో మాట్లాడాలని ప్రోత్సహించానని, అతను అద్భుతంగా మాట్లాడినందుకు గర్వంగా ఉందని అన్నారు. తెలుగు ప్రేక్షకులు ఎప్పుడూ మంచి సినిమాలను ప్రోత్సహిస్తారని, రిటర్న్ ఆఫ్ ది డ్రాగన్ కూడా అటువంటిదేనని విశ్వాసం వ్యక్తం చేశారు. ఈ సినిమా కోసం పని చేసిన టీమ్ కు ప్రత్యేకంగా థాంక్స్ చెబుతున్నాను. ముఖ్యంగా మైత్రి మూవీ మేకర్స్, తెలుగు ప్రేక్షకులకు మంచి సినిమా అందించేందుకు కృషి చేశారని తెలిపారు. అనుపమ పరమేశ్వరన్, కయాదు లోహర్ లాంటి టాలెంటెడ్ నటులు ఇందులో అద్భుతంగా నటించారని అన్నారు.
నిర్మాత ఎస్.కె.ఎన్ మాట్లాడుతూ, లవ్ టుడేను చూసినప్పుడే ప్రదీప్ స్టోరీ టెల్లింగ్‌లో ప్రత్యేకత ఉందని అర్థమైందని, అదే విధంగా రిటర్న్ ఆఫ్ ది డ్రాగన్ కూడా తెలుగు ప్రేక్షకులను అలరించనుందని తెలిపారు. తమిళంలో పుష్ప సినిమాను సక్సెస్‌ఫుల్‌గా విడుదల చేసిన ఏజీఎస్ ఎంటర్‌టైన్‌మెంట్, ఇప్పుడు రిటర్న్ ఆఫ్ ది డ్రాగన్తో మరో బిగ్ హిట్ ఇవ్వబోతుందని వివరణ ఇచ్చారు.
హీరోయిన్ కయాదు లోహర్ మాట్లాడుతూ, ఈ సినిమా తనకు ఎంతో ప్రత్యేకమని, మొదటి తమిళ తెలుగు సినిమాగా చాలా ఎగ్జైటింగ్‌గా ఉందని చెప్పింది. దర్శకుడు అశ్వత్ ఎంతో ప్రతిభావంతుడని, టెక్నికల్ టీమ్ సినిమాను అత్యున్నత స్థాయిలో తీర్చిదిద్దిందని తెలిపారు. నిర్మాత అర్చన కల్పాతి మాట్లాడుతూ, ఈ సినిమా కేవలం యూత్ ఎంటర్‌టైనర్ మాత్రమే కాకుండా, ఫ్యామిలీ ప్రేక్షకులు కూడా చూడదగిన సినిమా అని చెప్పారు.
ఇక చివరగా, మైత్రి మూవీ మేకర్స్ నిర్మాత రవి శంకర్, లవ్ టుడే విజయం తర్వాత ప్రదీప్ రంగనాథన్‌తో పని చేయాలని ఆసక్తిగా ఎదురుచూశామని, ఈ సినిమా పెద్ద హిట్ అవుతుందని ఆశాభావం వ్యక్తం చేశారు. దర్శకుడు సాయి రాజేష్, కిషోర్ తిరుమలలు కూడా ఈ సినిమాపై మంచి అభిప్రాయాలను పంచుకున్నారు. మొత్తంగా, రిటర్న్ ఆఫ్ ది డ్రాగన్ ఫిబ్రవరి 21న విడుదలకు సిద్ధమవుతూ, భారీ హిట్ అవ్వబోతుందని చిత్ర యూనిట్ సభ్యులు నమ్మకంతో మాట్లాడారు.