పాన్ ఇండియా స్టార్ తో ఆకాశ‌వాణి బ‌రిలోకి!

'కాంతార' స‌క్సెస్ తో క‌న్న‌డ స్టార్ రిష‌బ్ శెట్టి పాన్ ఇండియాలో ఎంత పెద్ద స‌క్సెస్ అయ్యాడో తెలిసిందే. ఎలాంటి అంచ‌నాలు లేకుండా రిలీజ్ అయిన ఒక్క సినిమాతోనే పాన్ ఇండియా స్టార్ అయ్యాడు. ఈ విష‌యంలో రిష‌బ్ శెట్టి ఎంతో ల‌క్కీ హీరోనే. ఇప్పుడా కాంతారకి ప్రీక్వెల్ స్వీయా ద‌ర్శక‌త్వంలో తెర‌కెక్కిస్తోన్న సంగ‌తి తెలిసిందే. అంటే కాంతార ముందు క‌థ‌ని చెప్ప‌బోతున్నాడు. భారీ బ‌డ్జెట్ తో చిత్రాన్ని హొంబ‌లే ఫిల్మ్స్ నిర్మిస్తుంది.

వంద‌ల కోట్లు ఈ చిత్రానికి ఖ‌ర్చు చేస్తుంది. స‌రిగ్గా ఇదే స‌మ‌యంలో ప్ర‌శాంత్ వ‌ర్మ యూనివ‌ర్శ్ లోకి రిష‌బ్ శెట్టి ఎంట‌ర్ అయ్యాడు. జై హ‌నుమాన్ సీక్వెల్ లో న‌టిస్తున్నాడు. ఇటీవ‌లే రిలీజ్ అయిన ఫ‌స్ట్ లుక్ పోస్ట‌ర్ కి మంచి రెస్పాన్స్ వ‌చ్చింది. ఇది కూడా పాన్ ఇండియా చిత్ర‌మే. అయితే ఇప్పుడీ హీరో స్ట్రెయిట్ తెలుగులో లాంచ్ అవుతున్నాడు. `ఆకాశ‌వాణి` ఫేం అశ్విన్ గంగ‌రాజు ఈ చిత్రాన్ని తెర‌కెక్కిస్తున్నట్లు స‌మాచారం.

సితార ఎంట‌ర్ టైన్ మెంట్స్ నిర్మించ‌డానికి ముందుకొచ్చిన‌ట్లు తెలుస్తోంది. డిఫ‌రెంట్ స్టోరీతో గంగ‌రాజు అప్రోచ్ అవ్వ‌డంతోనే రిష‌బ్ శెట్టి అంగీక‌రించిన‌ట్లు వార్త‌లొస్తున్నాయి. మొత్తానికి క‌న్న‌డ హీరో తెలుగులోనూ లాంచ్ అవుతున్నాడు. ఇప్ప‌టికే ఇత‌ర భాష‌ల హీరోలు తెలుగులో మంచి మార్కెట్ క్రియేట్ చేసుకుంటోన్న సంగ‌తి తెలిసిందే. దుల్కార్ స‌ల్మాన్, సూర్య‌, కార్తీ, ధ‌నుష్‌, శివ‌కార్తికేయ‌న్ ఇలా వీళ్లంతా తెలుగింట బాగా ఫేమ‌స్ అవుతున్నారు.

వీళ్ల చిత్రాలు ఇక్క‌డా భారీ వ‌సూళ్లు సాధిస్తున్నాయి. తెలుగు మేక‌ర్స్ తో ప‌నిచేసి స‌క్సెస్ కొట్ట‌డం మ‌రో విశేషం. టాలీవుడ్ డైరెక్ట‌ర్ల‌తో దుల్క‌ర్ చేస్తోన్న సినిమాలు చూస్తుంటే? ఎన్నో ర‌కాల సందేహాలు వ్య‌క్తం అవుతున్నాయి. తెలుగు యంగ్ హీరోలు కాద‌న్నే త‌ర్వాత ఇత‌ర భాష‌ల హీరోల‌కు ఈ క‌థ‌లు వెళ్తున్నాయా? అని అనుమానం వ్య‌క్తం అవుతుంది. ఇటీవ‌లే `ల‌క్కీ భాస‌ర్క్` తో దుల్క‌ర్ మ‌రో బ్లాక్ బ‌స్ట‌ర్ అందుకున్న సంగ‌తి తెలిసిందే. `సీతారామం` త‌ర్వాత వ‌చ్చిన స‌క్సెస్ ఇది.