సుశాంత్ సింగ్ వర్ధంతి ముందు రియా ఏంటిలా?
సుశాంత్ మరణం వెన‌క ఆర్థిక కార‌ణాల గురించి ద‌ర్యాప్తు అధికారులు విచారించారు.
బాలీవుడ్ ట్యాలెంటెడ్ న‌టుడు సుశాంత్ సింగ్ రాజ్‌పుత్ వర్ధంతి సందర్భంగా రియా చ‌క్ర‌వ‌ర్తి ఇన్‌స్టాగ్రామ్‌లో ఒక క్రిప్టిక్ పోస్ట్ ని షేర్ చేసింది. జూన్ 2020లో చనిపోయే ముందు సుశాంత్‌తో డేటింగ్ చేసిన రియా అత‌డి మ‌ర‌ణంతో తీవ్ర‌మైన చిక్కుల్లో ప‌డింది. సుశాంత్ మరణం వెన‌క ఆర్థిక కార‌ణాల గురించి ద‌ర్యాప్తు అధికారులు విచారించారు. ఆ తర్వాత చాలా ప‌రిణామాలు ప్ర‌జ‌ల‌కు తెలుసు.
ఇప్పుడు సుశాంత్ సింగ్ వ‌ర్ధంతికి ముందు రియా సోష‌ల్ మీడియా పోస్ట్ నెటిజ‌నుల్లో చ‌ర్చ‌కు తావిచ్చింది. రియా ఇటీవ‌లి ట్రిప్ నుంచి ఒక ఫోటోను షేర్ చేస్తూ #అధ్యాయం2 అని రియా రాసింది. అభిమానులు రియాపై ప్రశంసలతో ముంచెత్తారు. మీరు చాలా అందంగా కనిపిస్తున్నారు క్యూటీ అని ఒక నెటిజ‌న్ కామెంట్ ను పోస్ట్ చేసాడు. మండే బ్లూస్.. అద్భుతంగా కనిపిస్తోంది అంటూ మ‌రొక నెటిజ‌న్ ప్ర‌శంసించారు.
సుశాంత్ మరణం ఆ తర్వాత జరిగిన ప్రతిదాని నుండి రియా రియ‌లైజ్ అవుతోంది. లైఫ్ లో ముందుకు సాగడానికి కృషి చేస్తోంది. సుశాంత్ సింగ్ కుటుంబం, అభిమానులు దూషించినా ఇప్పుడు వాటిని ప‌ట్టించుకునే ప‌రిస్థితి లేదు. సుశాంత్ సింగ్ రాజ్‌పుత్ మరణం తర్వాత డ్రగ్ సంబంధిత కేసుకు సంబంధించి నార్కోటిక్స్ కంట్రోల్ బ్యూరో (ఎన్‌సిబి) సుశాంత్ ఆత్మహత్యకు ప్రేరేపించినట్లు ఆరోపించింది. బెయిల్‌పై విడుదల కావడానికి ముందు ఆమె బైకుల్లా జైలులో 28 రోజులు అండర్ ట్రయల్ ఖైదీగా గడిపారు. ఆ సమయంలో రియా చాలా విమర్శలు ట్రోలింగ్ ను ఎదుర్కొంది.
జైలు జీవితం నుండి బయటపడిన తర్వాత తన అనుభ‌వాల‌ను వెల్ల‌డించింది. నెల రోజుల పాటు జైలు జీవితం గడపవలసి వచ్చింది. ఆహార నిర్వహణ నుండి పరిమిత భత్యంతో జీవితాన్ని కొన‌సాగించ‌డం వరకు రియా తాను ఎదుర్కొన్న కష్టాలను షేర్ చేసింది. తన తోటి ఖైదీలలో సానుకూలంగా ఉండటానికి తన మూలాన్ని కనుగొన్నట్లు నటి రియా తెలిపింది. చాలా మంది ఖైదీలకు కుటుంబ మద్దతు లేదనేది చూసినప్పుడు నేను కృతజ్ఞతతో ఉన్నాను. బెయిల్ కోసం వారి వద్ద రూ. 5,000 లేదా రూ.10,000 కూడా లేదు. కనీసం నాకు నా కుటుంబం, స్నేహితులు ఉన్నారు.. అని అర్థ‌మైంది.
మీకు న్యాయం జరుగుతుంది. మీకు బెయిల్ వస్తుంది. నువ్వు ఏ తప్పూ చేయలేదు... అని అంద‌రూ అండ‌గా నిలిచారు. నేను జైలులో ఉన్నప్పుడు అక్క‌డి మహిళల నుండి నేర్చుకోవలసింది చాలా ఉంది. నా నియంత్రణలో లేని వాటి గురించి నేనెందుకు సమయాన్ని వృధా చేస్తున్నాను? అని దీప్‌టాక్ విత్ చేతన్ భగత్ షోలో రియా వ్యాఖ్యానించారు. రియా ప్ర‌స్తుతం ఓ హిందీ సినిమాలో న‌టించేందుకు సంత‌కం చేసింద‌ని క‌థ‌నాలొచ్చాయి.