ఎక్స్ కోసం కాస్ట్లీ గిఫ్ట్స్.. అవన్నీ వేస్ట్ ఖర్చు: సమంత

స్టార్ హీరోయిన్ సమంత.. ఇటీవల సిటాడెల్ హనీ బన్నీ వెబ్ సిరీస్ తో ప్రేక్షకుల ముందుకు వచ్చిన విషయం తెలిసిందే. రాజ్‌ అండే డీకే తెరకెక్కించిన ఆ సిరీస్.. అమెజాన్ ప్రైమ్ వీడియోలో కొద్ది రోజుల క్రితం అందుబాటులోకి వచ్చింది. అందులో బాలీవుడ్ స్టార్ హీరో వరుణ్ ధావన్ కూడా కీలక పాత్రలో నటించారు. ప్రపంచవ్యాప్తంగా 200 దేశాల్లో సిరీస్ ప్రసారమవుతుండగా.. అనేక దేశాల్లో టాప్ లో ఉంది.

అయితే వరుణ్, సామ్ యాక్టింగ్ కు మంచి ప్రశంసలు లభిస్తున్నాయి. అదే సమయంలో పోస్ట్ ప్రమోషన్స్ లో భాగంగా వారిద్దరూ చిట్ చాట్ లో పాల్గొన్నారు. స్పైసీ రాపిడ్ ఫైర్ ఆడారు. అందులో అవసరం లేకపోయినా మీరు అత్యధిక మొత్తంలో దేని కోసం ఖర్చు పెట్టారు? అని వరుణ్‌ ధావన్‌ సామ్ ను ప్రశ్నించారు. దీంతో తన మాజీకి ఇచ్చిన ఖరీదైన కానుకలని తెలిపారు సమంత.

వాటి కాస్ట్ ఎంత ఉంటుందని వరుణ్ అడగ్గా.. కాస్త ఎక్కువేనని సమంత అన్నారు. ఆ తర్వాత ఇక కొనసాగిద్దామని తెలిపారు. దీంతో సామ్ కామెంట్స్ ఇప్పుడు సోషల్ మీడియాలో వైరల్ గా మారాయి. తెగ చక్కర్లు కొడుతున్నాయి. రాపిడ్ ఫైర్ కు సంబంధించిన వీడియో ట్రెండ్ అవుతోంది. అయితే సమంత ఎవరి కోసం అలా అన్నారోనని నెటిజన్లు డిస్కస్ చేసుకుంటున్నారు.

ఆ తర్వాత ఇక్కడికి రావడానికి ముందు ఎవరికి మెసేజ్‌ చేశారు?.. ఆ మెసేజ్ ను పైకి చదివి వినిపిస్తారా? అని వరుణ్‌ క్వశ్చన్ చేశారు. అది రివీల్ చేయడానికి ఇష్టపడలేదు సామ్. ఆన్సర్ బదులు పచ్చిమిర్చి తినేశారు. అనంతరం హనీ బన్నీ షూట్‌ సమయంలో ఎవరితోనైనా తన కోసం గాసిప్స్‌ చెప్పారా అని వరుణ్ అడగ్గా.. లేదని అన్నారు సమంత.

అయితే సమంత.. సిటాడెల్ తర్వాత మా ఇంటి బంగారం పేరుతో ఒక మూవీని అనౌన్స్ చేసిన విషయం తెలిసిందే. తన బర్త్ డే కానుకగా ప్రకటించారు. తన సొంత నిర్మాణ సంస్థ ట్రాలాల మూవింగ్ పిక్చర్స్ బ్యానర్ పై నిర్మిస్తున్నట్లు తెలిపారు. ఆ సమయంలో స్పెషల్ పోస్టర్ కూడా రిలీజ్ చేశారు. అందులో సామ్.. పవర్ ఫుల్ ఉమెన్ గా కనిపించారు.

కానీ ఆ తర్వాత ఇప్పటి వరకు.. ఎలాంటి అప్డేట్ ఇవ్వలేదు. షూటింగ్ స్టార్ట్ అయిందో కూడా తెలియదు. ఇప్పుడు సామ్ చేతిలో ఆ మూవీ కాకుండా మరో ప్రాజెక్టు లేదు. సామ్ కొత్త సినిమాల కోసం ఎప్పటికప్పుడు సోషల్ మీడియాలో రకరకాల వార్తలు వినిపిస్తున్నా.. అనౌన్స్మెంట్ రావడం లేదు. మరి చూడాలి సామ్ నెక్స్ట్ ఏ ప్రాజెక్టుతో ప్రేక్షకుల ముందుకు రానున్నారో..