150 దేశాల్లో టాప్ -10 లో స‌మంత సంచ‌ల‌నం!
ఇటీవ‌లే స‌మంత న‌టించిన ఇండియ‌న్ వెర్ష‌న్ ` సీటాడెల్: హ‌నీ బెన్నీ` అమెజాన్ ప్రైమ్ లో రిలీజ్ అయిన సంగ‌తి తెలిసిందే.
ఇటీవ‌లే స‌మంత న‌టించిన ఇండియ‌న్ వెర్ష‌న్ ` సీటాడెల్: హ‌నీ బెన్నీ` అమెజాన్ ప్రైమ్ లో రిలీజ్ అయిన సంగ‌తి తెలిసిందే. మ‌రోసారి స‌మంత త‌న‌దైన మార్క్ పెర్పార్మెన్స్ తో ప్రేక్ష‌కుల్ని ఆక‌ట్టుకుంది. సామ్ యాక్ష‌న్ స‌న్ని వేశాల్లో త‌న‌దైన మార్క్ వేసింది. గ్లోబ‌ల్ స్టార్ ప్రియాంక చోప్రాకి ఏమాత్రం త‌క్కువ కాద‌ని ప్రూవ్ చేసింది. ఇంకా చెప్పాలంటే పీసీని మించి ఎఫెర్ట్ పెట్టి ప‌నిచేసిన న‌టిగా సామ్ ని చెప్పొచ్చు. అప్ప‌టికే స‌మంత అనారోగ్య స‌మ‌స్య‌ల‌తో బాధ‌ప‌డుతోంది.
అయినా? త‌న వంతు ఎఫెర్ట్ మాత్రం ఇసుమొత్తు కూడా త‌గ్గ‌లేదు. ఊహించ‌ని యాక్ష‌న్ స‌న్నివేశాల‌తో ప్రేక్ష‌కుల్ని స‌ర్ ప్రైజ్ చేసింది. అమ్మ‌డు తుపాకీ ప‌ట్టుకుని ట‌పీ ట‌పీ మని కాల్చేస్తుంటే? ఆమె అంద‌మైనా స‌మంత‌నేనా? అన్న సందేహం ఒక్క‌సారిగా క‌లుగుతుంది. ఆ స‌న్నివేశాల్లో ఎంతో సెటిల్డ్ పెర్పార్మెన్స్ తో ఆక‌ట్టుకుంది. స‌మంత‌ను స‌న్నివేశాలు చూస్తున్నంత సేపు వాటిలో సామ్ క‌ష్టం క‌నిపించింది.
అదే స‌మ‌యంలో అంతే హాట్ గానూ హైలైట్ అయింది. ఓవైపు యాక్ష‌న్..మ‌రోవైపు రొమాంటిక్ న‌ట‌న‌తోనూ అల‌రించింది. తాజాగా హ‌నీ బెన్నీ ప్రైమ్ వీడియోలో వారాంతంలో అత్యధికంగా వీక్షించబడిన సిరీస్ అని నివేదికలు సూచిస్తున్నాయి. ఈ వెబ్ సిరీస్ ప్రపంచవ్యాప్తంగా 200 దేశాల్లో స్ట్రీమింగ్ అవుతోంది. అన్నీ దేశాల నుంచి మంచి రెస్పాన్స్ వ‌స్తోంది.
యూస్ ఏ, యూకే, ఫ్రాన్స్, ఇటలీ, ఆస్ట్రేలియా, కెనడా, బ్రెజిల్ యూఏఈ దేశాల‌తో సహా దాదాపు 150 దేశాలలో ఈ వెబ్ సిరీస్ టాప్ 10లో నిలిచింది. ఇలా ఇన్ని దేశాల్లో సిరీస్ కి పాజిటివ్ రెస్పాన్స్ రావ‌డం అంటే చిన్న విష‌యం కాదు. ఆ ర‌కంగా స‌మంత అనుకున్న దాని కంటే గొప్ప‌గా స‌క్సెస్ అయిన‌ట్లే. రివ్యూలు చాలా వ‌ర‌కూ పాజిటివ్ గానే వ‌చ్చాయి. మరి ఈ క్రేజ్ తో భ‌విష్య‌త్ కెరీర్ ని ఎలా ప్లాన్ చేస్తుంది? ఎలా ముందుకు తీసుకెళ్తుంది? అన్న‌ది చూడాలి. ప్ర‌స్తుతం స‌మంత బాలీవుడ్ కెరీర్ పై ఫోక‌స్ పెట్టి ప‌నిచేస్తోన్న సంగ‌తి తెలిసిందే.