ఫ్యామిలీ మ్యాన్ 3 ఆమె కు షాక్ ఇవ్వనుందా..?

రాజ్ అండ్ డీకే దర్శక ద్వయం చేసిన ఫ్యామిలీ మ్యాన్ వెబ్ సీరీస్ కు నేషనల్ లెవెల్ లో ఫ్యాన్స్ ఉన్నారని చెప్పొచ్చు. అమేజాన్ ప్రైమ్ వీడియోలో 2019 లో రిలీజైన ఫ్యామిలీ మ్యాన్ వెబ్ సీరీస్ ఒక క్రేజ్ ని సంపాదించింది. ఆ సీరీస్ తర్వాతే వెబ్ సీరీస్ ల మీద ఆడియన్స్ ఫోకస్ ఎక్కువైందని చెప్పొచ్చు. ఫ్యామిలీ మ్యాన్ లో మనోజ్ బాజ్ పేయి, ప్రియమణి ప్రధాన పాత్రలుగా నటించారు. సీజన్ 1 కి వచ్చిన సూపర్ రెస్పాన్స్ చూసి రాజ్ అండ్ డీకే ఫ్యామిలీ మ్యాన్ సీజన్ 2 ని కూడా తీశారు.

ఫ్యామిలీ మ్యాన్ సీజన్ 2 లో సౌత్ స్టార్ హీరోయిన్ సమంత ఇంపార్టెంట్ రోల్ లో నటించింది. రాజి పాత్రలో సమంత నటన ఆడియన్స్ ని వావ్ అనిపించేలా చేసింది. అప్పటివరకు ఉన్న సమంత ఇమేజ్ కు ఫ్యామిలీ మ్యాన్ 2 లో ఆమె చేసిన రాజి పాత్రతో డిఫరెంట్ క్రేజ్ తెచ్చుకుంది. ఐతే ఫ్యామిలీ మ్యాన్ మేకర్స్ రాజ్ అండ్ డీకే తో మంచి రిలేషన్ ఏర్పడటం వల్ల సమంత వారితోనే సిటాడెల్ సీరీస్ ను పూర్తి చేసింది.

ఐతే ఫ్యామిలీ మ్యాన్ సీజన్ 3 ఈమధ్యనే మొదలు పెట్టారు. ఈ సీజన్ లో కూడా సమంత ఉంటుందని ఆడియన్స్ అనుకున్నారు. కానీ ఈ సీజన్ లో సమంత ఉండే ఛాన్స్ లేదని అంటున్నారు. ఆల్రెడీ ఫ్యామిలీ మ్యాన్ 2 లో సమంత నటించింది కాబట్టి ఆమెను సీజన్ 3 లో కొనసాగించే ఉద్దేశం లేదని టాక్. ఐతే రాజ్ అండ్ డీకే మాత్రం సమంతతో మరికొన్ని వెబ్ సీరీస్ లను చేయాలని అనుకుంటున్నారట.

సమంత కూడా సినిమాల కన్నా వెబ్ సీరీస్ లపై ఎక్కువ ఫోకస్ చేస్తున్నట్టు తెలుస్తుంది. ప్రస్తుతం సమంత మా ఇంటి బంగారం సినిమా చేస్తుంది. ఆ సినిమా పూర్తి కాగానే వెబ్ సీరీస్ లతోనే ప్రేక్షకులను అలరించాలని చూస్తుందట. సినిమాల్లో కన్నా వెబ్ సీరీస్ లోనే మంచి పాత్రలు వస్తుండటం వల్ల చాలామంది నటీనటులు సీరీస్ లకే ప్రాధాన్యత ఇస్తున్నారు. సమంత కూడా అదే ఆలోచనతో సినిమా ఛాన్సులు వస్తున్నా వెబ్ సీరీస్ లకే ప్రాముఖ్యత ఇస్తున్నట్టు తెలుస్తుంది.