ఆరు నెలలు.. 150 మంది ఎఫర్ట్.. ఓదెల 2 గ్రేట్ ఎక్స్ పీరియన్స్..!

సంపత్ నంది కథతో అశోక్ తేజ డైరెక్షన్ లో తెరకెక్కిన సినిమా ఓదెల 2. మిల్కీ బ్యూటీ తమన్నా లీడ్ రోల్ లో నటించిన ఈ సినిమాను మధు క్రియేషన్స్, సంపత్ నంది టీం వర్క్స్ బ్యానర్ లో మధు నిర్మించారు. డిఫరెంట్ కంటెంట్ తో వస్తున్న ఈ సినిమా నుంచి ఇప్పటివరకు వచ్చిన ప్రమోషనల్ కంటెంట్ మంచి బజ్ క్రియేట్ చేసింది. ఈ నెల 17న రిలీజ్ అవుతున్న ఓదెల 2 గురించి మరిన్ని విశేషాలు మీడియాతో పంచుకున్నారు సంపత్ నంది. ఆ విశేషాలేంటో ఇప్పుడు చూద్దాం.

ఓదెల 2 ఐడియా ఎప్పుడు మొదలైంది..?

ఓదెల చేసినప్పుడు సీక్వెల్ చేయాలనే ఆలోచన లేదు. ఏదైనా అవకాశం ఉంటే చేయొచ్చు కదా అని చివర్లో ఒక లీడ్ ఇచ్చాం. పార్ట్ వన్ తెలుగులో చాలా పెద్ద సక్సెస్ అయింది. ఆహ వారు తమిళ్ రేట్స్ కూడా కొనుక్కున్నారు. దీన్ని హిందీలో రీమేక్ చేయాలనే ప్రతిపాదన వచ్చింది. ఆ టైం లోనే డైరెక్టర్ అశోక్ ఈ సినిమాకి సీక్వెల్ ఎందుకు రాయకూడదు అని అడిగారు. ఒకసారి భీమ్స్ తో మ్యూజిక్ సిట్టింగ్స్ కి వెళ్లాను. అప్పుడు ఆ మ్యూజిక్ సిటింగ్స్ అవ్వలేదు కానీ ఈ సీక్వెల్ ఆలోచన అక్కడే క్రియేట్ అయిందని అన్నారు సంపత్ నంది.

ఓదెల ఫస్ట్ పార్ట్ లో హెబ్బా పటేల్ చేసిన రాధ క్యారెక్టర్ హైలెట్ అయింది. సెకండ్ పార్ట్ లో కూడా ఒక ఫిమేల్ క్యారెక్టర్ బలంగా ఉంటే బాగుంటుందని అనుకున్నాం. ఫస్ట్ పార్ట్ లో ఒక దుష్ట శక్తి అంతం అవుతుంది. దాని ఆత్మని కంట్రోల్ చేయాలంటే మరో శక్తి కావాలి. శివశక్తి లాంటి క్యారెక్టర్ వస్తే ఎలా ఉంటుందని ఆలోచన పుట్టింది. అలా ఈ కథ రాశాను. తమన్నా గారితో ఇంతకుముందే రెండు సినిమాలు పనిచేశాను. తను చాలా మంచి పెర్ఫార్మర్ ఈ క్యారెక్టర్ కి తను యాప్ట్ ఉంటుందని చెప్పాను. తనకి కూడా చాలా నచ్చిందని అన్నారు సంపత్ నంది.

ఈ సినిమా గురించి చెప్పాలంటే సోల్ వర్సెస్ సూపర్ న్యాచురల్ పవర్స్. అత్మ వర్సెస్ పరమాత్మ.. శివశక్తి లాంటి క్యారెక్టర్లు మా ఊరి ప్రాంతాల్లో చూశాను. మా నానమ్మ శివశక్తిగా ఉండేవారు. తనకు పూనకం రావడం నేను చూశాను. ఎవరికైనా కష్టం వస్తే ఆమెకు చెప్పుకునే వాళ్లు.. అవి నాకు గుర్తున్నాయి. అది స్క్రీన్ పై కొత్తగా ఉంటుందని అనిపించింది. శివశక్తులు నాగ సాధువులుగా మారి శివాలయాలు పునరుద్ధరణ చేస్తారని తెలిసింది. అలా నాగ సాధు పాత్ర పుట్టిందని అన్నారు సంపత్ నంది.

నాగసాధు లుక్ కోసం ఎలాంటి ప్రయత్నాలు చేశారు..?

ఫస్ట్ 3 లుక్స్ ట్రై చేశాం. తమన్నా గారు చాలా ఫెయిర్ గా ఉంటారు. నాగ సాధువులు ఎండల్లో ఉంటారు. ఎన్ని మేకప్ లు ట్రై చేసినా ఫేక్ అనిపించింది. ఐతే నాగ సాధువుల్లో ఫారినర్స్ కూడా ఉన్నారు. అందుకే అసలు మేకప్ లేకుండా చేద్దామని అనుకున్నా రిఫరెన్స్ లు కొన్ని తీసుకుని కాస్టూంస్ చూశాం. రెండు డిజైనర్స్ చూస్తే. ఫైనల్ గా ఇప్పుడున్న లుక్ ఓకే చేశాం. ఈ లుక్ కోసం చాలా టైం పట్టిందని.. అందుకు చాలా జాగ్రత్తలు తీసుకున్నామని అన్నారు సంపత్ నంది.

అంతేకాదు సినిమా కోసం తమన్నా గారు ఎండల్లో చెప్పులు లేకుండా నటించారు. కంప్లీట్ గా శాఖాహారిగా మారారు. ఆమె ఎఫర్ట్ లెస్ గా పర్ఫార్మ్ చేశారని అన్నారు సంపత్ నంది.

ఈ సినిమా గ్రాఫిక్స్ ఎలా ఉంటాయి..?

సినిమా గ్రాఫిక్స్ విషయంలో వెరీ హ్యాపీ. సూపర్ స్టార్ సినిమాల్లో ఉండే క్వాలిటీ గ్రాఫిక్స్ ఈ సినిమాలో ఉన్నాయి. దాదాపు 150 మంది వి.ఎఫ్.ఎక్స్ నిపుణులు ఆరు నెలలు ఈ సినిమా కోసం పనిచేశారని అన్నారు సంపత్ నంది.

ఈ సినిమా కథ అనుకున్నప్పుడే అజనీష్ మ్యూజిక్ అనుకున్నా. కాతారా చూసి ఆయన్ని ఫిక్స్ అయ్యాం. ఈ సినిమాకు ఆయన బ్యాక్ గ్రౌండ్ స్కోర్ ఎక్స్ ట్రాడినరీగా ఉంటుంది. సినిమాకు బిగ్గెస్ట్ బ్లెస్సింగ్ ఆయనే అన్నారు సంపత్ నంది. ఇక డైరెక్టర్ అశొక్ తేజ గురించి చెబుతూ.. అతను చిన్నప్పటి నుంచి తెలుసు. అతన్ని డైరెక్టర్ ని చేయాలనే ఓదెల చేశా. ఇప్పుడు ఈ సినిమా చాలా బాగా చేశాడని అన్నారు సంపత్ నంది.

సినిమా లో హెబ్బా పటేల్ క్యారెక్టర్ ఉంటుంది. సెకండ్ హాఫ్ లో చాలా మంచి ఎపిసోడ్ బాగుందని అన్నారు.

ఇలాంటి కథ రాయాలని ఆలోచన ఎప్పటినుంచి ఉంది..?

ఇలాంటి కథ రాస్తానని నేను అనుకోలేదు. రచ్చ, బెంగాల్ టైగర్, గౌతమ్ నంద ఇలాంటి కథలు చేసుకుంటూ వెళుతున్నాను. రెండు మూడేళ్ల క్రితం నాకు ఇంత అవగాహన కూడా లేదు. నా వైఫ్ ఇంట్లో శివలింగాన్ని ప్రతిష్ట చేసుకొని ఎనిమిది ఏళ్ళు అవుతుంది. తను పూజలు చేస్తూ ఉంటుంది. ఈ క్రమంలో కొన్ని పుస్తకాలు కూడా చదివాను. అవన్నీ సబ్కాన్షియస్ మైండ్ లో ఉన్నాయేమో ఈ సినిమా రూపంలో బయటికి వచ్చాయని అన్నారు సంపత్ నంది.

ప్రొడ్యూసర్ మధు గారు ప్యాషన్ ఉన్న నిర్మాత. ఏదైనా ఆలోచన చెబితే అది ఆయనకు నచ్చితే వెంటనే చేసేద్దాం అంటారు. ఈ సినిమాను కాశీలో లాంచ్ చేద్దామనగానే మరో ఆలోచన లేకుండా లాంచ్ చేశారు. కుభమేళాలో టీజర్ లాంచ్ చేయడం కూడా ప్యాషన్ తోనే సాధ్యమైంది. ఒక సంకల్ప బలంతో ఈ సినిమా చేశారని అన్నారు సంపత్ నంది.

ఓదెల 2 ట్రైలర్లో అరుంధతి పశుపతి ఛాయలు కనిపించాయన్న ప్రశ్నకు సంపత్ నంది సమాధానంగా ట్రైలర్లో అలా అనిపించవచ్చేమో కానీ సినిమాలో చూసుకుంటే అరుంధతికి ఈ సినిమాకి పోలిక ఉండదు. ఈ రెండు కూడా దేనికవే ప్రత్యేకమైన సినిమాలు. ఇది ఒక ప్రేతాత్మకి పంచాక్షరి మంత్రానికి మధ్య జరిగే యుద్ధమని అన్నారు సంపత్ నంది.

ఓదెల 2 విజువల్స్ చాలా కొత్తగా ఉంటాయి. ఆడియన్స్ కి ఒక కొత్త ఎక్స్ పీరియన్స్ ఇస్తాయని అన్నారు.

ఈ సినిమాకి మూడో భాగం ప్లాన్ చేస్తున్నారా..?

ఇలాంటి సినిమాలకి మనం ఏది ప్లాన్ చేయలేం. అవన్నీ కూడా దేవుడు ప్లాన్ చేయాలనే భావిస్తాను. ఇది ఆ కాలభైరవుడే రాయించాడనే భావిస్తున్నానని సంపత్ నంది అన్నారు.

శర్వానంద్ సినిమా ఎలా ఉంటుంది..?

ఆ సినిమా రియల్ ఇన్సిడెంట్స్ నీ ఆధారంగా చేసుకుని చేస్తున్నాం. మహారాష్ట్ర ఆదిలాబాద్ బోర్డర్లో ఒక విలేజ్ ఉంది. ఆ విలేజ్ లో జరిగిన కొన్ని సంఘటనలు దాన్ని ఫిక్షన్ గా మార్చి చేస్తున్నాం. 1960లో జరిగిన కథ అని అన్నారు సంపత్ నంది.