సంక్రాంతికే వెంకీ మామ.. నవ్వుల టపాసులు పక్కా!
ఇక దీపావళి కానుకగా మేకర్స్ నిన్న స్పెషల్ అప్డేట్ ఇచ్చారు నేడు టైటిల్ తో పాటు ఫస్ట్ లుక్ ను విడుదల చేస్తామని తెలిపారు.
టాలీవుడ్ సీనియర్ విక్టరీ వెంకటేష్.. ప్రస్తుతం అనిల్ రావిపూడి డైరెక్షన్ లో సినిమా చేస్తున్న విషయం తెలిసిందే. మీనాక్షీ చౌదరి, ఐశ్వర్య రాజేష్ హీరోయిన్లుగా నటిస్తుండగా.. శ్రీ వెంకటేశ్వర క్రియేషన్స్ బ్యానర్ పై స్టార్ నిర్మాత దిల్ రాజు నిర్మిస్తున్నారు. మూవీ షూటింగ్ చివరి దశలో ఉండగా.. అదే సమయంలో డబ్బింగ్ వర్క్స్ ను పూర్తి చేస్తున్నారు. ఆ విషయాన్ని రీసెంట్ గా మేకర్స్ తో పాటు వెంకటేష్ సోషల్ మీడియాలో వెల్లడించారు.
అదే సమయంలో సంక్రాంతికే కలుద్దామంటూ వెంకీ పోస్ట్ చేశారు. దీంతో పొంగల్ కే Venky Anil3 మూవీ రిలీజ్ అవుతుందని అంతా ఫిక్స్ అయిపోయారు. ఇక దీపావళి కానుకగా మేకర్స్ నిన్న స్పెషల్ అప్డేట్ ఇచ్చారు. నేడు టైటిల్ తో పాటు ఫస్ట్ లుక్ ను విడుదల చేస్తామని తెలిపారు. చెప్పినట్లుగానే శుక్రవారం ఉదయం రిలీజ్ చేశారు. ఎప్పటి నుంచో అంతా అనుకుంటున్నట్లు గానే.. సంక్రాంతికి వస్తున్నాం టైటిల్ ను ఫిక్స్ చేసినట్లు తెలిపారు.
"ఫన్, థ్రిల్, ప్యూర్ ఎంటర్టైన్మెంట్ మీకోసం వేచి ఉంది.. వెంకటేష్, అనిల్ రావిపూడి మరోసారి సంక్రాంతి సీజన్‌ లో వెలుగులు నింపడానికి సిద్ధంగా ఉన్నారు. సంక్రాంతికి వస్తున్నాం అనే టైటిల్ ను ఫిక్స్ చేశాం. ఈసారి నవ్వుల టపాసులు సంక్రాంతికి కూడా పేలుద్దాం" అంటూ సోషల్ మీడియాలో పోస్ట్ చేశారు. పొంగల్ కే సినిమా రిలీజ్ అవుతుందని క్లారిటీ ఇచ్చారు. అదే సమయంలో సంక్రాంతి వస్తున్నాం మూవీ ఫస్ట్ లుక్ కూడా రివీల్ చేశారు.
అందులో వెంకటేష్ తో పాటు ఐశ్వర్య, మీనాక్షీ కూడా కనిపిస్తున్నారు. లుంగీ ధరించిన వెంకటేష్, చేతిలో గన్ పట్టుకుని సీరియస్ గా కనిపిస్తున్నారు. ఐశ్వర్య చీరలో సంప్రదాయంగా ఉండగా.. మీనాక్షి మోడ్రన్ అవుట్ ఫిట్ లో కనిపిస్తున్నారు. బ్యాక్ గ్రౌండ్ లో ముఖ్యమైన డేట్స్, వార్తాపత్రికల క్లిప్పింగ్స్ తో ఉన్న క్రైమ్ బోర్డు సినిమాపై ఆసక్తి పెంచుతోంది. వెంకటేష్ ట్రెడిషనల్ అండ్ స్టైలిష్ గా కనిపిస్తున్న తీరు.. హైలెట్ గా నిలుస్తోంది.
టైటిల్ ను డిజైన్ చేసిన తీరు అందరినీ ఆకట్టుకుంటోంది. సంక్రాంతి పండుగ ఇంపార్టెన్స్ ను తెలియజేసేలా రంగోలి, స్టోరీకి తగ్గట్లు తుపాకీ ఉన్నాయి. అనిల్ రావిపూడి మార్క్ ను క్లియర్ గా కనిపిస్తుందని చెప్పాలి. మొత్తానికి ఫస్ట్ లుక్ పోస్టర్ సినీ ప్రియుల్లో క్యూరియాసిటీ క్రియేట్ చేస్తోంది. మూవీపై భారీ అంచనాలు పెంచుతోంది. మరి సంక్రాంతికి వస్తున్నాం మూవీ.. పొంగల్ కు సందడి చేసి ఎలాంటి విజయం అందుకుంటుందో వేచి చూడాలి.