మాజీ కోసం కన్నీళ్లు పెట్టుకున్న స్టార్ డాట‌ర్

త‌న దివంగత స్నేహిత‌డిని త‌ల‌చుకుని క‌న్నీటి ప‌ర్యంత‌మైంది న‌ట‌వార‌సురాలు సారా అలీఖాన్. తన ఆరంగేట్ర చిత్రం కేదార్‌నాథ్ సహనటుడు సుశాంత్ సింగ్ రాజ్‌పుత్‌ను గుర్తు చేసుకుంటూ భావోద్వేగానికి లోనయ్యారు. సారాను తాజా ఇంటర్వ్యూలో కేదార్‌నాథ్ సెట్స్‌లో సుశాంత్‌తో తన 'ఇష్టమైన జ్ఞాపకం' గురించి ప్ర‌శ్నించ‌గా.. నాటి తన ఆలోచనలను, స్నేహాన్ని గుర్తుచేసుకుంటూ కన్నీళ్లు పెట్టుకుంది.

చాలా ఇష్టమైన జ్ఞాపకాలు ఉన్నాయి! అని సారా మిడ్ డే ఇంట‌ర్వ్యూలో చెప్పారు. ''గట్టు సార్ (దర్శకుడు అభిషేక్ కపూర్) హడావిడి చేస్తున్న ఒక క్షణం ఉంది. అతడు సుశాంత్ ఇంతకు ముందు కలిసి పనిచేశారు కాబట్టి నేను సుశాంత్ వద్దకు వెళ్లాను.. ఆ సీన్ కోసం నేను ఇలా చేశాను.. ఇది ఎలా చేయాలో నాకు తెలియదు.. ఎలా న‌టించాలో నాకు చూపించు అని అడిగాను. అతను నాకు న‌టించి చూపించాడు. నేను అతడిని కాపీ చేసాను. ప్రజలు నా గురించి చాలా రెగ్యుల‌ర్ గా అభినందించినా కానీ.. నేను ఉత్సుకతతో ఉన్నా కానీ... అందులో ఎక్కువ భాగం సుశాంత్. నేను కేదార్‌నాథ్ విష‌యంలో ఏ ప్రేమను సంపాదించుకున్నానో అది నా ప్ర‌ద‌ర్శ‌న కంటే చాలా ఎక్కువ.. అదంతా అతడే. నేను మీకు జ్ఞాపకం ఇవ్వలేను'' అని అంది.

సుశాంత్ సింగ్ రాజ్‌పుత్ నాల్గవ వర్ధంతిని పురస్కరించుకుని కేదార్‌నాథ్ సెట్స్ నుండి అతడితో క‌లిసి ఉన్న‌ త్రోబాక్ ఫోటోని షేర్ చేసింది. దీనికి 'నమో నమో' పాటను జోడించింది. న‌మ‌స్క‌రించిన‌ చేతులు, సౌర వ్యవస్థ, ఒక గ్రహం, కెమెరా సహా చాలా ఎమోజీలను కూడా షేర్ చేసింది. ఇవ‌న్నీ సుశాంత్ కి ఇష్ట‌మైన స‌బ్జెక్ట్ అన్న సంగ‌తి తెలిసిందే.

సుశాంత్ , కేదార్‌నాథ్ సినిమా తనకు ఎప్పుడూ చాలా స్పెషల్ అని సారా ఎప్పుడూ చెబుతూనే ఉంది. గత ఏడాది కూడా సుశాంత్ వర్ధంతి సందర్భంగా సారా ఎమోషనల్ నోట్ రాసింది. ''మొదటిసారి కేదార్‌నాథ్‌కి వెళ్తున్నాం.

నేను మొదటిసారి షూటింగ్‌కి వెళ్తున్నాను. ఇద్దరూ మళ్లీ అదే అనుభూతి.. కానీ ఎక్కడో యాక్షన్, కట్, సూర్యోదయం, నదులు, మేఘాలు, చంద్రకాంతి, కేదార్‌నాథ్.. అల్లా హూ మధ్య మీరు ఉన్నారని నాకు తెలుసు. కేదార్‌నాథ్ నుండి ఆండ్రోమెడ వరకు మీరు నక్షత్రాల మధ్య ప్రకాశిస్తూ ఉండండి'' అని అంద‌మైన‌ నోట్ రాసింది.

సుశాంత్ సింగ్ రాజ్‌పుత్ 14 జూన్ 2020న మరణించాడు. అతడు ముంబైలోని బాంద్రా నివాసంలో శవమై కనిపించాడు. అతడు చివరిసారిగా దిల్ బేచారాలో కనిపించాడు. ఇది సుశాంత్ న‌టించిన‌ చివరి చిత్రం. కేదార్ నాథ్ చిత్రంలో న‌టించేప్పుడు సుశాంత్ తో డేటింగ్ చేసాన‌ని సారా అలీఖాన్ అంగీక‌రించింది. డ్ర‌గ్స్ కేసులో ఎన్సీబీ ప్ర‌శ్న‌ల‌కు స‌మాధానంగా సుశాంత్ తో సారా షార్ట్ డేటింగ్ గురించి బ‌య‌ట‌ప‌డింది. అత‌డితో క‌లిసి ఎగ్జోటిక్ లొకేష‌న్ కి వెళ్లామ‌ని కూడా సారా స్ప‌ష్ఠంగా చెప్పింది.