జీబ్రా.. సత్యదేవ్ హై వోల్టేజ్ కటౌట్

టాలీవుడ్ టాలెంటెడ్ నటుడు సత్యదేవ్, కన్నడ స్టార్ దాలీ ధనంజయ కలిసి నటిస్తున్న క్రైమ్ యాక్షన్ ఎంటర్‌టైనర్ "జీబ్రా". ఈ సినిమా ఒక డిఫరెంట్ కథతో తెరపైకి రాబోతోంది. సినిమా నుంచి సత్యదేవ్ ఫస్ట్ లుక్ విడుదలైంది. ఈ చిత్రాన్ని ఈశ్వర్ కార్తిక్ దర్శకత్వంలో, ఎస్.ఎన్. రెడ్డి, ఎస్. పద్మజ, బాల సుందరం, దినేష్ సుందరం నిర్మిస్తున్నారు. పద్మజ ఫిల్మ్స్ ప్రైవేట్ లిమిటెడ్ మరియు ఓల్డ్ టౌన్ పిక్చర్స్ బ్యానర్లపై ఈ చిత్రం నిర్మాణం అవుతోంది.

సత్యదేవ్ పుట్టినరోజు సందర్భంగా, అతని మొదటి లుక్ విడుదల చేశారు. ఇక ఫస్ట్ లుక్ పోస్టర్ లో సత్యదేవ్ సూట్‌లో స్టైలిష్ అవతార్‌లో కనిపిస్తున్నారు. కానీ, ఆయన ముఖంలో ఉన్న తీవ్రమైన చూపు పాత్రకు సంబంధించిన తీవ్రతను తెలియజేస్తోంది. భుజంపై బ్యాగ్ తో, ఒక చేతిలో కలంతో, సత్యదేవ్ అతి ఆగ్రహంగా నడుస్తున్న దృశ్యాన్ని ఈ పోస్టర్ లో చూపించారు. బ్యాక్‌గ్రౌండ్ లో కరెన్సీ నోట్లు ఉన్న పోస్టర్ మరింత ఆసక్తిని పెంచింది.

"Luck Favors The Brave" (ధైర్యవంతులకు అదృష్టం అనుకూలిస్తుంది) అనే ట్యాగ్ లైన్ తో తెరకెక్కుతున్న ఈ చిత్రం డిఫరెంట్ యాక్షన్ డ్రామా గా ఉండబోతున్నట్లు మేకర్స్ చెబుతున్నారు. ఇక గ్యాప్ లేకుండా జెట్ స్పీడ్ లో ఇటీవల షూటింగ్ పూర్తి చేసుకుంది. ప్రస్తుతం పోస్ట్ ప్రొడక్షన్ పనులు జరుగుతున్నాయి. త్వరలోనే సినిమా విడుదల తేదీని ప్రకటించనున్నారు.

ఈ క్రైమ్ యాక్షన్ ఎంటర్‌టైనర్ లో ప్రియ భవానీ శంకర్ మరియు జెన్నిఫర్ పిక్సినాటో హీరోయిన్లుగా నటిస్తున్నారు. సీనియర్ నటుడు సత్యరాజ్ ఒక కీలక పాత్రలో కనిపించనున్నారు. ఇక సత్య అకాల మరియు సునీల్ ఇతర ప్రముఖ తారాగణంలో ఉన్నారు. కేజిఎఫ్ మరియు సలార్ చిత్రాలకు సంగీతం అందించిన రవి బస్రూర్ ఈ చిత్రానికి సంగీత దర్శకుడు.

సత్య పోన్‌మార్ సినిమాటోగ్రాఫర్ గా, ఎస్. శ్రీలక్ష్మీ రెడ్డి సహ నిర్మాతగా ఉన్నారు. అనిల్ కృష్ణ ఎడిటింగ్ బాధ్యతలు నిర్వహిస్తున్నారు, మరికొంత మిరాక్ సంభాషణలు అందిస్తున్నారు. ఈ చిత్రం మంచి అంచనాలతో ఉండి, ప్రేక్షకులను ఆకట్టుకునే అవకాశం ఉంది. సత్యదేవ్ మరియు దాలీ ధనంజయ కలిసి నటించడం, సినిమా లో స్పెషల్ ఎట్రాక్షన్ అని చెప్పవచ్చు. మరి "జీబ్రా" సినిమా విడుదలైన తరువాత ప్రేక్షకుల నుండి ఎలా స్పందన రాబడుతుందో చూడాలి. అలాగే సత్యదేవ్ కూడా చాలా కాలంగా బాక్సాఫీస్ వద్ద ఒక సాలీడ్ హిట్ కోసమైతే చూస్తున్నాడు. ఇక ఈ సినిమాపైనే అతను భారీ ఆశలు పెట్టుకున్నట్లు తెలుస్తోంది.