పిక్ టాక్ : డైరెక్టర్ తో అందాల ముద్దుగుమ్మ

ముంజ్యా సినిమాతో బాలీవుడ్‌ ప్రేక్షకులకు ఓవర్‌ నైట్‌ లో ఫేవరెట్‌ స్టార్‌ అయిన ముద్దుగుమ్మ శర్వరీ. ఈ అమ్మడు మొన్నటి వరకు పెద్దగా ఆఫర్లు లేక పోవడంతో ఏదో ఒక ఆఫర్‌ అంటూ ఎదురు చూసేది. కానీ ఇప్పుడు పరిస్థితి పూర్తిగా మారింది. పెద్ద సినిమాలకు ఈమె మోస్ట్‌ వాంటెడ్‌ స్టార్‌ అనడంలో సందేహం లేదు.

ముంజ్యా సినిమా విజయం నేపథ్యంలో ఒక్కసారిగా ఆఫర్లు ఈ అమ్మడి తలుపు తడుతున్నాయి. మొదటగా ఈమె 'ఆల్ఫా' సినిమాలో నటించేందుకు రెడీ అయ్యింది. బాలీవుడ్‌ స్టార్‌ హీరోయిన్‌ ఆలియా భట్‌ కీలక పాత్రలో నటిస్తున్న ఆల్ఫా లో ఈ అమ్మడు సెకండ్‌ లీడ్ లో కనిపించబోతున్నట్లుగా సమాచారం అందుతోంది.

నేటి నుంచి ఈ అమ్మడు ఆల్ఫా సినిమా షూటింగ్‌ లో జాయిన్ అయ్యింది. సినిమా షూటింగ్‌ లో జాయిన్ అయినట్లుగా స్వయంగా శర్వరీ సోషల్‌ మీడియా ద్వారా ఈ ఫోటోను షేర్ చేసి మరీ ప్రకటించింది. దర్శకుడితో కలిసి ఉన్న శర్వరీ ఫోటో ప్రస్తుతం సోషల్‌ మీడియాలో వైరల్‌ అవుతోంది.

ఈ రోజు నా ఆల్ఫా జీవితం ప్రారంభించడం చాలా అద్భుతంగా ఉంది. ఈ సినిమా ప్రతి ఒక్కరిని ఆకట్టుకునే విధంగా ఉంటుంది. ఈ క్షణాల కోసం చాలా కాలంగా వెయిట్‌ చేస్తున్నాను అంది. అంతే కాకుండా ఫిల్మ్‌ క్లాప్ బోర్డ్‌ ను చేతిలో పట్టుకుని దర్శకుడితో శర్వరీ ఫోటోకు ఫోజ్ ఇచ్చిన ఫోటోను షేర్ చేసింది.

ఆలియా భట్ తో స్క్రీన్ షేర్ చేసుకునే అవకాశం అనేది కచ్చితంగా చాలా పెద్ద విషయం అంటూ బాలీవుడ్ వర్గాల వారు కూడా అభిప్రాయం వ్యక్తం చేస్తున్నారు. సోషల్‌ మీడియాలో ఆల్ఫా లో శర్వరీ పాత్ర గురించిన చర్చ జరుగుతోంది.