హృతిక్-తార‌క్ మ‌ధ్య‌లో క‌పూర్ బ్యూటీ!

హృతిక్ రోష‌న్-ఎన్టీఆర్ ప్ర‌ధాన పాత్ర‌ల్లో ఆయాన్ ముఖ‌ర్జీ ద‌ర్శ‌క్వంలో `వార్-2` భారీ అంచ‌నాల మ‌ధ్య తెర‌కెక్కు తోన్న సంగ‌తి తెలిసిందే. ఇందులో హీరోయిన్ గా కియారా అద్వాణీ న‌టిస్తోంది. అయితే అమ్మ‌డు ఎవ‌రికి ఫెయిర్ గా న‌టిస్తుంది? అన్న‌ది స‌స్పెన్స్. తార‌క్ తో రొమాన్స్ చేస్తుందా? హృతిక్ స‌ర‌స‌న అల‌రిస్తుందా? అన్న‌ది అంద‌రి లోనూ స‌స్పెన్స్ గా మారింది. కానీ అమ్మ‌డు పాత్ర మాత్రం హీరోల‌కు ధీటుగానే సాగుతుంద‌న్న‌ది వాస్త‌వం.

స్పై యాక్ష‌న్ థ్రిల్ల‌ర్ కియారా సైతం తుపాకులు ప‌ట్టి ట‌పీ ట‌పీ మ‌నీ కాల్చేయ‌డం ఖాయం. తాజాగా ఈ ప్రాజెక్ట్ లో క‌పూర్ బ్యూటీ కూడా చేరుతుంది. హాట్ బ్యూటీ శ్ర‌ద్దా క‌పూర్ తో ఓ స్పెష‌ల్ సాంగ్ ప్లాన్ చేస్తున్నారు మేక‌ర్స్. ఇప్ప‌టికే ఈ విష‌యం క‌పూర్ బ్యూటీ వ‌ద్ద‌కు వెళ్ల‌డం..ఆమె సైన్ చేయ‌డం కూడా జ‌రిగిపోయింద‌ని స‌మాచారం. సినిమాలో ఇదొక ఐటం పాట‌లో తీర్చి దిద్దుతున్నారు. అయితే ఈ పాట‌లో కేవ‌లం క‌పూర్ బ్యూటీ సింగిల్ గానే ఆడిపాడ‌దు.

ఆమెకు తోడుగా హృతిక్- ఎన్టీఆర్ కూడా అటు ఇటు స్టెప్ అందుకుంటున్నారు. ఇద్ద‌రి న‌డుమ శ్ర‌ద్దా క‌పూర్ డాన్స్ చేయాల్సి ఉంది. ఇది అమ్మ‌డి కి పెద్ద స‌వాలే. హృతిక్- తార‌క్ ఎలాంటి డాన్స‌ర్లు అన్న‌ది చెప్పాల్సిన ప‌నిలేదు. ఇద్ద‌రి మ‌ధ్య డాన్స్ విష‌యంలో త‌గ్గాప్ వార్ న‌డుస్తుంద‌ని ఇప్ప‌టికే ప్ర చారంలో ఉంది. ఆయాన్ ముఖ‌ర్జీ వాళ్లిద్ద‌రిపై ఓ స్పెష‌ల్ సాంగ్ డిజైన్ చేసారు. అది కాకుండా తాజాగా ఐటం పాట‌లో కూడా వాళ్లిద్ద‌ర్నీ దించుతున్నారు.

కాబ‌ట్టి శ్ర‌ద్దా క‌పూర్ కూడా వాళ్ల‌కు ధీటుగా డాన్స్ చేయ‌క త‌ప్ప‌దు. ఇది క‌పూర్ బ్యూటీకి అతి పెద్ద స‌వాల్. ఎంతో ప్రాక్టీస్ చేస్తే త‌ప్ప వాళ్ల డాన్సు ని మ్యాచ్ చేయ‌డం అన్న‌ది చిన్న విష‌యం కాదు. మ‌రి అందుకు అమ్మ‌డు ఎలాంటి ప్రాక్టీస్ తీసుకుంటుందో చూడాలి. ఐటం పాట‌లకు సౌత్ లో ఉన్న క్రేజ్ గురించి చెప్పాల్సిన ప‌నిలేదు. అందులోనూ తెలుగు, త‌మిళ్ లోనే ప్ర‌త్యేక‌మైన క్రేజ్ ఉంటుంది. అందుకోస‌మే ప్ర‌త్యేకంగా ఆయాన్ ముఖ‌ర్జీ పాట‌ని భాగం చేస్తున్న‌ట్లుంది.