అప్పుడు నో చెప్పినా.. ఇప్పుడు ఓకే అన్నా కారణం అదే.. క్లారిటీ ఇచ్చిన మెకానిక్ రాకీ బ్యూటీ..

ఈవారం విడుదల కాబోతున్న చిత్రాలలో ప్రస్తుతానికి మంచి బజ్ క్రియేట్ చేసిన చిత్రం విశ్వక్ సేన్ మెకానిక్ రాకీ .ఈ మూవీకి సంబంధించిన ప్రీ రిలీజ్ ఈవెంట్ నిన్న రాత్రి చాలా గ్రాండ్ గా జరిగింది. ఇక ఈ ఈవెంట్ లో విశ్వక్ తన మాటలతో ఎప్పటిలాగా అందరిని ఎంతో ఆకట్టుకున్నాడు. ఇక ఈ మూవీలో హీరోయిన్గా శ్రద్ధ శ్రీనాథ్ నటిస్తున్న విషయం అందరికీ తెలిసిందే. అయితే ఈమెకు సంబంధించి కొన్ని రోజుల క్రితం విశ్వక్ ఓ వైరల్ స్టేట్మెంట్ ఇచ్చాడు.

ఒకప్పుడు ఫలక్‌నుమా దాస్‌ మూవీ కోసం హిరోయిన్ గా శ్రద్ధా శ్రీనాథ్‌ను హీరోయిన్గా అనుకున్నానని.. స్వయంగా వెళ్లి ఈ స్టోరీ వినిపించిన ఆమె అప్పట్లో చేయనని చెప్పారని వెల్లడించారు. ఈ విషయం సోషల్ మీడియాలో తెగ వైరల్ కూడా అయ్యింది. అయితే తాజాగా జరిగిన మెకానిక్ రాకీ ఫ్రీ రిలీజ్ ఈవెంట్లో దీనిపై శ్రద్ధ శ్రీనాథ్ స్పందించి.. అసలు ఆ సినిమా ఎందుకు వద్దనుకున్నారు అన్న విషయాన్ని స్పష్టం చేశారు.

ఫలక్‌నుమా దాస్ మూవీ సబ్జెక్ట్ తనకు నచ్చకపోవడమే ఆమె ఆ చిత్రంలో నటించకపోవడానికి అసలు కారణం అని శ్రద్ధ స్టేజిపై వెల్లడించారు. అయితే భవిష్యత్తులో విశ్వక్ తో కలిసి పనిచేయడానికి సుముకతగా ఉన్నానని పేర్కొన్నారు. ఈ మూవీలో శ్రద్ధతోపాటు మీనాక్షి చౌదరి కూడా హీరోయిన్గా నటిస్తున్నారు.

ఇక విశ్వక్ మంచి మాస్ కంటెంట్ ఉన్న చిత్రాలతో ప్రేక్షకులను బాగా ఎంటర్టైన్ చేస్తూ తనకంటూ మంచి గుర్తింపు తెచ్చుకున్నాడు. తాజాగా అతను నటించిన గ్యాంగ్స్ ఆఫ్ గోదావరి చిత్రం కూడా మంచి బాస్ క్రియేట్ చేసింది. ఇప్పుడు మరొకసారి మంచి స్ట్రాంగ్ మాస్ కంటెంట్ ఉన్న చిత్రంతో ప్రేక్షకులను అలరించడానికి విశ్వక్ సిద్ధమవుతున్నాడు.మెకానిక్ రాకీ మూవీ లో నరేష్, సునీల్, హైపర్ ఆది, హర్షవర్ధన్ ముఖ్య పాత్రలు పోషిస్తున్నారు.

ఇక దీపావళి తర్వాత బాక్సాఫీస్ వద్ద సందడి కాస్త తగినట్లు కనిపిస్తోంది. భారీ అంచనాల మధ్య విడుదలైన కంగువ పెద్ద షాకే ఇచ్చింది. ఇక ఈ వారం విడుదలయ్యే మెకానిక్ రాకి బాక్సాఫీస్ వద్ద మంచి వసూలు రాబట్టే లాగే కనిపిస్తోంది. అయితే మరో పక్క ఈ చిత్రానికి దేవకీనందన వాసుదేవ, జీబ్రాలతో గట్టి పోటీ ఉంది. అయితే ఈ రెండు సినిమాల హీరోల కంటే కూడా విశ్వక్ కి మార్కెట్లో కాస్త డిమాండ్ ఉంది కాబట్టి ఆ అడ్వాంటేజ్ తో మూవీ సక్సెస్ సాధించే అవకాశం కనిపిస్తుంది.