అప్పుడే సితార‌కు ప్ర‌మోట్ అయిన యంగ్ హీరో!
దీంతో కొంత గ్యాప్ తీసుకుని ప్ర‌శాంత్ వ‌ర్మ అందించిన క‌థ‌తో ఇప్పుడు రెండ‌వ సినిమా చేసారు.
'హీరో` చిత్రంతో సూప‌ర్ స్టార్ మ‌హేష్ మేన‌ల్లుడు అశోక్ గ‌ల్లా టాలీవుడ్ లో లాంచ్ అయిన సంగ‌తి తెలిసిందే. కానీ తొలి సినిమా ఆశించిన ఫ‌లితాలు సాధించ‌లేదు. హీరో కంటే ముందు ఓ సినిమాని ప్రారంభించి మ‌ధ్య‌లోనే ఆపేసారు. ఆ త‌ర్వాత హీరో క‌థ న‌చ్చ‌డంతో మూవ్ అయ్యారు. కానీ ఇది అనుకున్నంత గా సక్సెస్ అవ్వ‌లేదు. దీంతో కొంత గ్యాప్ తీసుకుని ప్ర‌శాంత్ వ‌ర్మ అందించిన క‌థ‌తో ఇప్పుడు రెండ‌వ సినిమా చేసారు.
అదే 'దేవ‌కీ నంద‌న వాసుదేవ'. అర్జున్ జంధ్యాల అనే కొత్త కుర్రాడు ద‌ర్శ‌క‌త్వం వ‌హించిన సినిమా నేడు రిలీజ్ అయింది. ఆ సినిమా సంగ‌తి ప‌క్క‌న బెడితే యువ హీరో అప్పుడే అగ్ర బ్యాన‌ర్ కి ప్ర‌మోట్ అయ్యాడు. సితార ఎంట‌ర్ టైన్ మెంట్స్ లో త‌న మూడ‌వ సినిమా చేస్తున్న‌ట్లు రివీల్ చేసి స‌ర్ ప్రైజ్ చేసాడు. సితార సంస్థ అంటే స్టార్ హీరోల‌తో సినిమాలు నిర్మిస్తుంది. హారికా-హాసిని సంస్థ‌ల‌కు అనుబంధ సంస్థగా కొన‌సాగుతుంది. అలాగే టైర్ -2 హీరోల‌తోనూ చాలా సినిమాలు నిర్మించింది.
తాజాగా ఆ బ్యాన‌ర్ లోకి అశోక్ ఎంట‌ర్ అవ్వ‌డం విశేషం. ఆ సంస్థ కొంత మంది యంగ్ హీరోల‌తోనూ సినిమాలు చేసి సక్సెస్ అయింది. మ్యాడ్, టిల్లు స్క్వేర్ లాంటి సినిమాలు అదే సంస్థలో నిర్మాణం అయ్యాయి. అవి మంచి విజ‌యాలు సాధించాయి. ఇప్ప‌టి వ‌ర‌కూ ఆ సంస్థ నుంచి రిలీజ్ అయిన అన్ని సినిమాలు దాదాపు సక్సెస్ గానే క‌నిపిస్తున్నాయి. ఈనేప‌థ్యంలో అశోక్ గ‌ల్లాకి సితార క‌లిసొచ్చే సంస్థగా చెప్పొచ్చు.
ఆ సంస్థ క‌థ‌ల్ని ఎంపిక చేసుకోవ‌డంలో ప్ర‌త్యేక‌త గ‌ల‌ది. బ్యాకెండ్ లో త్రివిక్ర‌మ్ కూడా ఆ సంస్థ కోసం ప‌ని చేస్తుంటారు. నాగ‌వంశీ కూడా ప్ర‌తిభ గ‌ల నిర్మాత. క‌థ‌ల్ని జ‌డ్జ్ చేయ‌డంలో ఆయ‌న సక్సెస్ రేట్ బాగుంది. దిల్ రాజు త‌ర్వాత స‌రైన ఎంపిక‌లు అత‌డివే అంటూ విమ‌ర్శ‌కుల ప్ర‌శంస‌లు అందుకుంటున్నారు.