పుష్ప 2: క్లిక్కయితే శ్రీలీలను అందుకోవడం కష్టమే..?

టాలీవుడ్‌లోని ప్రతిష్టాత్మకమైన పాన్ ఇండియా చిత్రాల్లో ఒకటైన పుష్ప 2 డిసెంబర్ 5న విడుదలకు సిద్ధమవుతోంది. ఈ సినిమా తెలుగునాటనే కాదు, దేశవ్యాప్తంగా మిగతా భాషల్లో కూడా భారీ అంచనాల మధ్య వస్తోంది. అల్లు అర్జున్, రష్మిక మందన్న ప్రధాన పాత్రలతో సుకుమార్ దర్శకత్వంలో రూపొందిన ఈ చిత్రం, మొదటి భాగం ఏ స్థాయిలో హిట్ కొట్టిందో ప్రత్యేకంగా చెప్పాల్సిన అవసరం లేదు. ఇక సమంత చేసిన ఐటెమ్ సాంగ్ కూడా ఒక రేంజ్ లో క్లిక్కయ్యింది.

ఇక సీక్వెల్ లో ఈసారి స్పెషల్ ఐటమ్ సాంగ్ లో శ్రీలీల కనిపించబోతోంది. ఇప్పటివరకు స్పెషల్ సాంగ్స్ చేయని అమ్మడు ఈసారి బన్నీ కాంబినేషన్ ను కాదనలేక ఒప్పుకున్నట్లు తెలుస్తోంది. అంతే కాకుండా ఊహించని విధంగా 2 కోట్ల రెమ్యునరేషన్ అందుకున్నట్లు టాక్. ఇక పుష్ప 2 ట్రైలర్‌లో ఆమె కనిపించిన ఒక్క చిన్న గ్లింప్స్‌ సోషల్ మీడియాలో పెద్ద ఎత్తున చర్చకు దారితీసింది. అందులో ఆమె వేసిన కొన్ని స్టెప్పులు, గ్లామర్ షో ఇప్పటికే ప్రేక్షకుల దృష్టిని ఆకర్షించాయి.

ఈ పాటలో ఆమె పాత్ర 5 నిమిషాలకంటే తక్కువ సమయం ఉండవచ్చు, కానీ ఆ తక్కువ సమయమే శ్రీలీల కెరీర్‌కి ఊహించని బూస్ట్ లభించే ఛాన్స్ ఉంది. శ్రీలీల టాలీవుడ్‌లో మంచి డాన్సర్‌గా పేరు తెచ్చుకుంది. అయితే పుష్ప 2 వంటి పెద్ద సినిమాతో ఆమె కెరీర్‌లో కొత్త అవకాశాలు దక్కే అవకాశం ఉంది. సినిమా ట్రైలర్ నుంచే ఆమె ప్రదర్శనపై హైప్ క్రియేట్ కావడం, పాట విడుదల తర్వాత ప్రేక్షకులపై ఆమె మరింత ప్రభావం చూపడం ఖాయమని పరిశ్రమ వర్గాలు అంచనా వేస్తున్నాయి.

ఈ సాంగ్ తరువాత ఆమె క్లిక్కయితే మాత్రం ఫుల్ బిజీగా మారే అవకాశం ఉంటుంది. అలాగే రెమ్యునరేషన్ కూడా ఒక్కసారిగా డబుల్ అయినా ఆశ్చర్య పోవాల్సిన అవసరం లేదు. దీంతో ఆమెను అందుకోవడం మీడియం రేంజ్ నిర్మాతలకు కష్టమే అవుతుంది. అల్లు అర్జున్ పక్కనే డ్యాన్స్ అంటే గ్లామర్ ప్రెజెన్స్‌ను ఉపయోగించుకుని హిందీ ప్రేక్షకులను కూడా ఆకట్టుకోవచ్చని భావిస్తున్నారు. ఈ సాంగ్ ఆమెకు బాలీవుడ్ అవకాశాలు తెచ్చే చాన్స్ కూడా ఉంది.

ఇప్పటివరకు తెలుగులో తగిన స్థాయిలో సక్సెస్ సాధించలేకపోయిన శ్రీలీల, పుష్ప 2లోని ఈ ఐటమ్ సాంగ్ ద్వారా ఊహించని క్రేజ్ అందుకునే అవకాశం వచ్చింది. సమంత పుష్ప 2 ద్వారా బాలీవుడ్ లో సైతం మంచి ఆఫర్స్ అందుకుంది. ఇక శ్రీలీల కాస్త ఫోకస్ పెట్టినా కూడా మరో ఐదేళ్ళ వరకు డోకా ఇండదు. మరి అమ్మడు ఎలాంటి అడుగులు వేస్తుందో చూడాలి. ఇక పుష్ప సినిమా బాక్సాఫీస్ వద్ద 1000 కోట్లు అందుకుంటుంది అని మేకర్స్ ఎంతో నమ్మకంతో ఉన్నారు. మరి ఆ నమ్మకానికి తగ్గట్టుగా మూవీ క్లిక్కవుతుందో లేదో చూడాలి.