సెన్సార్ కు దొరక్కుండా శ్రీవిష్ణు బూతులు.. ఒక్కటే మోత

శ్రీవిష్ణు.. ఈ టాలీవుడ్ యంగ్ హీరో కెరీర్ వెరీ ఇన్స్పిరేషన్ అనే చెప్పాలి. వెబ్ డిజైనర్ గా కెరీర్ స్టార్ట్ చేసిన ఆయన.. బాణం మూవీతో ఇండస్ట్రీలోకి వచ్చారు. ఎలాంటి సినీ బ్యాక్ గ్రౌండ్ లేని శ్రీవిష్ణు.. సోలో, లవ్ ఫెయిల్యూర్, నా ఇష్టం, లైఫ్ ఈజ్ బ్యూటిఫుల్ వంటి వివిధ సినిమాల్లో సైడ్ క్యారెక్టర్ రోల్స్ లో యాక్ట్ చేసి మెప్పించారు. ప్రేమ ఇష్క్ కాదల్ సినిమాలో తొలిసారి లీడ్ రోల్ లో నటించారు. ఆ తర్వాత మళ్ళీ క్యారెక్టర్ ఆర్టిస్ట్ గా పలు సినిమాలు చేశారు. వివిధ చిత్రాలతో మంచి గుర్తింపు సంపాదించుకున్నారు.

ఆ తర్వాత మెంటల్ మదిలో చిత్రంతో హీరోగా మారారు శ్రీవిష్ణు. హీరోగా డెబ్యూతో మంచి హిట్ అందుకున్నారు. ఆ తర్వాత నీది నాది ఒకే కథ చిత్రంతో మరో సక్సెస్ సొంతం చేసుకున్నారు. వీర భోగ వసంత రాయలు ఫ్లాప్ అయినా.. బ్రోచేవారెవరురా మూవీతో కమ్ బ్యాక్ ఇచ్చారు. ఇండస్ట్రీలో తనదైన గుర్తింపు దక్కించుకున్నారు. ఆ తర్వాత పలు సినిమాలు చేయగా.. పర్వాలేదనిపించాయి. హసిత్ గోలి తెరకెక్కించిన రాజ రాజ చోర మూవీతో విమర్శకుల నుంచి కూడా ప్రశంసలు అందుకున్నారు శ్రీవిష్ణు.

ఇప్పుడు వీరిద్దరూ మరోసారి కలిసి రీసెంట్ గా స్వాగ్ మూవీ చేసిన విషయం తెలిసిందే. రిలీజ్ కు ముందు భారీ అంచనాలు నెలకొల్పిన ఆ చిత్రం.. ఊహించని స్థాయిలో ఆడియన్స్ ను మెప్పించలేకపోయింది. బాక్సాఫీస్ వద్ద మోస్తరు వసూళ్లు మాత్రమే రాబట్టింది. కానీ శ్రీవిష్ణు యాక్టింగ్ కు వేరే లెవెల్ సో మార్కులు పడ్డాయి. రీసెంట్ గా ఆ సినిమా ఓటీటీలోకి రాగా.. ఓ రేంజ్ లో రెస్పాన్స్ అందుకుంది. మూవీ లవర్స్ విపరీతంగా చూశారు. సినిమా బాగుందని కొందరు రివ్యూస్ ఇచ్చారు.

అదే సమయంలో సోషల్ మీడియాలో శ్రీవిష్ణు సినిమాల్లోని బూతులు వైరల్ అవుతున్నాయి. ఆయన నటించిన చిత్రాల్లో చాలా బూతులు ఉన్నా.. ఎక్కడా అవి ఇబ్బందిగా అనిపించడం లేదు. వినీ వినిపించనట్లు ఉంటున్నాయి. అసలు బాతులు మాట్లాడుతున్నట్లే తెలియడం లేదు. దీర్ఘంగా అబ్జర్వ్ చేస్తే గానీ అర్థం కాదు. అలా శ్రీవిష్ణు వివిధ సినిమాల్లోని బూతులు వీడియోస్ గా ఎడిట్ నెట్టింట పోస్ట్ చేస్తున్నారు నెటిజన్లు. దీంతో ఆ మీమ్స్ ఫుల్ వైరల్ గా మారాయి.

ఎక్కడ చూసినా అవే కనిపిస్తున్నాయి. అయితే సెన్సార్ కు దొరక్కుండా శ్రీవిష్ణు భలే మేనేజ్ చేశారని నెటిజన్లు కామెంట్లు పెడుతున్నారు. అలా ఎలా సాధ్యమన్న అని అడుగుతున్నారు. సెన్సార్ వాళ్లకు దొరకకుండా బూతులు మాట్లాడటం ఎలా.. కోర్సు బై శ్రీవిష్ణు అని పోస్ట్ చేస్తున్నారు. సెన్సార్ బోర్డును మోసం చేయడం ఎలాగో శ్రీవిష్ణు దగ్గర నేర్చుకోవాలని సరదాగా చెబుతున్నారు. మొత్తానికి శ్రీవిష్ణు సినిమాల్లోని బూతులు.. ఇప్పుడు తెగ వైరల్ అవుతున్నాయి.