పెళ్లికి సిద్ధమైన శ్రీసింహ… అమ్మాయి ఎవరంటే?

ఈ ఏడాది ఇండస్ట్రీకి చెందిన సెలబ్రెటీలు వివాహ బంధంతో కొత్త జీవితంలోకి అడుగుపెట్టారు. యంగ్ హీరో కిరణ్ అబ్బవరం, హీరోయిన్ రహస్య గోరక్ వివాహ బంధంతో ఒకటయ్యారు. ఐదేళ్లుగా వీరిద్దరూ ప్రేమలో ఉన్నారు. అలాగే దిల్ రాజు ఫ్యామిలీ హీరో ఆశీష్ కూడా కూడా పెళ్లి చేసుకున్నాడు. అలాగే హీరోయిన్ అదితీరావ్ హైదరీ, సిద్దార్ధ్ వివాహం చేసుకున్నారు. ఒకప్పటి టాలీవుడ్ స్టార్ హీరోయిన్ రకుల్ ప్రీత్ సింగ్ కూడా ఈ ఏడాదిలోనే పెళ్లి చేసుకుంది.

తాజాగా ఎంఎం కీరవాణి తనయుడు హీరో శ్రీసింహ పెళ్లి పీటలు ఎక్కబోతున్నాడు. ఇక ప్రత్యేకంగా వారి కుటుంబ సభ్యుల సమక్షంలో శ్రీసింహ ఎంగేజ్మెంట్ వేడుక జరిగింది. ఈ వేడుకలో రాజమౌళి, కీరవాణి, సీనియర్ నరేష్, పవిత్రతో పాటు కొంతమంది సినీ ప్రముఖులు పాల్గొన్నారు. ఇక శ్రీసింహ పెళ్లి చేసుకొనున్న అమ్మాయి మరెవరో కాదు. ఆమె పేరు మాగంటి రాగ. ఆమె సీనియర్ యాక్టర్ మురళీ మోహన్ మనవరాలు. ఎంతో కాలంగా వీరికి రాజమౌళి ఫ్యామిలీకి స్నేహ సంబంధాలు ఉన్నాయి.

మాగంటి రాగ మురళీమోహన్ కుమారుడు రామ్ మోహన్, రూప దంపతుల కుమార్తె. శ్రీసింహ, రాగ వివాహం పెద్దలు కుదిర్చిన సంబంధమా లేదంటే ప్రేమ వివాహమా అనేది తెలియదు. రెండు కుటుంబ సభ్యుల సమక్షంలోనే వీరి ఎంగేజ్మెంట్ వేడుక జరిగింది. సూపర్ స్టార్ మహేష్ బాబు కూడా వేడుకకి వెళ్లి వారిని ఆశీర్వదించాడు.

ఇదిలా ఉంటే చైల్డ్ యాక్టర్ గా కెరియర్ స్టార్ట్ చేసిన శ్రీసింహ ‘మత్తు వదలరా’ చిత్రంతో హీరోగా మారాడు. ఆ మూవీ సూపర్ హిట్ అయ్యింది. తరువాత ‘తెల్లవారితే గురువారం’, ‘దొంగలున్నారు జాగ్రత్త’, ‘భాగ్ సాలే’, ‘ఉస్తాద్’ సినిమాలు చేశాడు. ఇవేవీ కూడా అతనికి సక్సెస్ ఇవ్వలేదు. మరల ఈ ఏడాది ‘మత్తు వదలరా 2’తో ప్రేక్షకుల ముందుకొచ్చి బ్లాక్ బస్టర్ హిట్ అందుకున్నాడు. నెక్స్ట్ కొన్ని ప్రాజెక్ట్స్ లైన్ లో పెట్టినట్లు తెలుస్తోంది.

ఇంటరెస్టింగ్ కథలతో హీరోగా ఎస్టాబ్లిష్ అవ్వాలని శ్రీసింహ అనుకుంటున్నాడు. మరో వైపు ఎంఎం కీరవాణి ‘SSMB29’ సినిమా కోసం వర్క్ చేస్తున్నారు. అలాగే మెగాస్టార్ చిరంజీవి ‘విశ్వంభర’కి మ్యూజిక్ అందిస్తున్నారు. రాజమౌళి మహేష్ బాబు సినిమా ప్రీప్రొడక్షన్ పనుల్లో బిజీగా ఉన్నారు. అందుకే పెద్దగా హడావిడి లేకుండా శ్రీసింహ వివాహం చేసినట్లు టాక్ వినిపిస్తోంది.