ఎస్ఆర్‌టి ఎంటర్‌టైన్‌మెంట్స్‌.. ట్రిపుల్ ధమాకా
టాలీవుడ్‌లో కంటెంట్ ఉన్న సినిమాలను నిర్మించడంలో పేరు పొందిన ఎస్ఆర్‌టి ఎంటర్‌టైన్‌మెంట్స్‌ గురించి ప్రత్యేకంగా చెప్పనవసరం లేదు.
టాలీవుడ్‌లో కంటెంట్ ఉన్న సినిమాలను నిర్మించడంలో పేరు పొందిన ఎస్ఆర్‌టి ఎంటర్‌టైన్‌మెంట్స్‌ గురించి ప్రత్యేకంగా చెప్పనవసరం లేదు. అయితే ఈమధ్య ఈ సంస్థ స్పీడ్ పెంచింది. ఈ నవంబరులో మూడు చిత్రాలు విడుదల చేయడానికి సిద్దమైంది. భారీ బడ్జెట్‌తో, గ్రాండ్‌ స్థాయిలో సినిమాలు నిర్మిస్తూ, బలమైన కంటెంట్ కలిగిన చిత్రాలను ప్రేక్షకుల ముందుకు తీసుకురావడంలో ఎస్ఆర్‌టి ఎంటర్‌టైన్‌మెంట్స్‌ ప్రత్యేకతను చాటుకుంటోంది.
రామ్ తల్లూరి, రాజని తల్లూరి ఈ చిత్రాల నిర్మాతలు. ఈ నెలలో ఎస్ఆర్‌టి ఎంటర్‌టైన్‌మెంట్స్‌ బ్యానర్‌పై వరుణ్ తేజ్ నటించిన ‘మట్కా,’ విశ్వక్ సేన్ ప్రధాన పాత్రలో ‘మెకానిక్ రాకీ,’ నరేశ్ అగస్త్య నటించిన ‘విక్కటకవి’ చిత్రాలు విడుదలకు సిద్ధంగా ఉన్నాయి. ఈ మూడు చిత్రాలు వేర్వేరు జానర్లలో ఉండడం విశేషం. ఈ ఏడాదికి ఎస్ఆర్‌టి ఎంటర్‌టైన్‌మెంట్స్‌ ఈ మూడు చిత్రాల విడుదల ద్వారా బాక్సాఫీస్ వద్ద బలమైన పునాది వేయబోతోంది.
కరుణ కుమార్ దర్శకత్వంలో తెరకెక్కిన ‘మట్కా’ చిత్రం వరుణ్ తేజ్ కెరీర్‌లోనే అత్యంత ఖరీదైన ప్రాజెక్ట్‌. పీరియడ్‌ యాక్షన్ డ్రామాగా రూపొందిన ఈ చిత్రం నవంబర్ 14న విడుదల కానుంది. ప్రేక్షకులను అలరించే విధంగా ఈ చిత్రంలో 1970ల కాలం నేపథ్యంలో కథను నిర్మించారు. ఈ సినిమాపై అంచనాలు గట్టిగానే ఉన్నాయి. ఇప్పటికే ట్రైలర్ కూడా విడుదలైంది.
ఇక మాస్ ఎంటర్‌టైనర్‌గా రూపుదిద్దుకున్న ‘మెకానిక్ రాకీ’ నవంబర్ 22న విడుదల కానుంది. సక్సెస్ ఫుల్ టాలెంటెడ్ హీరో విశ్వక్ సేన్ హీరోగా నటిస్తున్న ఈ సినిమాకు రవితేజ ముల్లపూడి దర్శకత్వం వహిస్తున్నారు. ఇక ఈ చిత్రం ఆయనకు తొలి డైరెక్షన్ కావడం విశేషం. కథలో యాక్షన్, కామెడీ అంశాలను మిళితం చేసి రూపొందిన ఈ చిత్రం వినోదాత్మకంగా సాగుతుందని టీజర్ ద్వారా అర్థమవుతోంది.
‘విక్కటకవి’ చిత్రం మాత్రం మిస్టరీ థ్రిల్లర్‌గా ఉండబోతోంది. ప్రదీప్ మద్దాళి దర్శకత్వంలో రూపొందిన ఈ చిత్రం నవంబర్ 28న జీ5లో ప్రీమియర్ కానుంది. కథలో రహస్యాలను మలుపులు తిప్పుతూ నరేశ్ అగస్త్య నటనతో ఆకట్టుకుంటారని చిత్ర బృందం చెబుతోంది. ఈ మూడు చిత్రాలకు సంబంధించిన ప్రమోషనల్‌ మెటీరియల్‌ ఇప్పటికే విడుదల అవుతూ సినిమాపై అంచనాలను పెంచుతోంది.
ప్రతి సినిమాను కంటెంట్ కు తగ్గట్టుగా అధిక బడ్జెట్‌తో నిర్మించడం ద్వారా ప్రొడక్షన్ హౌస్ ఉత్పత్తి ప్రమాణాలు ఎంత ఉన్నతంగా ఉన్నాయో అర్ధమవుతుంది. ఈ మూడు చిత్రాలు భారీ విజయాలను సొంతం చేసుకుని, ఎస్ఆర్‌టి ఎంటర్‌టైన్‌మెంట్స్‌ సంస్థను మరింత పైస్థాయికి తీసుకెళుతాయని భావిస్తున్నారు. తదుపరి ప్రాజెక్టులపై కూడా త్వరలోనే ఎస్ఆర్‌టి ఎంటర్‌టైన్‌మెంట్స్‌ అధికారిక ప్రకటన చేయనుంది.