ప‌వ‌న్ క‌ళ్యాణ్ కి ఆ స్టార్ హీరో ఫోన్ కాల్!

2024 ఎన్నిక‌ల నేప‌థ్యంలో జ‌న‌సేన అధినేత‌న ప‌వ‌న్ క‌ళ్యాణ్ మాట తీరులో మార్పులొచ్చిన సంగ‌తి తెలిసిందే. ఎక్క‌డ నెగ్గాలో కాదు..ఎక్క‌డ త‌గ్గాలో తెలిసిన వారిగా ప్ర‌చార ప‌ర్వం కొన‌సాగింది. ఇండ‌స్ట్రీలో ఉన్న కొంత మంది హీరోలంద‌ర్నీ త‌న‌కంటే ఎక్కువ చేసి మాట్లాడిన వైనం తెలిసిందే. సూపర్ స్టార్ మ‌హేష్‌..యంగ్ టైగ‌ర్ ఎన్టీఆర్... రెబ‌ల్ స్టార్ ప్ర‌భాస్ లాంటి న‌టుల పేర్ల‌ను ప్ర‌స్తావించి మ‌రీ త‌న సినిమాల‌కంటే వాళ్ల సినిమాలు ఎక్కువ మంది చూస్తార‌ని..ఎక్కువ వ‌సూళ్లు చేస్తాయ‌ని అన్నారు.

మ‌రి ఈ పొలిటిక‌ల్ స్ట్రాట‌జీ ఓటుగా పీకే వైపు ఎంత‌వ‌ర‌కూ క‌నెక్ట్ అవుతుంద‌న్న‌ది తెలియ‌దుగానీ! ప‌వ‌న్ గ‌తంలో ఎప్పుడూ ఇలా మాట్లాడింది లేదు. ఆయ‌న నోట మ‌రో హీరో పేరు కూడా వ‌చ్చింది లేదు. తొలిసారి అభిమానుల మ‌ధ్య ఎలాంటి వైరం రాకూడ‌ద‌ని ప‌వ‌న్ చేసిన ఆ వ్యాఖ్య‌లు కొంత‌వ‌ర‌కూ పాజిటివ్ గానే క‌నిపిస్తున్నాయి. అయితే ఆ హీరోల్లో ఎవ‌రు ప‌వ‌న్ కి మ‌ద్ద‌తుగా ఉన్నారు? అన్న‌ది తెలియ‌దు గానీ తాజాగా ఓ స్టార్ హీరో మాత్రం ప‌వ‌న్ క‌ళ్యాణ్ కి ఫోన్ చేసి ఆల్ ది బెస్ట్ చెప్పారుట‌.

సోమ‌వారం రాష్ట్ర వ్యాప్తంగా ఎన్నిక‌లు జ‌రుగుతోన్న నేప‌థ్యంలో త‌ప్ప‌కుండా మీరు గెల‌వాల‌ని ఆ హీరో కాంక్షించా రుట‌. మ‌రి అత‌ను ఎవరు? అన్న‌ది స‌స్పెన్స్. సినిమా-రాజ‌కీయం వేరు. రాజ‌కీయం ఆస‌క్తి ఉన్నా? ఎవ‌రూ ఓపెన్ గా మాట్లాడే ప‌రిస్థితి ఉండ‌దు. మ‌న‌సులో ఉన్నా బ‌హిరంగంగా మ‌ద్ద‌తు ప్ర‌క‌టించరు. చిన్న చిన్న ఆర్టిస్టులు.. టెక్నిషియ‌న్లు త‌ప్ప అగ్ర స్థాయి తారాగ‌ణ‌మంతా సైలెంట్ గానే ఉన్నారు. 2019 లోనూ ప‌వ‌న్ క‌ళ్యాణ్ పోటీ చేసిన‌ప్పుడు ఇండ‌స్ట్రీ నుంచి అప్పుడు ఇలాంటి స‌న్నివేశ‌మే క‌నిపించింది.

మ‌ళ్లీ 2024 లోనూ అదే స‌న్నివేశం రిపీట్ అయింది. అయితే ప‌వ‌న్ కి విషెస్ చెప్పిన ఆ స్టార్ హీరో ఎవ‌రు అంటూ అభిమానులు మాత్రం సీరియ‌స్ గానే ఆరాలు తీస్తున్నారు. ఎన్నిక‌ల‌కు ఇంకా కొన్ని గంట‌లే స‌మ‌యం ఉన్న నేప‌థ్యంలో ప్రేక్ష‌కాభిమానుల్లో ఉత్కంఠ పెరిగిపోతుంది. ఏపీ రాజ‌కీయం అంతా ఒక ఎత్తైతే.. పిఠాపురం మ‌రో ఎత్తులా మారిన సంగ‌తి తెలిసిందే. ఇండ‌స్ట్రీలో ఇప్పుడిదే హాట్ టాపిక్ గా మారింది.