అమ్మకు ప్రేమాభిమానంతో ఖ‌రీదైన రేంజ్ రోవ‌ర్!

యంగ్ హీరో సందీప్ కిష‌న్ 'ఊరు పేరు భైర‌వ కోన‌'తో మంచి విజ‌యం అందుకున్నాడు. సంద‌ప్ చాలా కాలం త‌ర్వాత సోలోగా అందుకున్న స‌క్సెస్ ఇది. ఇదే ఏడాది 'కెప్టెన్ మిల్ల‌ర్', 'రాయ‌న్' లాంటి సినిమాల్లో కీల‌క పాత్ర‌లు పోషించాడు. ఆ సినిమాలు మంచి విజ‌యం సాధించాయి. దీంతో సందీప్ కిష‌న్ కి కొత్త ర‌క‌మైన ఇమేజ్ క్రియేట్ అవుతుంది. స్టార్ హీరోల చిత్రాల్లో కీల‌క పాత్ర‌ల‌కు సందీప్ ని ఓ ఆప్ష‌న్ గా తీసుకొవ‌చ్చు అన్న‌ది ద‌ర్శకుల దృష్టిలో ప‌డింది.

ఇంత వ‌ర‌కూ సోలో పోరాటం చేసిన సందీప్ కి ఆ ర‌కంగా ఇక‌పై టాలీవుడ్ లో కొత్త అవ‌కాశాలు వ‌చ్చే అవ‌కాశం ఉంది. ఇప్పుడు ఒక హీరో మ‌రో హీరో సినిమాలో న‌టిస్తే లాభ‌మే త‌ప్ప న‌ష్టం లేదు. పాత రోజుల త‌ర‌హాలో ఎంట‌ర్ టైన్ మెంట్ ఉండ‌టం లేదు. మారిన ప్రేక్ష‌కుల అభిరుచి..ఆలోచ‌న మేర‌కు సినిమాలు చేస్తున్నారు. ఆ ర‌కంగా సందీప్ కూడా రానా లా కెరీర్ ని బిల్డ్ చేసుకోవ‌చ్చు. స‌రిగ్గా ఈ స‌క్సెస్ పుల్ మూవ్ మెంట్ లోనే సందీప్ కిష‌న్ త‌న త‌ల్లి పుట్టిన రోజు సంద‌ర్భంగా ఓ ఖ‌రీదైన కారును బ‌హుమ‌తిగా ఇచ్చిన‌ట్లు తెలుస్తోంది.

ఆమె పుట్టిన రోజును పురస్కరించుకుని లగ్జరీ రేంజ్ రోవర్ కారు కొనిచ్చాడు. ఈ విషయాన్ని అతనే సోషల్ మీడియా వేదికగా షేర్ చేశాడు. పేరెంట్స్ తో దిగిన ఫోటోల‌ను సోష‌ల్ మీడియాలో పోస్ట్ చేసాడు. 'మా అమ్మకు బర్త్ డే గిఫ్ట్. ఇప్పటికీ మా అమ్మ ఆల్ ఇండియా రేడియోలో జాబ్ చేయడానికి సొంతంగా డ్రైవ్ చేసుకుంటూ రోజూ వెళ్తుంది. ఒక కొడుకుగా నన్ను మా అమ్మ ఒక కార్ కొనిమ్మని మాత్రమే అడిగింది.

ఈ చిన్న కానుకలు పెద్ద సంతోషాన్నిస్తాయి' అని తన ఆనందానికి అక్షర రూప మిచ్చాడు. సందీప్ కిషన్ షేర్ చేసిన ఫొటోలు ప్రస్తుతం సోషల్ మీడియాలో వైరలవుతున్నాయి. సినీ అభిమానులు, నెటిజన్లు ఈ యంగ్ హీరోపై ప్రశంసల వర్షం కురిపిస్తున్నారు.