సందీప్ కిషన్.. ఇదే అసలైన గోల్డెన్ ఛాన్స్

యంగ్ హీరో సందీప్ కిషన్ ఇటు తెలుగు, అటు తమిళ్ భాషలలో సినిమాలు చేస్తూ బిజీగా ఉన్నాడు. గత ఏడాది ధనుష్ ‘రాయన్ మూవీలో సందీప్ కిషన్ కీలక పాత్రలో నటించి మెప్పించాడు. ఈ సినిమా రెండు భాషలలో సూపర్ హిట్ అయ్యింది. ఇదిలా ఉంటే ప్రస్తుతం సందీప్ కిషన్ త్రినాథ్ రావు నక్కిన దర్శకత్వంలో ‘మజాకా’ మూవీ చేస్తున్నాడు. ప్రసన్నకుమార్ బెజవాడ ఈ సినిమాకి కథ అందించాడు. ఈ మూవీ షూటింగ్ కంప్లీట్ అయిపొయింది.

సంక్రాంతికి రిలీజ్ అని ఎనౌన్స్ చేశారు. అయితే పోటీ ఎక్కువ ఉండటంతో వాయిదా వేసినట్లు తెలుస్తోంది. ఇదిలా ఉంటే సందీప్ కిషన్ నెక్స్ట్ మూవీ తమిళంలో ప్లాన్ చేసుకున్నాడు. అది కూడా ఇళయదళపతి విజయ్ కొడుకు జాసన్ సంజయ్ తో కావడం విశేషం. దళపతి విజయ్ రాజకీయాలలోకి ఎంట్రీ ఇవ్వడంతో అతని కొడుకు జాసన్ సంజయ్ ని హీరోగా చూడాలని అనుకున్నారు. అయితే జాసన్ సంజయ్ మాత్రం అనూహ్యంగా దర్శకత్వం వైపు అడుగులు వేసాడు.

కోలీవుడ్ బడా నిర్మాణ సంస్థ లైకా ప్రొడక్షన్ జాసన్ సంజయ్ ని దర్శకుడిగా పరిచయం చేస్తోంది. ఈ సినిమాలో హీరోగా సందీప్ కిషన్ ని కన్ఫర్మ్ చేసుకున్నారు. ఇక చిత్రానికి మ్యూజిక్ డైరెక్టర్ గా థమన్ ఫైనల్ అయినట్లు తెలుస్తోంది. త్వరలో క్యాస్టింగ్ అండ్ క్రూ గురించి మేకర్స్ అఫీషియల్ ప్రకటన ఇచ్చే అవకాశం ఉందంట. ఈ సినిమా కోసం దళపతి ఫ్యాన్స్ కూడా ఆసక్తిగా ఎదురుచూస్తున్నారు.

తమ అభిమాన హీరో తనయుడు దర్శకుడిగా చేస్తోన్న మొదటి చిత్రం కావడంతో ఎలా ఉండబోతుందా అని వెయిట్ చేస్తున్నారు. నిజంగా సందీప్ కిషన్ కి ఇది మంచి ఛాన్స్ అని చెప్పొచ్చు. సినిమాకి తమిళనాట మంచి క్రేజ్ లభించే అవకాశం ఉంది. మూవీ కమర్షియల్ సక్సెస్ అయితే తమిళంలో అవకాశాలు పెరగొచ్చు. సందీప్ కిషన్ ‘ప్రస్థానం’ సినిమాతో 2010లో నటుడిగా కెరియర్ స్టార్ట్ చేశాడు.

అయితే ఇన్నేళ్లలో సందీప్ కిషన్ కి ఒక్క ‘వెంకట్రాద్రి ఎక్స్ ప్రెస్’ మూవీతో బిగ్గెస్ట్ హిట్ వచ్చింది. కొన్ని మూవీస్ బాగున్నాయనే టాక్ తెచ్చుకున్న కమర్షియల్ గా నిర్మాతలకి లాభాలు అందించలేదు. అయితే ‘మజాకా’ మూవీతో బ్లాక్ బస్టర్ అందుకుంటాననే నమ్మకంతో సందీప్ కిషన్ ఉన్నాడు. అలాగే నెక్స్ట్ జాసన్ సంజయ్ తో చేయబోయే సినిమాపైన చాలా కాన్ఫిడెంట్ గా ఉన్నట్లు తెలుస్తోంది. ఇదిలా ఉంటే దళపతి విజయ్ కి ఎన్నో సూపర్ హిట్ సాంగ్స్ ఇచ్చిన థమన్ అత్తని కొడుకు జాసన్ విజయ్ కి ఎలాంటి మ్యూజిక్ ఇస్తాడనేది కూడా ఇప్పుడు ఆసక్తికరంగా మారింది.