మహేష్ బాబు GOD అంటూ.. ఇబ్బంది పట్టేశారుగా..

గత కొన్ని రోజులుగా సోషల్ మీడియాలో సూపర్ స్టార్ మహేష్ బాబు ‘దేవకీ నందన వాసుదేవ’ సినిమాలో కృష్ణుడి పాత్రలో కనిపించనున్నారని జోరుగా ప్రచారం జరుగుతోంది. మహేష్ బాబు మేనల్లుడు అశోక్ గల్లా ప్రధాన పాత్రలో నటిస్తున్న ఈ చిత్రానికి ప్రతిభావంతుడైన దర్శకుడు ప్రశాంత్ వర్మ కథ అందించారు. ఈ వార్తలు తక్కువ సమయంలోనే వైరల్ అయ్యాయి. చాలా సినిమా పోర్టల్స్, మీడియా సంస్థలు కూడా ఈ వార్తను ప్రచారం చేశాయి.

ఇక మహేష్ బాబు సన్నిహితులు మాత్రం ఈ విషయంలో ఓ క్లారిటీ ఇచ్చేశారు. ఈ వార్తల్లో ఎలాంటి నిజం లేదని స్పష్టమైంది. మహేష్ బాబు ఈ సినిమాలో ఏ క్యామియో రోల్ చేయడం లేదట. మహేష్ బాబు తన మేనల్లుడు అశోక్ గల్లా చిత్రాలకు ప్రమోషనల్ సపోర్ట్ అందిస్తున్నప్పటికీ, తన షూటింగ్ షెడ్యూల్స్ కారణంగా ఏ సినిమాలోనూ ప్రత్యేక పాత్ర చేయడానికి ఆసక్తి చూపలేదు. మహేష్ ప్రస్తుతం దర్శకధీరుడు రాజమౌళితో చేస్తున్న సినిమా కోసం పూర్తిగా బిజీగా ఉన్నారు.

ఈ ప్రాజెక్ట్ కోసం తన ఫిజిక్ మరియు ప్రిపరేషన్ మీద దృష్టి పెట్టారు. దాంతో ‘దేవకీ నందన వాసుదేవ’ చిత్రంలో అతనేమీ కృష్ణుడి పాత్ర చేయడం లేదు. పైగా ఈ వార్తలు సినిమాలోని యూనిట్ నుంచే వచ్చాయని భావించడం అతనికి ఆగ్రహం కలిగించిందని సమాచారం.

కావాలనే ఇలా చేశారా అని సోషల్ మీడియాలో రకరకాల కామెంట్స్ పుట్టుకొస్తున్నాయి. ఈ విషయంలో మేకర్స్ నుంచి అఫీషియల్ గా క్లారిటీ అయితే రాలేదు.

‘దేవకీ నందన వాసుదేవ’ నవంబర్ 14న ప్రేక్షకుల ముందుకు రాబోతోంది. నవంబర్ 7న చిత్ర ట్రైలర్ విడుదల చేయనున్నారు. మాస్ ఎంటర్‌టైనర్‌గా రూపొందిన ఈ చిత్రానికి అర్జున్ జంధ్యాల దర్శకత్వం వహిస్తున్నారు. తెలుగమ్మాయి మానసా వారణాసి ఈ సినిమాతో హీరోయిన్‌గా పరిచయమవుతున్నారు.

భీమ్స్ సంగీతం అందించిన ఈ చిత్రాన్ని సోమినేని బాలకృష్ణ, నల్లపనేని యామిని సంయుక్తంగా నిర్మిస్తున్నారు. ఇది అశోక్ గల్లా రెండో చిత్రం కావడంతో అంచనాలు బాగానే ఉన్నాయి, ప్రమోషన్లను దీపావళి తర్వాత ప్రారంభించనున్నారు. మహేష్ బాబు సినిమాకు మద్దతు ఇవ్వడం సంతోషకరమే కానీ, అతనితో సంబంధం లేని రూమర్స్ ఇబ్బంది కలిగించాయని భావిస్తున్నారు. ఇక ఫ్యాన్స్ కూడా కొన్ని హోప్స్ పెట్టుకున్నారు. నిజమైతే బాగుండు అని కోరుకున్నారు. కానీ ప్రస్తుతం మహేష్ పూర్తిగా రాజమౌళి సినిమా కోసం సిద్ధం అవుతున్నారు. రాబోయే రోజుల్లో కమర్షియల్ యాడ్స్ లో కూడా కనిపించే అవకాశం లేదని తెలుస్తోంది.