ఎన్టీఆర్, అల్లు అర్జున్.. ఒకటే రూట్ ఎంచుకున్నారుగా..?

టాలీవుడ్ స్టార్ హీరోలు పాన్ ఇండియా క్రేజ్ తెచ్చుకోవడం వల్ల వెళ్లతో సినిమా చేయాలని మిగతా డైరెక్టర్స్ పోటీ పడుతున్నారు. ముఖ్యంగా కోలీవుడ్ స్టార్ డైరెక్టర్స్ తెలుగు హీరోల పాన్ ఇండియా క్రేజ్ చూసి సినిమాలు సెట్ చేసుకుంటున్నారు. ఈ క్రమంలో ఇద్దరు తెలుగు స్టార్స్ తమ నెక్స్ట్ సినిమాలు తమిళ దర్శకులతో సెట్ చేసుకున్నారు. ఆ డైరెక్టర్స్ తో సినిమా చేయడం ఆ స్టార్ ఫ్యాన్స్ కి కూడా సూపర్ జోష్ ఇస్తుంది. ఇంతకీ తమిళ డైరెక్టర్స్ తో చేస్తున్న తెలుగు స్టార్స్ ఎవరన్నది చూస్తే అది ఒకరు ఎన్టీఆర్ మరొకరు అల్లు అర్జున్ అని తెలుస్తుంది.

పుష్ప 2 తర్వాత అల్లు అర్జున్ కోలీవుడ్ స్టార్ డైరెక్టర్ అట్లీతో సినిమా చేస్తున్నాడు. ఇప్పటికే ఈ సినిమాకు సంబంధించిన ప్రీ ప్రొడక్షన్ వర్క్ జరుగుతుంది. ఈ సినిమాను పాన్ ఇండియా లెవెల్ లో భారీ రేంజ్ లో తెరకెక్కించబోతున్నట్టు తెలుస్తుంది. అల్లు అర్జున్ అట్లీ కాంబో కొన్నాళ్లుగా చర్చల్లో ఉంది. ఐతే పుష్ప 2 తో అల్లు అర్జున్ నేషనల్ లెవెల్ లో క్రేజ్ తెచ్చుకోగా ఇదే కరెక్ట్ టైం అనుకుని వీరి కలయికలో సినిమా చేస్తున్నారు.

ఇక మరోపక్క ఎన్టీఆర్ కూడా వార్ 2 ని పూర్తి చేసి ఈమధ్యనే ప్రశాంత్ నీల్ సినిమాను మొదలు పెట్టాడు. డ్రాగన్ గా రాబోతున్న ఈ సినిమాపై అంచనాలు తారాస్థాయిలో ఉన్నాయి. ఐతే డ్రాగన్ తర్వాత కోలీవుడ్ డైరెక్టర్ నెల్సన్ తో సినిమా ఫిక్స్ చేసుకున్నాడు తారక్. ఈ సినిమా గురించి అఫీషియల్ అనౌన్స్ మెంట్ రాలేదు కానీ సితార బ్యానర్ లో ఈ సినిమా రాబోతుందని కాంబో సినిమా పక్కా అనేస్తున్నారు. ఐతే ప్రశాంత్ నీల్ సినిమా పూర్తి చేశాక నెల్సన్ సినిమా ఉంటుందని తెలుస్తుంది.

ఎన్టీఆర్ కోసం నెల్సన్, అల్లు అర్జున్ కోసం అట్లీ ఈ ఇద్దరు కూడా తమ కెరీర్ బెస్ట్ సినిమాగా ఈ మూవీ నిలిచేలా చేయాలని ప్రయత్నిస్తున్నారు. నెల్సన్ దిలీప్ కుమార్ ప్రస్తుతం రజినీకాంత్ తో జైలర్ 2 చేస్తున్నాడు. ఐతే ఆ సినిమా పూర్తి చేయకముందే ఎన్టీఆర్ తో కథా చర్చలు ఉండేలా చూస్తున్నారట. మరి ఈ కాంబో సినిమాలు ఎలాంటి కథలతో వస్తున్నాయి.. బాక్సాఫీస్ పై ఎలాంటి హంగామా చేస్తాయన్నది చూడాలి. ఐతే ఈ కొత్త కాంబినేషన్స్ పై ఫ్యాన్స్ మాత్రం అంచనాలు నెక్స్ట్ లెవెల్ లో ఉన్నాయి.