నిండు గ‌ర్భిణి ప్ర‌ణీత స్పెష‌ల్ ఫోటోషూట్
`అత్తారింటికి దారేది` ఫేం ప్రణిత కెరీర్, లైఫ్ జ‌ర్నీ గురించి తెలిసిందే.
`అత్తారింటికి దారేది` ఫేం ప్రణిత కెరీర్, లైఫ్ జ‌ర్నీ గురించి తెలిసిందే. చేప‌క‌ళ్ల సుంద‌రి 2021 మేలో బిజినెస్ మేన్ నితిన్ రాజును వివాహం చేసుకుంది. ఒక సంవత్సరం తర్వాత మొదటి బిడ్డకు (కుమార్తె) జన్మనిచ్చింది. ఇప్పుడు రెండో కాన్పున‌కు రెడీ అవుతోంది. ఇటీవ‌ల త‌న బ‌ర్త్ డే సంద‌ర్భంగా భ‌ర్త‌తో క‌లిసి ప్ర‌ణీత ఎంతో జాలీగా గ‌డిపిన ఫోటోలు, వీడియోలు వైరల్ అయ్యాయి. నిండు గ‌ర్భిణి అయిన ప్ర‌ణీత ఆనందానికి అవ‌ధుల్లేవ్. త‌న‌ను సంతోషంగా ఉంచ‌డంలో భ‌ర్త తీసుకుంటున్న శ్ర‌ద్ధ స్ప‌ష్ఠంగా కనిపించింది.
నిద్రలేని రాత్రులు.. హార్మోన్ల మార్పులు.. యాసిడ్ రిఫ్లక్స్.. పెల్విక్ పెయిన్స్ .. సి-సెక్షన్ కోసం సిద్ధమవుతున్నాను అని ఈ నెల ప్రారంభంలో ప్ర‌ణీత తెలిపింది. సి-సెక్షన్ అంటే సిజేరియన్ కాన్పు. ఇప్పుడు మరోసారి నిండు గ‌ర్భిణిగా ఉన్న‌ప్ప‌టి ఫోటోల‌ను ప్ర‌ణీత షేర్ చేసింది. వీటిలో ఈ బ్యూటీ ఎంతో ఉల్లాసంగా క‌నిపిస్తోంది. తల్లి కాబోతున్న గ్లో త‌న ముఖంలో క‌నిపిస్తోంది. వైట్ ఫ్రాకులో ప్ర‌ణీత దివ్య‌మైన రూపం మాతృత్వ వైబ్స్ కి సింబాలిక్ గా క‌నిపిస్తోంది. ప్ర‌స్తుతం ఈ ఫోటోగ్రాఫ్స్ ఇంట‌ర్నెట్ లో వైరల్ గా మారుతున్నాయి.
కన్నడ న‌టి ప్ర‌ణీత తెలుగు, తమిళం, హిందీ, మలయాళం, కన్నడ చిత్ర‌సీమ‌ల‌లో సినిమాలు చేసింది. 2010లో దర్శన్ నటించిన కన్నడ చిత్రం `పోర్కి`తో తెరంగేట్రం చేసింది. సిద్ధార్థ్ నటించిన తెలుగు చిత్రం బావలో కనిపించింది. ఆ తర్వాత అరుళ్‌నిధి నటించిన `ఉదయన్` అనే తమిళ చిత్రంలో నటించింది. శ‌గుణి(తెలుగులో శ‌కుని), జరాసంధ, భీమ తీరదల్లి, విజిల్ చిత్రాల్లో నటించింది. బ్రహ్మ, పాండవులు పాండవులు తుమ్మెద, మాస్, డైనమైట్, బ్ర‌హ్మోత్స‌వం వంటి చిత్రాల్లో కనిపించింది. ప‌వ‌న్ క‌ల్యాణ్ స‌ర‌స‌న నటించిన అత్తారింటికి దారేది బిగ్గెస్ట్ హిట్ చిత్రంగా నిలిచింది.2021లో శిల్పా శెట్టి, పరేష్ రావల్ నటించిన `హంగామా 2`తో ప్రణిత హిందీలోకి అడుగుపెట్టింది. ఈ చిత్రం 2003లో వచ్చిన హంగామా చిత్రానికి సీక్వెల్. ప్రియదర్శన్ దర్శకత్వం వహించిన ఈ చిత్రం, చిత్రనిర్మాత స్వంత 1994 మలయాళ చిత్రం `మిన్నారం` ఆధారంగా రూపొందింది. ఆమె ఆ తర్వాత అజయ్ దేవగన్, సోనాక్షి సిన్హా నటించిన `భుజ్: ది ప్రైడ్ ఆఫ్ ఇండియా`లో కనిపించింది. ఈ చిత్రం 1971 ఇండో-పాకిస్తాన్ యుద్ధం నేప‌థ్యంలో తెర‌కెక్కింది.