ఫేమ‌స్ బ్యూటీలంతా అక్క‌డికెళ్లిపోతున్నారే!
అవ‌కాశాలు రాన‌ప్పుడు ఏం చేస్తారు? ఎక్క‌డ అవ‌కాశాలొస్తే అక్క‌డి వెళ్లిపోతారు.
అవ‌కాశాలు రాన‌ప్పుడు ఏం చేస్తారు? ఎక్క‌డ అవ‌కాశాలొస్తే అక్క‌డి వెళ్లిపోతారు. అదే అవాస‌రంగా ఏర్పాటు చేసుకుంటారు? అక్క‌డే కొన్నాళ్ల పాటు కెరీర్ సాగేలా ప్లాన్ చేసుకుంటారు. తాజాగా టాలీవుడ్ లో ఫేమ‌స్ అయిన ముగ్గురు...న‌లుగురు బ్యూటీలిప్పుడు అదే ప‌నిలో ఉన్న‌ట్లు తెలుస్తోంది. ఇంత‌కీ ఎవ‌రా భామ‌లు? టాలీవుడ్ లో వాళ్ల స్టేట‌స్ ఏంటి? అంటే వివ‌రాల్లోకి వెళ్లాల్సిందే.
టాలీవుడ్ లో అవ‌కాశాలున్నంత కాలం స్వీటీ అనుష్క ఇండ‌స్ట్రీని ఏ రేంజ్ లో షేక్ చేసిందో తెలిసిందే.`సూప‌ర్` తో మొద‌లైన అమ్మ‌డి ప్ర‌యాణం `బాహుబ‌లి` వ‌ర‌కూ ఎంతో దిగ్విజ‌యంగా సాగింది. ఈ మ‌ధ్యలో ఎంతో మంది ద‌ర్శ‌క-హీరోల‌తో ప‌నిచేసింది. త‌న‌కంటూ ప్ర‌త్యేకమైన గుర్తింపును ద‌క్కించుకుంది. లేడీ ఓరియేంటెడ్ నాయిక‌గానూ స‌త్తా చాటింది. అయితే బాహుబ‌లి తర్వాత అనుష్క కెరీర్ ఆశించినం త‌గా సాగ‌లేదు అన్న‌ది వాస్త‌వం. కొన్ని సినిమాలు చేసినా ఆవేమి అనుష్క ని పైకి లేప‌లేదు.
ఇటీవ‌లే రిలీజ్ అయిన మిసెస్ శెట్టి..మిస్ట‌ర్ పొలిశెట్టి లాంటి సినిమాకి టాక్ అయితే పాజిటివ్ గా వ‌చ్చింది గానీ...సౌండింగ్ హిట్ కాదు. ఈ నేప‌థ్యంలో 18 టాలీవుడ్ సుదీర్ఘ ప్ర‌యాణం అనంత‌రం అనుష్క మాలీవుడ్ లో అడుగు పెడుతుంది. క‌థ‌నార్: ` ది వైల్డ్ సోర్సెర్` అనే సినిమాతో లాంచ్ అవుతుంది. ఇందులో అరుధంతి లాంటి శ‌క్తి వంత‌మైన పాత్ర పోషిస్తున్న‌ట్లు స‌మాచారం. పాత్ర అంత బ‌లంగా ఉండ‌టంతోనే అనుష్క ఒప్పుకున్న‌ట్లు తెలుస్తోంది.
అలాగే మిల్కీబ్యూటీగా తెలుగు ప్రేక్ష‌కుల హృద‌యాల్లో చెర‌గ‌ని ముద్ర వేసిన కెరీర్ గాడి త‌ప్పింది. ఈ నేప‌థ్యంలోనే మాలీవుడ్ లో `బాంద్రా` అనే సినిమాతో అక్క‌డ లాంచ్ అవుతుంది. ఇందులో దిలీప్ హీరోగా న‌టిస్తున్నాడు. ఇందులో త‌మ‌న్నా మ‌హారాణి పాత్ర‌లో క‌నిపించ‌నుంది. అలాగే టాలీవుడ్ ఉప్పెన‌లా దూసుకొచ్చిన ముంబై బ్యూటీ కృతి శెట్టి కూడా మాలీవుడ్ లో అదృష్టాన్ని ప‌రీక్షించుకుం టుంది. టోవినో థామ‌స్ హీరోగా న‌టిస్తోన్న పాన్ ఇండియా చిత్రం `అజ‌యంటే రందం మోష‌ణం` అనే సినిమాలో హీరోయిన్ గా న‌టిస్తోంది. ఇక `అత్తారింటికి దారేది` తో మెప్పించిన బాపుబొమ్మ ప్ర‌ణీత `థంక‌మ‌ణి` అనే మాలీవుడ్ చిత్రంతో అక్క‌డ ఎంట్రీ ఇస్తోంది. ఇంకా తెలుగులో అవ‌కాశాలు రాని చాలా మంది భామ‌లు ఇత‌ర ప‌రిశ్ర‌మ‌లకి షిప్ట్ అవుతున్నారు.